നമ്പി നാരായണനെ അന്നു പീഡിപ്പിച്ച പോലീസുദ്യോഗസ്ഥന്‍ ഇന്നിപ്പോള്‍ പ്രതികളാവുകയാണ്. നമ്പി നാരായണനെ ഐഎസ്ആര്‍ഒ ചാരക്കേസിന്‍റെ പേരില്‍ തടവിലാക്കുകയും പീഡിപ്പിക്കുകയും അദ്ദേഹത്തിന്‍റെ ഔദ്യോഗിക ജീവിതം തന്നെ തകര്‍ത്തുകളയുകയും ചെയ്ത പോലീസുദ്യോഗസ്ഥര്‍ക്കെതിരെ സിബിഐ കേസെടുത്തിരിക്കുന്നു. സുപ്രീം കോടതിയിലെ ജസ്റ്റിസ് സി.ജെ ജെയിന്‍ ഉത്തരവിട്ടതുപ്രകാരം സിബിഐ ഡല്‍ഹി യൂണിറ്റ് തിരുവനന്തപുരത്തെ ചീഫ് ജുഡീഷ്യല്‍ മജിസ്ട്രേറ്റ് കോടതിയില്‍ ഓണ്‍ലൈനായി ചാര്‍ജ് ഷീറ്റ് സമര്‍പ്പിച്ചു.
കേരള പോലീസില്‍ സര്‍ക്കിള്‍ ഇന്‍സ്പെക്ടറായിരുന്ന എസ് വിജയനാണ് ഒന്നാം പ്രതി. അന്നു ഡിഐജിയായിരുന്ന സിബി മാത്യൂസ് ഏഴാം പ്രതിയുമാണ്. കേന്ദ്ര സര്‍വീസായ ഇന്‍റലിജന്‍സ് ബ്യൂറോ ഡെപ്യൂട്ടി ഡയറക്ടറായിരുന്ന ആര്‍.ബി ശ്രീകുമാര്‍, സിറ്റി പോലീസ് കമ്മീഷണറായിരുന്ന ബി.ആര്‍ രാജീവന്‍, വഞ്ചിയൂര്‍ എസ്ഐ ആയിരുന്ന തമ്പി എസ് ദുര്‍ഗാദത്ത് എന്നിങ്ങനെ പോകുന്നു പ്രതിപ്പട്ടിക.
1994 -95 കാലഘട്ടത്തില്‍ കേരളക്കരയെ ഇളക്കി മറിച്ച ഐഎസ്ആര്‍ഒ ചാരക്കേസ് രാഷ്ട്രീയത്തിലും ഏറെ ചലനങ്ങള്‍ സൃഷ്ടിച്ചു. ഐറെക്കരുത്തനായ കെ കരുണാകരനെ മുഖ്യമന്ത്രിക്കസേരയില്‍ നിന്നു തെറിപ്പിക്കാന്‍ പോലും ഈ കേസ് രാഷ്ട്രീയമായി ഉപയോഗിച്ചു എന്നു പറയുമ്പോള്‍ അതിന്‍റെ ശക്തി എത്രയായിരുന്നുവെന്ന് ഊഹിക്കാന്‍ കഴിയും.
ഇന്ത്യന്‍ ബഹിരാകാശ ഗവേഷണ കേന്ദ്രത്തിലെ എക്കാലത്തെയും മികച്ച ശാസ്ത്രജ്ഞന്മാരിലൊരാളായ നമ്പിനാരായണനു നഷ്ടമായത് ഇന്ത്യയിലെ ഒരു പ്രധാന ശാസ്ത്രജ്ഞനെന്ന നിലയ്ക്കുള്ള ഉദ്യോഗം മാത്രമല്ല, സ്വന്തം മാനവും സമൂഹത്തിലെ അംഗീകാരവും ഒക്കെകൂടിയാണ്.
സുപ്രീം കോടതി ഉത്തരവിനെ തുടര്‍ന്ന് കഴിഞ്ഞ വര്‍ഷം ആഗസ്തില്‍ സംസ്ഥാന സര്‍ക്കാര്‍ നഷ്ടപരിഹാരമായി ഒരു കോടി മുപ്പതു ലക്ഷം രൂപാ അദ്ദേഹത്തിനു നല്‍കി. പ്രായമേറെയായിരിക്കുന്ന ഈ ഘട്ടത്തില്‍ അതൊരു വലിയ സഹായമാണെങ്കിലും ജീവിതത്തില്‍ ഉണ്ടായ നാശനഷ്ടങ്ങള്‍ക്ക് ഒരു പരിഹാരമല്ലെന്നുമോര്‍ക്കണം.
