02
Thursday February 2023

കോവിഡ് പിടിവിടാത്തതിന് ചില കാരണങ്ങൾ

ജോയ് ഡാനിയേല്‍, ദുബായ്
Tuesday, January 26, 2021

കോവിഡ് മഹാമാരിക്കലത്ത് അത്യാവശ്യമായി നാട്ടിൽ പോകേണ്ടി വന്നു. പതിനാല് ദിവസത്തെ ക്വറന്റൈൻ ഒക്കെ കഴിഞ്ഞ് തിരികെ വരാനായി കോവിഡ് ടെസ്റ്റ് നടത്തുവാൻ നടത്തിയ യാത്രയിൽ കണ്ട ചില കാഴ്ച്ചകൾ മറവികയറി മായുന്നില്ല.

രാവിലെ ചാറ്റമഴയിൽ ഈറനണിഞ്ഞു കിടന്ന പത്രം എടുത്ത് ആദ്യം നോക്കിയത് കോവിഡ് രോഗികളുടെ എണ്ണമാണ്. ആശ്വാസദായകമല്ലാത്ത അക്കവും നോക്കി നെടുവീർപ്പിട്ടാണ് വീട്ടിൽ നിന്നും പത്തനംതിട്ട സിറ്റിയിലേക്ക് ടെസ്റ്റിന് യാത്ര തിരിച്ചത്.

രാവിലെ ഏഴുമണിക്ക് അധികം ജാനബാഹുല്യമില്ലാത്ത റോഡായ വകയാർ, പൂങ്കാവ് വഴി പത്തനംതിട്ടയിൽ എത്തിയപ്പോൾ നമ്മുടെ കൊച്ചു കേരളത്തിലും കോവിഡ് പിടിവിടാതെ വിറങ്ങലിച്ചു നിൽക്കുവാൻ സുപ്രധാന കാരണങ്ങൾ ഉണ്ടെന്ന് മനസ്സിലായി.

ഏകദേശം ഇരുപത് കിലോമീറ്റർ ദൂരം ജനസാന്ദ്രത കുറഞ്ഞ പ്രദേശത്തുകൂടി യാത്രചെയ്‌തപ്പോൾ 168 ആൾക്കാരെ മാസ്‌ക് ഇല്ലാതെയോ, വേണ്ടരീതിയിൽ ധരിക്കാതെയോ എണ്ണുവാൻ കഴിഞ്ഞു. വല്ലാത്ത ഒരു ഭീതി മനസ്സിലേക്ക് ഓടിയെത്തുകയും ദിനംപ്രതി കോവിഡ് രോഗികളുടെ എണ്ണം കൂടുന്നതിന് ഇതും കാരണമാണെന്ന് മനസ്സിലാവുകയും ചെയ്‌ത നിമിഷം.

ആ യാത്രയിൽ ഒരു നിയമവും ബാധകമല്ലാത്തപോലെ കണ്ട നല്ലൊരു ശതമാനവും 50-നും 80-നും ഇടയിലുള്ള പുരുഷന്മാരാണ്. കടത്തിണ്ണയിലും പാതയോരത്തും, കവലകളിലും ഇവർ നിന്നും ഇരുന്നും നടന്നും സല്ലാപം നടത്തുകയും പുകവലിയിൽ ഏർപ്പെടുകയും ഒക്കെ ചെയ്യുകയാണ്.

ബീഡി വലിയ്ക്കുവാൻ വേണ്ടി ദുഃഖാചരണത്തിൽ ദേശീയ പതാക താഴ്ത്തികെട്ടുന്ന മാതിരി മാസ്‌ക് താഴ്ത്തി വച്ചിരിക്കുന്നു. പ്രായമായവരിൽ കോവിഡ് പിടിച്ചുകഴിഞ്ഞാൽ ഉണ്ടാകുന്ന പ്രയാസങ്ങൾ ദിനംപ്രതി കണ്ടിട്ടും കേട്ടിട്ടും ഒരു കൂസലുമില്ല അപ്പാപ്പന്മാർക്ക്.

