അമേരിക്കയിൽ മോദിക്ക് വമ്പൻ സ്വീകരണം; ആ​ദ​രവിന് നന്ദി പറഞ്ഞ് പ്രധാനമന്ത്രി; 21ാം നൂ​റ്റാ​ണ്ടി​ന്‍റെ ഗ​തി നി​ർ​ണ​യി​ക്കു​ന്ന രണ്ട് ലോക ശ​ക്തി​ക​ളാ​ണ് ഇ​ന്ത്യ​യും അ​മേ​രി​ക്ക​യുമെന്ന് ബൈഡൻ

വാ​ഷിം​ഗ്ട​ൺ: അ​മേ​രി​ക്ക​യിലെത്തിയ പ്രധാനമന്ത്രി നരേന്ദ്ര മോദിക്ക് വൈറ്റ് ഹൗസിൽ വമ്പൻ സ്വീകരണം. ത​നി​ക്ക് ല​ഭി​ച്ച സ്വീ​ക​ര​ണം 140 കോ​ടി ഇ​ന്ത്യാ​ക്കാ​ർ​ക്കു​ള്ള ആ​ദ​ര​മാ​ണെ​ന്ന് പ്ര​ധാ​ന​മ​ന്ത്രി പറഞ്ഞു. പ്രധാനമന്ത്രിയെ ഗാർഡ് ഓഫ് ഓണർ നൽകിയാണ് സ്വീകരിച്ചത്. ​ഊഷ്മള സ്വീകരണത്തിന് മോദി നന്ദി പറഞ്ഞു.

ഇത്രയധികം പേർക്കായി വൈറ്റ് ഹൗസിന്റെ വാതിലുകൾ തുറന്നുകൊടുക്കുന്നത് ആദ്യമായാണെന്ന് ജനങ്ങളെ അഭിസംബോധന ചെയ്ത് പ്രധാനമന്ത്രി ചൂണ്ടിക്കാട്ടി. ഇന്ത്യക്കാർക്കും ഇന്ത്യൻ അമേരിക്കക്കാർക്കും ഇതൊരു ബഹുമതിയാണ്. 140 കോടി ഇന്ത്യക്കാർക്കു വേണ്ടി പ്രസിഡന്റ് ജോ ബൈഡനും ജിൽ ബൈഡനും നന്ദി പറയുന്നതായും മോദി പറഞ്ഞു.

ഇ​ന്ത്യ​യും അ​മേ​രി​ക്ക​യും പ​ങ്കി​ടു​ന്ന​ത് ഒ​രേ മൂ​ല്യ​ങ്ങ​ളാ​ണെ​ന്ന് അ​മേ​രി​ക്ക​ൻ പ്ര​സി​ഡ​ന്‍റ് ജോ ​ബൈ​ഡ​ൻ പ​റ​ഞ്ഞു. ഇ​രു​രാ​ജ്യ​ങ്ങ​ൾ​ക്കു​മി​ട​യി​ൽ ശ​ക്ത​മാ​യ ബ​ന്ധ​മാ​ണ് ഉ​ള്ള​തെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി. ഇ​ന്ത്യ​ൻ വം​ശ​ജ​യാ​യ യു​എ​സ് വൈ​സ് പ്ര​സി​ഡ​ന്‍റ് ക​മ​ല ഹാ​രി​സി​ന്‍റെ ജീ​വി​തം അ​ട​ക്കം പ​രാ​മ​ർ​ശി​ച്ചാ​യി​രു​ന്നു ബൈ​ഡ​ൻ സം​സാ​രി​ച്ച​ത്.

അ​മേ​രി​ക്ക​യു​ടെ വ​ള​ർ​ച്ച​യ്ക്ക് പ്ര​വാ​സി​ക​ളാ​യ ഇ​ന്ത്യാ​ക്കാ​രു​ടെ പ​ങ്ക് വ​ള​രെ വ​ലു​താ​ണ്. വൈ​വി​ധ്യ​വും, മ​ത​ങ്ങ​ളി​ലെ നാ​നാ​ത്വ​വും ഇ​രു രാ​ജ്യ​ങ്ങ​ളു​ടെ​യും ശ​ക്തി​യാ​ണ്. ഇ​ന്ത്യ - അ​മേ​രി​ക്ക ബ​ന്ധ​ത്തി​ന്‍റെ സാ​ധ്യ​ത​ക​ൾ വ​ള​രെ വ​ലു​താ​ണ്. ര​ണ്ട് മ​ഹ​ത്താ​യ രാ​ഷ്ട്ര​ങ്ങ​ൾ, ര​ണ്ട് ഉ​റ്റ​സു​ഹൃ​ത്തു​ക്ക​ൾ, ര​ണ്ട് ലോ​ക ശ​ക്തി​ക​ൾ, അ​താ​ണ് അ​മേ​രി​ക്ക​യും ഇ​ന്ത്യ​യും. 21ാം നൂ​റ്റാ​ണ്ടി​ന്‍റെ ഗ​തി നി​ർ​ണ​യി​ക്കു​ന്ന ശ​ക്തി​ക​ളാ​ണ് ഇ​ന്ത്യ​യും അ​മേ​രി​ക്ക​യു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.