1994 നവംബര്‍ 30 -ാം തീയതിയാണ് കേരള പോലീസ് നമ്പിനാരായണനെ അറസ്റ്റ് ചെയ്തത്. അതി സങ്കീര്‍ണമായ ലിക്വിഡ് പ്രൊപ്പല്‍ഷന്‍ (റോക്കറ്റ് വിക്ഷേപണത്തിനുപയോഗിക്കുന്ന ദ്രവ ഇന്ധനം) രഹസ്യങ്ങള്‍ മാലദ്വീപ് വനിതകളായ മറിയം റഷീദ, ഫൗസിയ ഹസന് എന്നീ വനിതകള്‍ക്ക് കൈമാറി എന്നതായിരുന്നു കുറ്റം. അന്നു മറിയം റഷീദയ്ക്ക് 33 വയസായിരുന്നു പ്രായം. ഫൗസിയ ഹസന് 50 വയസും.
സത്യസന്ധതയ്ക്കും പ്രാഗത്ഭ്യത്തിനും പേരുകേട്ട ഡിഐജി സിബി മാത്യൂസിന്‍റെ നേതൃത്വത്തിലുള്ള കേരളാ പോലീസിന്‍റെ കേസന്വേഷണ സംഘമാണ് ഐഎസ്ആര്‍ഒ ചാരക്കേസ് അന്വേഷിച്ചത്.
കേസില്‍ സഹപ്രവര്‍ത്തകനായ ഐജി രമണ്‍ ശ്രീവാസ്തവയുടെ പേരുകൂടി ഉയര്‍ന്നുവന്നതോടെ അന്വേഷണം സിബിഐക്കു വിടുകയാണുചിതമെന്ന് അദ്ദേഹം ഡിജിപി ടി.വി മധുസൂധനനോടാവശ്യപ്പെട്ടു. കേസിന്‍റെ പിന്നാമ്പുറത്തു വളരെ സജീവമായി പ്രവര്‍ത്തിച്ചിരുന്ന കേന്ദ്ര ഇന്‍റലിജന്‍സ് ബ്യൂറോ ആവട്ടെ, ശ്രീവാസ്തവയെ ഉടന്‍ സസ്പെണ്ട് ചെയ്യണമെന്ന് ഡിജിപിയോട് ആവശ്യപ്പെട്ടു. ശരിയായ തെളിവുകള്‍ കൈയില്‍കിട്ടാതെ ഒരു ഐപിഎസ് ഉദ്യോഗസ്ഥനെ സസ്പെന്‍റ് ചെയ്യാനാവില്ലെന്നായിരുന്നു അദ്ദേഹത്തിന്‍റെ മറുപടി.
1994 ഡിസംബര്‍ രണ്ടാം തീയതി ഐബി ഉദ്യോഗസ്ഥരായ മാത്യു ജോണും ആര്‍.ബി ശ്രീകുമാറും മുഖ്യമന്ത്രി കെ കരുണാകരനെ ഒദ്യോഗിക വസതിയായ ക്ലിഫ് ഹൗസില്‍ ചെന്നു കണ്ട് ഇതേ ആവശ്യം ഉന്നയിച്ചു. എന്തെങ്കിലും തെളിവുണ്ടോ എന്ന ചോദ്യത്തിന് കൃത്യമായ മറുപടി കൊടുക്കാന്‍ ഉദ്യോഗസ്ഥര്‍ക്കായില്ല.
കരുണാകരന്‍ പിന്നെ മൗനമവലംബിച്ചു. ഉദ്യോഗസ്ഥര്‍ നിരാശരായി ഇറങ്ങിപ്പോയി. അന്നു രാത്രിതന്നെ കരുണാകരന്‍ കേസ് സിബിഐ ഏറ്റെടുക്കണമെന്ന് കേന്ദ്രമന്ത്രി മാര്‍ഗരറ്റ് ആല്‍വയോടാവശ്യപ്പെട്ടു. പിറ്റേന്നുതന്നെ അന്വേഷണം സിബിഐയുടെ കൈയിലായി. ഐഎസ്ആര്‍ഒ ചാരക്കേസിലെ ഏറ്റവും പ്രധാന വഴിത്തിരിവ്.
ഐബി ഉദ്യോഗസ്ഥരുടെ പിന്തുണയോടെ കേരള പോലീസ് കെട്ടിച്ചമച്ചതൊക്കെയും കള്ളക്കഥകളാണെന്നായിരുന്നു സിബിഐയുടെ കണ്ടെത്തല്‍. ഒക്കെയും തെളിവുകള്‍ നിരത്തി അവര്‍ സമര്‍ത്ഥിക്കുകയും ചെയ്തു. നമ്പിനാരായണന്‍, ഡി. ശശികുമാരന്‍ എന്നീ ശാസ്ത്രജ്ഞന്മാരും മറിയം റഷീദയും ഫൗസിയാ ഹസനും ഉള്‍പ്പെടെ പ്രതികളൊക്കെയും കടുത്ത പോലീസ് പീഡനത്തില്‍ നിന്നു രക്ഷപെടുകയും ചെയ്തു. 1996 മെയ് രണ്ടിന് എറണാകുളം ചീഫ് ജുഡീഷ്യല്‍ മജിസ്ട്രേറ്റ് കോടതി സിബിഐ റിപ്പോര്‍ട്ട് അംഗീകരിച്ച് പ്രതികളെയൊക്കെയും മോചിപ്പിച്ചു. ഐഎസ്ആര്‍ഒ ചാരക്കേസ് കെട്ടിച്ചമച്ച കേസാണെന്നും കോടതി വിധിച്ചു.
