മുംബൈ: ഇന്ത്യന്‍ സൂപ്പര്‍ ലീഗ് എട്ടാം സീസണിലെ ആദ്യ 11 റൗണ്ടുകളുടെ മത്സരക്രമം പുറത്തിറക്കി. ഫത്തോര്‍ഡയില്‍ നവംബര്‍ 19ന് എടികെ മോഹന്‍ ബഗാനും കേരള ബ്ലാസ്റ്റേഴ്‌സും തമ്മിലാണ് ഉദ്ഘാടന മത്സരം. ഫറ്റോര്‍ഡ സ്‌റ്റേഡിയത്തില്‍ രാത്രി 7.30നാണ് മത്സരം.
🚨 𝐎𝐅𝐅𝐈𝐂𝐈𝐀𝐋 🚨
𝗔𝗡𝗢𝗧𝗛𝗘𝗥 𝗔𝗖𝗧𝗜𝗢𝗡-𝗣𝗔𝗖𝗞𝗘𝗗 #𝗛𝗲𝗿𝗼𝗜𝗦𝗟 𝗦𝗘𝗔𝗦𝗢𝗡 𝗔𝗪𝗔𝗜𝗧𝗦 🙌#LetsFootball
— Indian Super League (@IndSuperLeague) September 13, 2021
ഇത്തവണയും ഗോവയില്‍ മാത്രമായാണ് മത്സരങ്ങള്‍ നടക്കുന്നത്. ഫറ്റോര്‍ഡയിലെ ജവഹര്‍ലാല്‍ നെഹ്‌റു സ്‌റ്റേഡിയം, ബാംബോലിമിലെ അത്‌ലറ്റിക് സ്‌റ്റേഡിയം, തിലക് മൈതാന്‍ സ്‌റ്റേഡിയം എന്നിവയാണ് ടൂര്‍ണമെന്റ് വേദികള്‍. മൂന്ന് സ്റ്റേഡിയങ്ങളിലായി ആകെ 115 മത്സരങ്ങള്‍ അരങ്ങേറും. ജനുവരി 9 വരെയുള്ള 55 മത്സരങ്ങളുടെ ഷെഡ്യൂളാണ് ഇപ്പോള്‍ പ്രഖ്യാപിച്ചിരിക്കുന്നത്. രണ്ടാം ഷെഡ്യൂള്‍ ഡിസംബറില്‍ അവതരിപ്പിക്കും.