ഇനിയൊരു കൂട്ടർ യാത്ര ചെയ്യുന്നവരാണ്. അവർ ഓട്ടോയിലും, ബസ്സിലും ഒക്കെ തിക്കിത്തിരക്കി ഇരിക്കുന്നുവെന്ന് മാത്രമല്ല മാസ്‌ക് എഴുപതുകളിൽ സിനിമയിൽ കാണുന്ന വില്ലന്മാർ തൂവാല കഴുത്തിൽ കെട്ടി നിൽക്കുന്ന പോലെ ധരിച്ചിരിക്കുന്നു.

അടുത്തത്, റോഡിൽ വണ്ടിയിൽ വരുന്ന മീൻ വാങ്ങാൻ കൂടി നിൽക്കുന്നവരാണ്. മത്തി കാണുമ്പോൾ മത്ത് പിടിക്കുന്ന ചേച്ചിമാർ സൂക്ഷിക്കുക, നിങ്ങളുടെ മാസ്‌ക് കഴുത്തിലാണ് കിടക്കുന്നത് !

ചിലയിടത്ത് റോഡിലൂടെ പോകുന്നവരോട് വഴിയരുകിൽ താമസിക്കുന്നവർ കുശലം പറയുന്നു, സർക്കാർ ‘മാസ്‌ക് ധരിക്കരുത്’ എന്ന് പ്രത്യേക സർക്കുലർ ഇറക്കിയിട്ടുള്ള പോലെയൊരു നിൽപ്പ്. റോഡിൽ പലയിടത്തും പണികൾ നടക്കുകയും മരം മുറിക്കുകയും ചെയ്യുന്നുണ്ട്. അവിടെ ലോഡിങ്ങ് അൺലോഡിങ് ചെയ്യുന്ന ചേട്ടന്മാർ മാസ്‌ക് മെനയോടെ താഴേക്ക് അൺലോഡ് ചെയ്‌തു വച്ചിരിക്കുന്നു!

ഒരു കാര്യം സമ്മതിക്കാതെ തരമില്ല. കോവിഡ് പ്രോട്ടോക്കോൾ മാന്യമായി പാലിച്ച് നടക്കുന്നവർ കൂടുതലും ചെറുപ്പക്കാരാണ്. അതിൽതന്നെ പെൺകുട്ടികൾ കാട്ടുന്ന ജാഗ്രത മുതിർന്നവർ കണ്ടുപഠിക്കണം. രാവിലെ ഏഴുമണിക്ക് ഇരുപത് കിലോമീറ്റർ ദൂരത്തിൽ റോഡരുകിൽ കണ്ണിൽ നേരിട്ട് പതിഞ്ഞ കാഴ്ച്ചയുടെ വിശേഷമാണ് പങ്കുവച്ചത്. കണ്ണിൽപ്പെടാതെ പോയ ഭാഗ്യവാന്മാർ ഇനിയും എത്രയോ. സിറ്റിയിലെ വികൃതികൾ ഇതിലും കഠിനമായിരിക്കും എന്ന് അപ്പോൾ ഓർത്തുപോയി.

പറയാനുള്ളത് ഇത്രയേയുള്ളൂ. മരണം കയ്യിലെടുത്ത് കളിക്കരുത്. പ്രതീക്ഷയോടെ വാക്‌സിൻ മുന്നിൽ എത്തുമ്പോഴും കേന്ദ്ര സർക്കാരിനെയും സംസ്ഥാന സർക്കാരിനെയും നാഴികയ്ക്ക് നാൽപ്പതുവട്ടം കോവിഡ് ദുരന്തത്തിൻറെ പേരിൽ പ്രാകുമ്പോൾ സർക്കാരും ആരോഗ്യ രംഗത്തുള്ളവരും പറയുന്ന ചട്ടങ്ങൾ സ്വയം പാലിക്കുന്നുണ്ടോ എന്ന് ചിന്തിക്കുക. ബിക്കിനി ധരിക്കും പോലെ മാസ്‌ക് ധരിക്കാതിരിയ്ക്കുക. സൂക്ഷിച്ചാൽ ദുഖിക്കേണ്ട.