1994 ഒക്ടോബര്‍ 20 -ാം തീയതി മറിയം റഷീദ എന്ന മാലി സ്വദേശിയെ അറസ്റ്റ് ചെയ്തതിലൂടെയാണ് ചാരക്കേസ് തുടങ്ങിയത്. എലിപ്പനിമൂലം തിരുവനന്തപുരം-മാലി വിമാന സര്‍വീസുകള്‍ റദ്ദാക്കിയതിനാല്‍ താമസകാലാവധി നീട്ടണമെന്ന് അപേക്ഷിച്ച മറിയം റഷീദയില്‍ പോലീസുദ്യോഗസ്ഥനായ എസ് വിജയനു സംശയം തോന്നിയതാണ് അറസ്റ്റിലേയ്ക്ക് നീണ്ടത്. ദിവസങ്ങള്‍ക്കുള്ളില്‍ കേസിന്‍റെ കുരുക്കുകള്‍ മുറുകി.
ഫൗസിയാ ഹസന്, ഡി. ശശികുമാരന്‍, നമ്പിനാരായണന്‍, കെ. ചന്ദ്രശേഖരന്‍, എസ്.കെ ശര്‍മ എന്നിവരൊക്കെയും കേസില്‍ പ്രതികളായി. ഇതിനിടയ്ക്ക് ഐജി രമണ്‍ ശ്രീവാസ്തവയുടെ പേരും ഉയര്‍ന്നു. രഹസ്യ രേഖകള്‍ കൈമാറുന്നതിന് ശ്രീവാസ്തവ മറ്റു പ്രതികള്‍ക്ക് സംരക്ഷണം നല്‍കിയെന്നും ചെന്നൈയിലെ മദ്രാസ് ഇന്‍റര്‍നാഷണല്‍ ഹോട്ടലില്‍ താമസിച്ച് അദ്ദേഹം മാലി വനിതകളില്‍ നിന്ന് ഡോളറായി വന്‍ തുക കൈപ്പറ്റിയെന്നുമായിരുന്നു ആരോപണം. സിബിഐ അന്വേഷണത്തില്‍ എല്ലാം പച്ചക്കള്ളമാണെന്നു തെളിഞ്ഞതോടെ ശ്രീവാസ്തവയും രക്ഷപെട്ടു. പക്ഷെ കെ കരുണാകരനു മാത്രം ദുരന്തം നേരിട്ടു.
സ്വന്തം പാര്‍ട്ടിയിലെ ആന്‍റണി പക്ഷവും തിരുത്തല്‍ വാദികളും സമ്മര്‍ദ്ദം മുറുക്കിയതിനേ തുടര്‍ന്ന് 1996 മാര്‍ച്ച് 16 ന് കെ കരുണാകരന്‍ മുഖ്യമന്ത്രി സ്ഥാനം രാജിവച്ചു. മാര്‍ച്ച് 22 ന് ഡല്‍ഹിയില്‍ നിന്നു പ്രത്യേക വിമാനത്തില്‍ തിരുവനന്തപുരത്തെത്തിയ എ.കെ ആന്‍റണി മുഖ്യമന്ത്രിയായി അധികാരമേറ്റു. ഐഎസ്ആര്‍ഒ ചാരക്കേസിന്‍റെ രാഷ്ട്രീയ ലാഭനഷ്ടങ്ങള്‍.
ബാക്കിയുള്ളവരൊക്കെ തങ്ങളുടെ നഷ്ടങ്ങളും ഒരിക്കലും ഉണങ്ങാത്ത മുറിവുകളുമായി പതിയെ ആവരവരുടെ ജീവിതത്തിലേക്ക് മടങ്ങി. പക്ഷെ നമ്പിനാരായണന്‍ പിന്‍വാങ്ങാന്‍ കൂട്ടാക്കിയില്ല. കേസ് പറഞ്ഞ് സുപ്രീം കോടതി വിധിയുടെ അടിസ്ഥാനത്തില്‍ അദ്ദേഹത്തിനു നേരത്തേ 50 ലക്ഷം രൂപാ കിട്ടിയിരുന്നു. ദേശിയ മനുഷ്യാവകാശ കമ്മീഷന്‍റെ വിധി പ്രകാരം പത്തുലക്ഷം രൂപായും കിട്ടി. ഒടുവില്‍ സംസ്ഥാന സര്‍ക്കാര്‍ നല്‍കിയ 1.30 കോടി രൂപയുമുള്‍പ്പെടെ ആകെ കിട്ടിയത് 1.90 കോടി രൂപാ. ഈ 79 -ാം വയസില്‍ ഇത്രയും പണം കിട്ടിയിട്ടെന്തു ചെയ്യാന്‍ ? എങ്കിലും നമ്പിനാരായണനാശ്വാസം. തന്നെ പീഡിപ്പിച്ചവര്‍ പ്രതികളാവുന്നതുകാണുന്നതും ഒരു സന്തോഷം.
