ക​ഖോ​വ്ക അ​ണ​ക്കെ​ട്ട് ത​ക​ർ​ത്തത് റഷ്യ തന്നെ! ഡാമി​ന് സമീപത്ത് കാ​ർ കി​ട​ക്കു​ന്ന ചി​ത്രം യു​ക്രെ​യ്ൻ പുറത്തുവിട്ടു. ഇതിൽ വീ​പ്പ​ക​ളും കു​ഴി​ബോം​ബുകളും കാ​ണാം. കാ​റി​ൽ നി​ന്നും ഡാമിലേക്ക് ഒ​രു വ​യ​റും ഘ​ടി​പ്പി​ച്ചി​രു​ന്നു; തെളിവ് നിരത്തി യു​ക്രെ​യ്ൻ

കീ​വ്: യു​ക്രെ​യ്നി​ലെ ക​ഖോ​വ്ക ഡാം ത​ക​ർ​ത്ത​ത് റ​ഷ്യ തന്നെയെന്ന് ആവർത്തിച്ച് യു​ക്രെ​യ്ൻ. റഷ്യയുടെ പങ്ക് വെളിവാക്കുന്ന തെ​ളി​വു​കൾ നിരത്തിയാണ് യു​ക്രെ​യ്ൻ ആരോപണം ഉന്നയിച്ചിരിക്കുന്നത്.

അ​ണ​ക്കെ​ട്ട് ത​ക​ർ​ക്കാ​നാ​യി റ​ഷ്യ ന​ട​ത്തി​യ ആ​സൂ​ത്രി​ത നീ​ക്ക​ത്തി​ന്‍റെ തെ​ളി​വെ​ന്ന് അ​വ​കാ​ശ​പ്പെ​ടു​ന്ന ഫോ​ട്ടോ യു​ക്രെ​യ്ൻ പു​റ​ത്തു​വി​ട്ടു. മേ​യ് 28-ന് ​അ​ണ​ക്കെ​ട്ടി​ന് മു​ക​ളി​ൽ ഒ​രു ഓ​പ്പ​ൺ ടോ​പ് കാ​ർ കി​ട​ക്കു​ന്ന ചി​ത്ര​മാ​ണ് യു​ക്രെ​യ്ൻ പു​റ​ത്തു​വി​ട്ട​ത്.

കാ​റി​ന്‍റെ ഫോ​ട്ടോ സൂം ​ചെ​യ്ത് നോ​ക്കി​യാ​ൽ വീ​പ്പ​ക​ളും കു​ഴി​ബോം​ബ് സാ​മ​ഗ്രി​ക​ൾ ഘ​ടി​പ്പി​ച്ച ഉ​പ​ക​ര​ണ​ങ്ങ​ളും കാ​ണാ​മെ​ന്നാ​ണ് യു​ക്രെ​യ്ൻ പ​റ​യു​ന്ന​ത്. കാ​റി​നു​ള്ളി​ൽ നി​ന്ന് അ​ണ​ക്കെ​ട്ടി​ലെ ജ​ലാ​ശ​യ​ത്തി​ലേ​ക്ക് ഒ​രു വ​യ​റും ഘ​ടി​പ്പി​ച്ചി​രു​ന്നു.

അ​ണ​ക്കെ​ട്ടി​ലെ യ​ന്ത്ര​ങ്ങ​ൾ സൂ​ക്ഷി​ച്ചി​രു​ന്ന മു​റി​യി​ൽ വ​ച്ച് റ​ഷ്യ ന​ട​ത്തി​യ സ്ഫോ​ട​ന​നീ​ക്ക​ത്തി​ന് സു​ര​ക്ഷ ഒ​രു​ക്കാ​നാ​ണ് ഈ ​വാ​ഹ​നം ഉ​പ​യോ​ഗി​ച്ച​തെ​ന്ന് യു​ക്രെ​യ്ൻ അ​റി​യി​ച്ചു. റ​ഷ്യ​ൻ നി​യ​ന്ത്ര​ണ​ത്തി​ലു​ള്ള അ​ണ​ക്കെ​ട്ടി​ലേ​ക്ക് ക​ട​ക്കാ​ൻ ത​ങ്ങ​ൾ ശ്ര​മി​ച്ചാ​ൽ ഉ​പ​യോ​ഗി​ക്കാ​നാ​യി​രു​ന്നു കാ​റി​ലെ സ്ഫോ​ട​ക​വ​സ്തു​ക്ക​ളെ​ന്നും യു​ക്രെ​യ്ൻ ആ​രോ​പി​ച്ചു.

ഇ​തി​നി​ടെ, അ​ണ​ക്കെ​ട്ട് ത​ക​ർ​ച്ച​യെ​ത്തു​ട​ർ​ന്നു​ള്ള വെ​ള്ള​പ്പൊ​ക്ക​ത്തി​ൽ മ​രി​ച്ച​വ​രു​ടെ എ​ണ്ണം 45 ആ​യി ഉ​യ​ർ​ന്നു. ത​ങ്ങ​ളു​ടെ നി​യ​ന്ത്ര​ണ​ത്തി​ലു​ള്ള മേ​ഖ​ല​യി​ൽ 29 പേ​ർ മ​രി​ച്ച​താ​യി റ​ഷ്യ അ​റി​യി​ച്ചു.

യു​ക്രെ​യ്ൻ അ​തി​ർ​ത്തി​ക്കു​ള്ളി​ലെ മേ​ഖ​ല​ക​ളി​ൽ 16 പേ​ർ മ​രി​ച്ചെ​ന്നാ​ണ് കീ​വ് അ​റി​യി​ച്ച​ത്. 31 പേ​രെ കാ​ണാ​താ​യ​താ​യും 1,300 വീ​ടു​ക​ൾ വെ​ള്ള​ത്തി​ന​ടി​യി​ൽ തു​ട​രു​ക​യാ​ണെ​ന്നും യു​ക്രെ​യ്ൻ അ​റി​യി​ച്ചു.