-ജോയ് ഡാനിയേൽ

പത്തനംതിട്ട ജില്ലയിലെ കൂടൽ സ്വദേശി. ചെറുകഥാകൃത്ത്, നോവലിസ്റ്റ്. ഖിസ്സ-01, ഖിസ്സ-02 എന്നീ കഥാസമാഹാരങ്ങളുടെ എഡിറ്റർ. 2017 മുതൽ ‘പ്രവാസത്തിലെ മഞ്ഞുത്തുള്ളികൾ’ എന്ന കോളം എഴുതുന്നു.

Related Posts

More News

കിന്‍ഷാസാ: റിപ്പബ്ളിക്ക് ഓഫ് കോംഗോയില്‍ ഫ്രാന്‍സിസ് മാര്‍പാപ്പ നടത്തിയ കുര്‍ബാനയില്‍ പങ്കെടുത്തത് ഒരു മില്യന്‍ വിശ്വാസികള്‍. തലസ്ഥാനമായ കിന്‍ഷാസായിലെ വിമാനത്താവളത്തില്‍ വച്ചായിരുന്നു കുര്‍ബാന. ആഫ്രിക്കന്‍ വന്‍കരയില്‍ മാര്‍പാപ്പ നടത്തുന്ന ഏറ്റവും വലിയ കുര്‍ബാനയാണിത്. പതിറ്റാണ്ടുകള്‍ നീണ്ട അക്രമങ്ങളുടെ ദുരിതംപേറുന്ന രാജ്യത്ത് സമാധാനത്തിന്‍റെയും ക്ഷമയുടെയും ആഹ്വാനവുമായാണ് പോപ്പ് എത്തിയത്. ക്രിസ്ത്യന്‍ ഭൂരിപക്ഷ രാജ്യമായ കോംഗോയിലെ വിശ്വാസികളില്‍ നല്ലൊരു ഭാഗവും അദ്ദേഹത്തെ സ്വീകരിക്കാന്‍ വിമാനത്താവളത്തില്‍ എത്തിയിരുന്നു. 1985ല്‍ സെന്റ് ജോണ്‍ പോള്‍ രണ്ടാമനുശേഷം ആദ്യമായി രാജ്യത്തെത്തുന്ന മാര്‍പാപ്പയാണ് ഫ്രാന്‍സിസ് ഒന്നാമന്‍. […]

ലോസേന്‍: ടോക്യോ ഒളിമ്പിക്സില്‍ പങ്കെടുക്കാന്‍ സാധിക്കാതിരുന്ന റഷ്യയ്ക്കും ബെലാറസിനും അടുത്ത വര്‍ഷം പാരീസില്‍ നടക്കുന്ന ഒളിമ്പിക്സിലും പങ്കെടുക്കാനാവില്ല. അന്താരാഷ്ട്ര ഒളിമ്പിക് കമ്മിറ്റി ഇരു രാജ്യങ്ങള്‍ക്കും മേലുള്ള വിലക്ക് തുടരാന്‍ തീരുമാനിച്ചതാണ് കാരണം. നേരത്തെ, കായികതാരങ്ങള്‍ക്ക് ആസൂത്രിതമായി ഉത്തേജക മരുന്നുകള്‍ നല്‍കുന്ന പദ്ധതി സര്‍ക്കാര്‍ തലത്തില്‍ നടപ്പാക്കിയെന്നാരോപിച്ചാണ് വിലക്കേര്‍പ്പെടുത്തിയിരുന്നത്. അതിനു ശേഷം യുക്രെയ്ന്‍ അധിനിവേശം കാരണം കഴിഞ്ഞ വര്‍ഷം പുതിയ വിലക്ക് വന്നു. ഇതു തുടരാനാണ് ഇപ്പോഴത്തെ തീരുമാനം. അതേസമയം, ഇരു രാജ്യങ്ങളില്‍നിന്നുമുള്ള അത്ലറ്റുകള്‍ക്ക് ഒളിമ്പിക് വേദി നഷ്ടമാകാതിരിക്കാന്‍ […]