ഉപ്പു തിന്നവര്‍ വെള്ളം കുടിക്കുമോ ? കാക്കിയുടെയും ബൂട്ടിന്‍റെയും ബലത്തില്‍ ഇല്ലാക്കഥ മെനഞ്ഞ് കേസുണ്ടാക്കി നിരപരാധികളെ പീഡിപ്പിക്കുന്ന ചില പോലീസുദ്യോഗസ്ഥര്‍ എക്കാലത്തും എവിടെയും സര്‍വീസിലുണ്ടാവും. ഇവരില്‍ ചിലര്‍ക്കൊക്കെ കാലം കനത്ത തിരിച്ചടി നല്‍കും. എത്രയും വേഗം അന്വേഷണവും വിചാരണയും പൂര്‍ത്തിയാക്കാനാണ് സുപ്രീം കോടതിയുടെ വിധി. ഇത് എല്ലാവര്‍ക്കും പാഠമാവുക തന്നെ വേണം.
കുവൈറ്റ്: ഒക്ടോബര്‍ 9ന് കുവൈറ്റിലെ ഇന്ത്യന്‍ എംബസി അവധി. Milad-un-Nabi യോനുബന്ധിച്ചാണ് അവധി. അന്നെ ദിവസം അടിയന്തിര കോണ്‍സുലാര്‍ സേവനങ്ങള്‍ ലഭ്യമായിരിക്കും.
ബര്‍ലിന്‍: വര്‍ദ്ധിച്ചുവരുന്ന വൈദ്യുതി ബില്ലുകള്‍ക്ക് സബ്സിഡി നല്‍കുമെന്ന് ജര്‍മ്മന്‍ സര്‍ക്കാര്‍ വാഗ്ദാനം ചെയ്തു. ജര്‍മ്മനിയിലെ മിക്ക വൈദ്യുതി ഉപഭോക്താക്കള്‍ക്കും അടുത്ത വര്‍ഷം ഗ്രിഡ് ഫീസ് ഉയരും. എന്നാല്‍ ഉപഭോക്താക്കളുടെ ഭാരം ലഘൂകരിക്കാന്‍ 13 ബില്യണ്‍ യൂറോയുടെ സബ്സിഡി നല്‍കാനാണ് സര്‍ക്കാര്‍ പദ്ധതിയിടുന്നത്. ഗ്രിഡ് ഫീസിന്റെ വില അടുത്ത വര്‍ഷം ഒരു കിലോവാട്ട് മണിക്കൂറിന് ശരാശരി 3.12 സെന്‍റ് ആയി സജ്ജീകരിക്കുമെന്ന് നാല് പ്രധാന ട്രാന്‍സ്മിഷന്‍ സിസ്ററം ഓപ്പറേറ്റര്‍മാര്‍ (TSOs) പറഞ്ഞു, ഇത് നിലവിലെ ശരാശരിയായ 3.08 സെന്‍റ്/kWhനേക്കാള്‍ […]
തെന്നിന്ത്യൻ നായിക താരം ഐശ്വര്യ രാജേഷ് നായികയാകുന്ന പുതിയ ചിത്രം ‘ ഫര്‍ഹാനാ ‘ യുടെ ഫസ്റ്റ് ലുക്ക് പുറത്തുവിട്ടു. ഒരു നാൾ കൂത്ത്, മോൺസ്റ്റർ എന്നീ വ്യത്യസ്ത പ്രമേയ സിനിമകളിലൂടെ ശ്രദ്ധേയനായ നെല്‍സണ്‍ വെങ്കടേശനാണ് സംവിധായകൻ. നെല്‍സണ്‍ വെങ്കടേശൻ തന്നെയാണ് ചിത്രത്തിന്റെ തിരക്കഥയും എഴുതുന്നത്. സ്ത്രീ പ്രാധാന്യമുള്ള സിനിമയിൽ ‘ഫര്‍ഹാന’ എന്ന കഥാപാത്രമായിട്ടു തന്നെയാണ് ഐശ്വര്യ രാജേഷ് അഭിനയിക്കുന്നത്. മലയാളി താരം അനുമോളും സംവിധായകൻ സെല്‍വരാഘവനും, ജിത്തൻ രമേഷ്,ഐശ്വര്യ ദത്ത എന്നിവരും ചിത്രത്തില്‍ പ്രധാന കഥാപാത്രത്തെ […]
