ജോസ്. കെ. മാണിയുടെ ജനകീയം യാത്ര; വികസന നിർദ്ദേശങ്ങളും സ്വീകരിക്കും

പാലാ: ജോസ്.കെ.മാണി നയിക്കുന്ന "ജനകീയം " കാൽനട ജാഥയിൽ ഓരോ പ്രദേശത്തേയും ആവശ്യങ്ങളെ സംബന്ധിച്ചുള്ള നിർദ്ദേശങ്ങൾ പൊതുജനങ്ങൾക്ക് സമർപ്പിക്കാം. വെള്ളക്കടലാസിൽ വൃത്തിയായി എഴുതി സമർപ്പിക്കുന്ന ഓരോ വികസന നിർദ്ദേശങ്ങളും, മുൻഗണനാ ക്രമത്തിൽ വിശദമായി പരിശോധിച്ച് ബന്ധപ്പെട്ട വകുപ്പുകൾ, തദ്ദേശ സ്വയംഭരണ സ്ഥാപനങ്ങൾ, ജനപ്രതിനിധികൾ എന്നിവർ വഴി സമയബന്ധിതമായി നടപ്പിലാക്കുമെന്ന് ജോസ്. കെ. മാണി അറിയിച്ചു.

ഫെബ്രു.22 ന് രാവിലെ 9 ന് മുത്തോലി പഞ്ചായത്തിലെ പന്തത്തലയിൽ ജനകീയ യാത്രയ്ക്ക് തുടക്കം കുറിക്കും.സി.പി. എം. ജില്ലാ സെക്രട്ടറി വി. എൻ. വാസവൻ ഉദ്ഘാടനം ചെയ്യും

എൽ.ഡി.എഫ് സർക്കാരിന്റെ ജനകീയ ഇടപെടലുകളും വികസന പദ്ധതികളും സാമൂഹ്യക്ഷേമ കരുതലും ജനങ്ങളോട് വിശദീകരിക്കുന്ന തിനായാണ് ജോസ്. കെ. മാണിയുടെ നേതൃത്വത്തിലുള്ള ജനകീയ യാത്ര.

പാലാ നിയോജക മണ്ഡലത്തിലെ 12 പഞ്ചായത്തുകളിലും പാലാ നഗരസഭയിലും കാൽനട പ്രചരണ ജാഥ കടന്നു ചെല്ലും.

ഫെബ്രു.22 ന് മൃത്തോലി, കരൂർ, പഞ്ചായത്തുകളിലായാണ് ജനകീയ യാത്രയുടെ പര്യടനം. നാളെ മൂന്നിലവ്, മേലുകാവ്, 24-ന് രാമപുരം, പാലാ നഗരസഭ, 25 ന് കൊഴുവനാൽ, കടനാട്, 27 ന് എലിക്കുളം, മീനച്ചിൽ പഞ്ചായത്തുകളിലും ''ജനകീയം പദയാത്രാ നടക്കും. വിവിധ കേന്ദ്രങ്ങളിൽ നടക്കുന്ന വിശദീകരണ യോഗങ്ങളിൽ മന്ത്രിമാരും എൽ.ഡി.എഫ് നേതാക്കളും പങ്കെടുക്കും.