കൊച്ചി: എന്നും പ്രചോദനം തരുന്നതാണ് ബിനാലെ ആവിഷ്‌കാരങ്ങളെന്നു സംവിധായകൻ ലാൽ ജോസ്. ആദ്യത്തേത് മുതൽ എല്ലാ കൊച്ചി മുസിരിസ് ബിനാലെയും കണ്ടിട്ടുണ്ട്. ആദ്യ ബിനാലെക്കു ശേഷം ചെയ്‌ത സിനിമകളിൽ ബിനാലെയുടെ സ്വാധീനമുണ്ടായിരുന്നു. അതുകൊണ്ട് ‘ബിനാലെ ഡയറ്കടർ’ എന്ന് പരിഹാസവും കേൾക്കേണ്ടി വന്നിട്ടുണ്ട്.  ഇന്സ്റ്റലേഷനുകൾ കണ്ടു ഭ്രമിച്ച് ‘ പുള്ളിപ്പുലികളും ആട്ടിൻകുട്ടിയും’ എന്ന സിനിമയിലെ അവസാന ഷോട്ട്, ബിനാലെയിൽ ഉണ്ടായിരുന്ന ഒരു ഇൻസ്റ്റലേഷന്റെ പ്രചോദനത്തിൽ അതു തന്നെയായിരുന്നു. അത്ര കണ്ട് ബിനാലെ പ്രചോദനം പകർന്നിട്ടുണ്ട്. ദൃശ്യാവിഷ്കാരങ്ങൾക്ക് സഹായകമായിട്ടുണ്ട്. ദൃശ്യപരമായി […]

ജല്ലിക്കെട്ട് മത്സരത്തിന് ജില്ലാ ഭരണകൂടം അനുമതി നല്‍കാത്തതില്‍ പ്രതിഷേധിച്ച് വ്യാപക അക്രമം. തിരുവനന്തപുരത്തുനിന്ന് ബെംഗളൂരുവിലേക്ക് പോയ കെ.എസ്.ആര്‍.ടി.സി. സ്വിഫ്റ്റ് ബസിന് നേരെയും അക്രമം ഉണ്ടായി. കൃഷ്ണഗിരി ജില്ലയിലാണ് ജല്ലിക്കെട്ടു മത്സരത്തിന് ജില്ലാ ഭരണകൂടം അനുമതി നല്‍കാത്തത്. പ്രതിഷേധക്കാര്‍ കൃഷ്ണഗിരി- ഹൊസൂര്‍- ബെംഗളൂരു ദേശീയപാത ഉപരോധിച്ച് വാഹനങ്ങള്‍ തടഞ്ഞിട്ടു. മണിക്കൂറോളം ഉപരോധം തുടര്‍ന്ന പ്രതിഷേധക്കാര്‍ വാഹനങ്ങള്‍ ആക്രമിച്ചു. അക്രമികള്‍ നടത്തിയ കല്ലേറില്‍ വാഹനങ്ങളുടെ ചില്ലുകള്‍ തകര്‍ന്നിട്ടുണ്ട്. പോലീസുകാര്‍ക്കും ദേശീയപാതയില്‍ കടന്നുപോവുകയായിരുന്ന വാഹനങ്ങള്‍ക്കും നേരെ വ്യാപകമായ കല്ലേറുണ്ടായി. പ്രതിഷേധക്കാര്‍ക്കെതിരെ പോലീസ് […]