തിരുവനന്തപുരം: മുസ്‌ളിംലീഗ് സംസ്ഥാന ഘടകത്തിലെ ചേരിപ്പോരിലിടപ്പെട്ട് പാണക്കാട് സാദിഖലി ശിഹാബ് തങ്ങള്‍. ചേരിതിരിവും ഭിന്നാഭിപ്രായങ്ങളും അവസാനിപ്പിക്കാന്‍ സംസ്ഥാന അദ്ധ്യക്ഷന്‍ കൂടിയായ സാദിഖലി നേതാക്കള്‍ക്ക് അന്ത്യശാസനം നല്‍കി. പോപ്പുലര്‍ ഫ്രണ്ട് നിരോധനം സംബന്ധിച്ച് പാര്‍ട്ടി നേതാക്കളില്‍ നിന്ന് വ്യത്യസ്തമായ പ്രതികരണങ്ങള്‍ പുറത്തുവന്നതിന് പിന്നാലെയാണ് പാണക്കാട് സാദിഖലി തങ്ങളുടെ ശാസന. പാര്‍ട്ടിക്ക് ഒറ്റനിലപാട് മാത്രമേ പാടുളളുവെന്നും നിലപാട് പുറത്തുപറയുമ്പോള്‍ ആശയക്കുഴപ്പം ഉണ്ടാകരുതെന്നുമാണ് സാദിഖലി തങ്ങള്‍ നേതാക്കള്‍ക്ക് നല്‍കിയിരിക്കുന്ന മുന്നറിയിപ്പ്. നേതാക്കളെ നേരിട്ട് വിളിച്ചുവരുത്തിയും സാദിഖലി നിലപാട് അറിയിച്ചിട്ടുണ്ട്. നേതാക്കളുടെ പ്രതികരണത്തിന് […]
അയർലണ്ട് : ഡബ്ലിൻ സീറോ മലബാർ സഭയുടെ നാവൻ കുർബാന സെൻ്ററിൽ ഇടവക മദ്ധ്യസ്ഥയായ നിത്യസഹായ മാതാവിൻ്റെ തിരുനാളും, ഇടവക ദിനവും സൺഡേ സ്കൂൾ വാർഷികവും ആഘോഷമായി നടന്നു. ഒക്ടോബർ ഒന്നാം തീയതി ശനിയാഴ്ച നാവൻ ജോൺസ്ടൗൺ നേറ്റിവിറ്റി ദേവാലയ അങ്കണത്തിൽ ഫാ. റോയ് വട്ടക്കാട്ട് കൊടിയേറ്റ് കർമ്മം നിർവ്വഹിച്ചതോടെ തിരുനാളിനു തുടക്കമായി. ആഘോഷമായ തിരുനാൾ കുർബാനയ്ക്ക് സീറോ മലബാർ സഭ അയർലണ്ട് നാഷണൽ കോർഡിനേറ്റർ റവ. ഡോ. ക്ലെമൻ്റ് പാടത്തിപറമ്പിൽ മുഖ്യകാർമ്മികനായിരുന്നു. ഫാ. ജോസഫ് […]
കൊച്ചി: വടക്കഞ്ചേരിയിൽ അപകടത്തിൽ മരിച്ച അഞ്ചു വിദ്യാർഥികളുടെയും മൃതദേഹങ്ങൾ മുളന്തുരുത്തി ബസേലിയസ് വിദ്യാനികേതൻ സ്കൂളില്‍ വൈകിട്ട് മൂന്നുമണിയോടെ പൊതുദർശനത്തിന് എത്തിച്ചു. പ്രിയ വിദ്യാർഥികളുടെ വിയോഗത്തിൽ ദുഃഖം താങ്ങാനാകാതെ കലാലയം കണ്ണീരണിഞ്ഞു. പ്രതിപക്ഷ നേതാവ് വി.ഡി.സതീശൻ ഉള്‍പ്പെടെ അന്ത്യാഞ്ജലി അർപ്പിച്ചു. മരിച്ച അധ്യാപകന് കോവിഡ് സ്ഥിരീകരിച്ചതിനാൽ മൃതദേഹം പൊതുദർശനത്തിന് എത്തിച്ചില്ല. കുരുന്നുകളുടെയും അവരുടെ പ്രിയപ്പെട്ട അധ്യാപകന്റെയും വേർപാടിന്റെ പശ്ചാത്തലത്തിൽ മുളന്തുരുത്തിയും തിരുവാണിയൂരും ഹർത്താൽ ആചരിക്കുകയാണ്. ഉച്ചയ്ക്കു ശേഷം ഇവിടെ കടകമ്പോളങ്ങൾ അടഞ്ഞു കിടക്കുകയാണ്. മരിച്ചവർ എല്ലാവരും തന്നെ ഈ […]
