ദേശീയം

ഇസ്രായേല്‍ എംബസിക്ക് പുറത്ത് സ്‌ഫോടന വസ്തുക്കള്‍ സ്ഥാപിച്ചവരെന്ന് കരുതുന്ന രണ്ടു പേരുടെ സിസിടിവി ദൃശ്യങ്ങള്‍ പുറത്ത്‌; പിടികൂടാന്‍ സഹായിക്കുന്നവര്‍ക്ക് 10 ലക്ഷം രൂപ പാരിതോഷികം പ്രഖ്യാപിച്ച് എന്‍ഐഎ

ന്യൂസ് ബ്യൂറോ, ഡല്‍ഹി
Tuesday, June 15, 2021

ന്യൂഡല്‍ഹി: ഇസ്രായേല്‍ എംബസിക്ക് പുറത്ത് സ്‌ഫോടന വസ്തുക്കള്‍ സ്ഥാപിച്ചവരെന്ന് കരുതുന്ന രണ്ടു പേരുടെ സിസിടിവി ദൃശ്യങ്ങള്‍ എന്‍..ഐ.എ പുറത്തുവിട്ടു. ഈ വര്‍ഷം ജനുവരിയിലാണ് ഡല്‍ഹിയിലെ ഇസ്രായേല്‍ എംബിസിക്ക് മുന്നില്‍ സ്‌ഫോടനം നടന്നത്.

വീഡിയോ പുറത്തുവിട്ടതിന് പിന്നാലെ പ്രതികളെന്ന് സംശയിക്കുന്നവരെ പിടികൂടാന്‍ സഹായിക്കുന്നവര്‍ക്ക് എന്‍.ഐ.എ 10 ലക്ഷം രൂപ വീതം പാരിതോഷികം പ്രഖ്യാപിക്കുകയും ചെയ്തു. എന്‍.ഐഎയുടെ ഔദ്യോഗിക വെബ്‌സൈറ്റിലൂടെയും ഫോണ്‍ നമ്പര്‍ മുഖേനയുമാണ് വിവരങ്ങള്‍ കൈമാറേണ്ടത്.

×