ബര്‍ലിന്‍: ജര്‍മനിയില്‍ ഇരട്ട പരൗത്വം അനുവദിക്കാന്‍ തത്വത്തില്‍ അംഗീകാരമായ സാഹചര്യത്തില്‍ പൗരത്വ അപേക്ഷകരുടെ എണ്ണത്തില്‍ വര്‍ധനയുണ്ടാകുമെന്നാണു പ്രതീക്ഷിക്കുന്നത്. നിലവിലുള്ള പൗരത്വം ഉപേക്ഷിക്കാതെ തന്നെ ജര്‍മന്‍ പൗരത്വം സ്വീകരിക്കാന്‍ കഴിയുന്ന സംവിധാനമാണിത്. ഇതിനു പുറമേ, അഞ്ച് വര്‍ഷം രാജ്യത്ത് താമസിച്ചവര്‍ക്കും പൗരത്വത്തിന് അപേക്ഷിക്കാന്‍ യോഗ്യത ലഭിക്കും. അതേസമയം, മറ്റെല്ലാ യോഗ്യതാ മാനദണ്ഡങ്ങളും മാറ്റമില്ലാതെ തുടരുകയാണ്. ഇതില്‍ പ്രധാനമാണ് ബി1 ലെവല്‍ ജര്‍മന്‍ ഭാഷാ പരിജ്ഞാനം പരിശോധിക്കാനുള്ള പരീക്ഷ. ഇന്റര്‍മീഡിയറ്റ് ലെവല്‍ ഭാഷാ പരിജ്ഞാനമാണ് ബി1 ലെവലില്‍ ഉദ്ദേശിക്കുന്നത്. കാര്യമായ […]

ജോര്‍ജിയ: ജോര്‍ജിയയിലെ ഒരു സ്‌കൂളില്‍ വിദ്യാര്‍ത്ഥിയുടെ മര്‍ദ്ദനത്തില്‍ പരിക്കേറ്റ അധ്യാപികയെ ആശുപത്രിയില്‍ പ്രവേശിപ്പിച്ചു. സംഭവത്തിന്റെ വീഡിയോ വൈറലായി. ജോര്‍ജിയയിലെ റോക്ക്ഡെയ്ല്‍ കൗണ്ടിയിലെ അധികാരികള്‍ ഈ വീഡിയോ അവലോകനം ചെയ്യുകയാണ്. ജനുവരി 26 ന് ഹെറിറ്റേജ് ഹൈസ്‌കൂളിലെ ഒരു ക്ലാസ് മുറിയിലാണ് സംഭവം. ഇംഗ്ലീഷ് അധ്യാപികയായ തിവാന ടര്‍ണറും വിദ്യാര്‍ത്ഥിയും തമ്മിലുള്ള വഴക്കാണ് വീഡിയോയില്‍ കാണിക്കുന്നത്. ഇരുവരും തമ്മിലുള്ള വഴക്ക് ശാരീരിക ആക്രമണത്തിലേക്ക് നീങ്ങുകയായിരുന്നു. 27 വയസ്സുള്ള അധ്യാപികയെ വിദ്യാര്‍ത്ഥി നിലത്തേക്ക് വലിച്ചെറിയുകയും ഇടിക്കുകയും ചെയ്തു. പരിക്കേറ്റ അധ്യാപികയെ […]