ന്യൂഡൽഹി: ഇന്ത്യയിലെ ഏറ്റവും വലിയ ഇലക്ട്രിക് ഇരുചക്ര വാഹന കമ്പനിയായ ഹീറോ ഇലക്ട്രിക് ഹൈദരാബാദിലെ ആറാമത് ഡീലർഷിപ് ഉദ്‌ഘാടനം ചെയ്തു. കുക്കട്ട്പള്ളി അങ്കൂർ മോട്ടോഴ്‌സുമായി സഹകരിച്ചാണ് പുതിയ ഡീലർഷിപ്പിന് തുടക്കം കുറിച്ചിരിക്കുന്നത്. ഹൈദരാബാദിൽ ഇലക്ട്രിക് സ്‌കൂട്ടറിന്റെ ആവശ്യം വർധിച്ചുവരുന്ന സാഹചര്യത്തിലാണ് ഹീറോയുടെ നീക്കം. ഉപഭോക്താക്കൾക്ക് പെട്ടെന്ന് എത്തിപ്പെടാൻ സാധിക്കുന്ന ഓട്ടോമൊബൈൽ ഹബ്ബിലാണ് പുതിയ ഡീലർഷിപ് തുറന്നിരിക്കുന്നത്. ഹീറോ ഇലക്ട്രിക് വിദഗ്‌ധരുടെ പ്രത്യേക മേൽനോട്ടവും ഇവിടെയുണ്ടാകും. സെയിൽസും സർവീസുമടക്കം ഉപഭോക്താക്കൾക്ക് വേണ്ട സേവനങ്ങൾ മികച്ച രീതിയിൽ ലഭ്യമാക്കാനുള്ള എല്ലാ […]
ന്യൂഡൽഹി: പാലക്കാട്ടെ ബസ് അപകടത്തിൽ അതീവ ദുഃഖം രേഖപ്പെടുത്തി പ്രധാനമന്ത്രി നരേന്ദ്ര മോദി. മരിച്ചവരുടെ കുടുംബത്തിന് 2 ലക്ഷം രൂപ വീതം ധനസഹായം പ്രഖ്യാപിച്ചു. പരുക്കേറ്റവർക്ക് 50,000 രൂപയും നൽകുമെന്ന് പ്രധാനമന്ത്രി പറഞ്ഞു. രാഷ്ട്രപതി ദ്രൗപദി മുർമുവും ദുഃഖം രേഖപ്പെടുത്തി. ‘‘സ്കൂൾ കുട്ടികളുടെയും മറ്റും വിലപ്പെട്ട ജീവനുകൾ നമുക്ക് നഷ്ടമായിരിക്കുന്നു. മരിച്ചവരുടെ കുടുംബത്തിന് അനുശോചനം അറിയിക്കുകയാണ്. പരുക്കേറ്റവർ അതിവേഗം സുഖംപ്രാപിക്കട്ടെ’’ – രാഷ്ട്രപതി ട്വിറ്ററിൽ കുറിച്ചു.
തിരുവനന്തപുരം: പോലീസുദ്യോഗസ്ഥർക്ക് പോപ്പുലർ ഫ്രണ്ട് അടക്കം നിരോധിത തീവ്രവാദ സംഘടനകളുമായുള്ള ബന്ധം കണ്ടെത്താൻ നടപടി തുടങ്ങി പോലീസ് നേതൃത്വം. പോപ്പുലർ ഫ്രണ്ടുമായി ബന്ധമുണ്ടെന്നു സംശയിക്കുന്ന പോലീസുകാരുടെ പ്രവർത്തനങ്ങൾ രഹസ്യമായി നിരീക്ഷിക്കാൻ ഇന്റലിജൻസ് വിഭാഗത്തെ ചുമതലപ്പെടുത്തി. ഇവരുടെ ഫോൺ വിവരങ്ങളടക്കം പരിശോധിച്ച് റിപ്പോർട്ട് നൽകാനാണ് നിർദ്ദേശം. പോലീസുദ്യോഗസ്ഥർക്ക് പോപ്പുലർ ഫ്രണ്ടുമായി ബന്ധമുണ്ടെന്ന് എൻ.ഐ.എ നേരത്തേ പോലീസ് മേധാവിക്ക് വിവരം നൽകിയിരുന്നു. രാജ്യത്തു നിരോധിച്ച പോപ്പുലർ ഫ്രണ്ടും അനുബന്ധ സംഘടനകളുമായി ബന്ധമുള്ള പോലീസുകാരുടെ നീക്കങ്ങളാണ് പോലീസ് ഇന്റലിജൻസ്, സ്‌പെഷൽ ബ്രാഞ്ച് […]
എറണാകുളം: വടക്കഞ്ചേരിയില്‍ വച്ച് അര്‍ദ്ധരാത്രിയിലുണ്ടായ വാഹനാപകടത്തില്‍ അതിരൂക്ഷ വിമര്‍ശനവുമായി കോടതി. ഇന്ന് മുതല്‍ ഒരു വാഹനത്തിലും ഫ്ലാഷ് ലൈറ്റുകളും നിരോധിത ഹോണുകളും പാടില്ലെന്ന് കോടതി നിര്‍ദ്ദേശിച്ചു. അങ്ങനെയുള്ള വാഹനങ്ങള്‍ പിടിച്ചെടുക്കണമെന്നും ഹൈക്കോടതി മോട്ടോര്‍ വാഹന വകുപ്പിനോട് ആവശ്യപ്പെട്ടു. വടക്കഞ്ചേരി ബസ് അപകടത്തില്‍ സ്വമേധയാ കേസെടുക്കവേയാണ് കോടതി ഇന്ന് മുതല്‍ ഇവയുടെ ഉപയോഗം നിരോധിച്ച് കൊണ്ട് ഉത്തരവിട്ടത്. അപകടത്തെക്കുറിച്ച് പൊലീസും മോട്ടോര്‍ വാഹന വകുപ്പും വിശദീകരണം നല്‍കണമെന്നും ജസ്റ്റിസ് ദേവന്‍ രാമചന്ദ്രന്‍ നിര്‍ദേശിച്ചു. കേസ് വീണ്ടും ഉച്ചയ്ക്ക് 1.45ന് […]
പാലക്കാട്: വടക്കഞ്ചേരി ബസ് അപകടത്തിൽ അനുശോചനം അറിയിച്ച് മന്ത്രി കെ രാധാകൃഷ്ണൻ. പരിക്കേറ്റവരുടെ ചികിത്സക്കായി എല്ലാ നടപടികളും സ്വീകരിച്ചതായി മന്ത്രി ഫേസ്ബുക്ക് കുറിപ്പിൽ അറിയിച്ചു. ”വടക്കഞ്ചേരിയിൽ കെഎസ്ആർടിസി ബസും വിദ്യാർത്ഥികൾ യാത്ര ചെയ്ത ടൂറിസ്റ്റ് ബസ്സും കൂട്ടിയിടിച്ച് അപകടത്തിൽപ്പെട്ടു. ആശുപത്രിയിൽ കണ്ട കാഴ്ച്ചകൾ ഏറെ വേദനാജനകമായിരുന്നു. പരിക്കേറ്റവരുടെ ചികിൽസയ്ക്കായി എല്ലാ നടപടികളും സ്വീകരിച്ചിട്ടുണ്ട്. മരണപ്പെട്ട കുട്ടികളുടെയും അധ്യാപകന്റെയും മറ്റു യാത്രക്കാരുടെയും വേർപാടിൽ അതിയായ ദുഃഖവും അനുശോചനം രേഖപ്പെടുത്തുന്നു.” ആദരാഞ്ജലികൾ. മന്ത്രി ഫേസ്ബുക്ക് കുറിപ്പിൽ അറിയിച്ചു.
കൊച്ചി: വടക്കാഞ്ചേരി ലൈഫ് മിഷൻ അഴിമതി ആരോപണത്തിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എ൦ ശിവശങ്കറിനെ സിബിഐ ചോദ്യ൦ ചെയ്യുന്നു. കൊച്ചിയിലെ സിബിഐ ഓഫീസിലാണ് രാവിലെ പത്തരമണി മുതൽ ചോദ്യ൦ ചെയ്യൽ തുടങ്ങിയത്. ഫ്ലാറ്റ് നിർമ്മാണത്തിൽ കരാർ അനുവദിക്കുന്നതിന് കരാറുകാരിൽ നിന്ന് ശിവശങ്കർ കോഴ വാങ്ങിയെന്ന സ്വപ്ന സുരേഷിന്‍റെ മൊഴിയെ തുടർന്നാണ് ചോദ്യ൦ ചെയ്യൽ. തന്‍റെ ലേക്കറിൽ നിന്ന് അന്വേഷണ ഏജൻസികൾ കണ്ടെടുത്ത പണ൦ ശിവശങ്കർ കൈപ്പറ്റിയ കൈക്കൂലി തുകയെന്നു൦ സ്വപ്ന പറഞ്ഞിരുന്നു. ഈ കേസിൽ ആദ്യമായാണ് […]
കൊച്ചി: കൊച്ചി ആസ്ഥാനമായ പ്രമുഖ ലോജിസ്റ്റിക്‌സ് സേവനദാതാവായ കണ്‍സോളിഡേറ്റഡ് ഷിപ്പിങ് ലൈന്‍ (സിഎസ്എല്‍) ഇന്ത്യ രജത ജൂബിലി നിറവില്‍. 25 വര്‍ഷം പൂര്‍ത്തിയാക്കുന്ന വേളയില്‍ പുതിയ നിക്ഷേപങ്ങളുമായി പ്രവര്‍ത്തനം വിപുലീകരിക്കാനാണ് കമ്പനി ലക്ഷ്യമിടുന്നതെന്ന് കമ്പനി അധികൃതര്‍ വാര്‍ത്താസമ്മേളനത്തില്‍ അറിയിച്ചു. ഇതിന്റെ ഭാഗമായി ചെന്നൈയില്‍ അത്യാധുനിക സൗകര്യങ്ങളോടെയുള്ള 50,000 ച.അടി വെയര്‍ ഹൗസ് ആരംഭിക്കുമെന്ന് സിഎസ്എല്‍ ഇന്ത്യ ചെയര്‍മാനും സിഇഒയുമായ അജയ് ജോസഫ് അറിയിച്ചു. ഇതിന് പുറമേ ചരക്ക് സംഭരിക്കാന്‍ സൗകര്യമുള്ള 50,000 ച.അടി തുറന്ന സ്ഥലവും കണ്ടെയ്‌നര്‍ അറ്റകുറ്റപ്പണികള്‍ക്കായും […]