കൊച്ചി: ഹോണ്ട മോട്ടോര്‍സൈക്കിള്‍ ആന്‍ഡ് സ്‌കൂട്ടര്‍ ഇന്ത്യ (എച്ച്എംഎസ്‌ഐ) 2023 ജനുവരിയില്‍ 296,363 യൂണിറ്റ് വാഹനങ്ങള്‍ വിറ്റഴിച്ചു.  278,143 യൂണിറ്റ് ആഭ്യന്തര വില്‍പ്പനയും, 18,220 യൂണിറ്റ് കയറ്റുമതിയും ഉള്‍പ്പെടെയാണിത്. ഹോണ്ട ആക്ടിവ 2023 അവതരണവും, പ്രീമിയം മോട്ടോര്‍സൈക്കിള്‍ ബിസിനസ് നെറ്റ്‌വര്‍ക്ക് വിപുലീകരണവും ജനുവരിയില്‍ നടന്നു. വിവിധ ഇടങ്ങളില്‍ റോഡ് സുരക്ഷ ബോധവത്കരണ ക്യാമ്പുകള്‍ നടത്തിയ കമ്പനി, ഹരിയാന മനേസറിലെ ഗ്ലോബല്‍ റിസോഴ്‌സ് ഫാക്ടറിയില്‍ യുവ വിദ്യാര്‍ഥികള്‍ക്കായി വ്യാവസായിക സന്ദര്‍ശനവും സംഘടിപ്പിച്ചു. 2023ലെ ഡാകര്‍ റാലിയില്‍ മോണ്‍സ്റ്റര്‍ എനര്‍ജി […]

ഡൽഹി: വൈദ്യരത്നം ഔഷധശാല ഡൽഹി ബ്രാഞ്ചിന്‍റെയും ശ്രീദുർഗ്ഗ എൻറർപ്രൈസസിന്‍റെയും സംയുക്ത ആഭിമുഖ്യത്തിൽ ദിൽ ഷാദ് കോളനി എ. ബ്ലോക്കിൽ നൂറാം നമ്പറിൽ വച്ച് ഫെബ്രുവരി 26 ഞായറഴ്ച രാവിലെ 9.30 മുതൽ 1 മണി വരെ ആയുർവേദ ചികിത്സ ക്യാമ്പ് നടത്തുന്നു. വൈദ്യരത്നം ഔഷധശാല സീനിയർ ഫിസിഷ്യൻ ഡോ.കെ സൂര്യദാസിന്റെ നേതൃത്വത്തിലാണ് ക്യാമ്പ് നടക്കുന്നത്. ഒൻപത് മണിയ്ക്ക് രജിസ്റ്ററേഷൻ ആരംഭിക്കും. മുൻകൂട്ടി ബുക്ക് ചെയ്യാൻ 011 35749615, 8595672762 നമ്പറുകളിൽ ബന്ധപ്പെടുക.

കണ്ണൂര്‍: കണ്ണൂരില്‍ ഓടുന്ന കാറിനു തീപിടിച്ച് ഗര്‍ഭിണിയും ഭര്‍ത്താവും മരിച്ചതില്‍, ഡോര്‍ ലോക്ക് ആയതു രക്ഷാപ്രവര്‍ത്തനത്തിനു തടസ്സമായെന്നു ദൃക്സാക്ഷികളായ നാട്ടുകാർ. ചില്ലുകള്‍ തകര്‍ത്തു രണ്ടു പേരെയും രക്ഷപ്പെടുത്താനുള്ള ശ്രമം വിജയിച്ചില്ലെന്നും നാട്ടുകാര്‍ പറഞ്ഞു. കുറ്റിയാട്ടൂര്‍ സ്വദേശികളായ പ്രജിത് (35), ഭാര്യ റീഷ (26) എന്നിവരാണ് മരിച്ചത്. നടുറോഡിൽ കാർ നിന്നു കത്തുന്നതാണ് പുറത്തുവന്ന ദൃശ്യങ്ങളിൽ. കാർ കത്തുന്നത് കണ്ട് ഓടികൂടിയ നാട്ടുകാർ കാറിനടുത്തുചെന്ന് രക്ഷിക്കാൻ ശ്രമിക്കുന്നുണ്ടെങ്കിലും കഴിഞ്ഞില്ല. ‘ഫയർഫോഴ്സിനെ വിളിയെടാ’ എന്നു നാട്ടുകാർ അലറുന്നത് വിഡിയോയിൽ കേൾക്കാം. […]

error: Content is protected !!