കുവൈറ്റ്: കുവൈത്തിൽ 2022 മൂന്നാം പാദത്തിൽ രാജ്യത്തെ ഗുരുതരമായ ക്രിമിനൽ കുറ്റകൃത്യങ്ങളുടെ ശതമാനം 25% വരെ കുറഞ്ഞതായി സുരക്ഷാ വൃത്തങ്ങൾ വെളിപ്പെടുത്തി. ആസൂത്രിത കൊലപാതകം, സായുധ കവർച്ച, ബാങ്ക് കവർച്ച, നിർബന്ധിത കവർച്ച, സുരക്ഷാ ഉദ്യോഗസ്ഥരുടെ ആൾമാറാട്ടം, വീടുകളിൽ അതിക്രമിച്ച് കയറൽ, തോക്ക് പ്രയോഗിച്ച് ഭീഷണിപ്പെടുത്തൽ എന്നിങ്ങനെയുള്ള ഗുരുതര കുറ്റകൃത്യങ്ങളിൽ ഗാണ്യമായ കുറവ് രേഖപെടുത്തിയതായതയാണ് കണക്കുകൾ സൂചിപ്പിക്കുന്നത് . സുരക്ഷാ സേന തരംതിരിക്കുന്ന ഗുരുതരമായ ക്രിമിനൽ കുറ്റകൃത്യങ്ങൾ കുറഞ്ഞതായി വൃത്തങ്ങൾ അറിയിച്ചു. കഴിഞ്ഞ മൂന്ന് മാസം (ജൂലൈ-ഓഗസ്റ്റ്-സെപ്റ്റംബർ). […]
കുമരനെല്ലൂർ : കേന്ദ്രസര്‍ക്കാര്‍ എൻ എച് എം ഫണ്ടിൽ നിന്നും അനുവദിച്ച തുക എം എൽ എ ഫണ്ട്‌ എന്ന് വ്യാഖ്യാനിച്ച് മാധ്യമങ്ങളിൽ വാർത്ത കൊടുക്കുകയും സി പി എമ്മിന്റെ നേതൃത്വത്തിൽ വ്യാജ പ്രചരണം നടത്തുകയും ചെയ്യുന്നന്നതിനെതിരെ ബിജെപി കപ്പൂർ പഞ്ചായത്ത്‌ കമ്മറ്റിയുടെ നേതൃത്വത്തിൽ പ്രതിഷേധിച്ചു. തൃത്താല നിയോജക മണ്ഡലത്തിലെ ആശുപത്രി വികസനങ്ങൾക്കായി 4.59 കോടി രൂപയാണ് കേന്ദ്രം അനുവദിച്ചിട്ടുള്ളത്. അതിൽ 1.41 കോടി കുമരനെല്ലൂർ ഹോസ്പിറ്റലിൽ പുതിയ ഒപി നിർമ്മിക്കാനുള്ളതാണ്. നാഷണൽ ഹെൽത്ത്‌ മിഷനിലൂടെ കേന്ദ്രഗവർമെന്റ് […]
കുവൈറ്റ്: കുവൈറ്റിലെ പ്രസിദ്ധമായ സാൽമിയ കൊലക്കേസിൽ മകളെ കൊലപ്പെടുത്തിയ മാതാവിന് ജീവപര്യന്തം തടവ് . മൃതദേഹം 5 വർഷത്തോളം ടോയ്‌ലറ്റിൽ പൂട്ടിയിരിക്കുന്ന നിലയിലായിരുന്നു സുരക്ഷാ ഉദ്യോഗസ്ഥർ കണ്ടെത്തിയത്. മനുഷ്യത്വത്തിനും മാതൃത്വത്തിനും എതിരായ ഈ ഹീനമായ കുറ്റകൃത്യം ചെയ്ത മാതാവിന് കരുണയ്ക്ക് ഇടം നൽകരുതെന്ന് ഞങ്ങൾ തീരുമാനിച്ചു. കരുണയും ആർദ്രതയും അവർ അർഹിക്കുന്നില്ല എന്നും കൊല്ലപ്പെട്ട പെൺകുട്ടിയുടെ പിതാവിന്റെ അഭിഭാഷക ഫാത്തിമ അൽ-ദിബാൻ പറഞ്ഞു. കഴിഞ്ഞ വർഷം ഒക്ടോബർ മാസത്തിലാണ് സാൽമിയയിലെ സ്വദേശി വീട്ടിൽ 5വർഷം പഴക്കമുള്ള പെൺകുട്ടിയുടെ […]
