Advertisment

എന്റെ മര്യാദ കൊണ്ടാണ് അവര്‍ക്ക് എതിരെ പരാതി നല്‍കാതിരുന്നത്, പുച്ഛത്തോടെയാണ് സൗമിനി ജെയ്ന്‍ എന്നോട് പെരുമാറിയത്: ജൂഡ് ആന്തണി

author-image
ഫിലിം ഡസ്ക്
New Update

കൊച്ചി : കൊച്ചി മുന്‍ മേയര്‍ സൗമിനി ജെയിന്‍ നല്‍കിയ പരാതിയെ കുറിച്ച് പ്രതികരിച്ച് സംവിധായകന്‍ ജൂഡ് ആന്തണി. സുഭാഷ് പാര്‍ക്കിലെ ഷൂട്ടിംഗ് അനുമതിയുമായി ബന്ധപ്പെട്ട് സൗമിനി ജെയിനിനോട് ജൂഡ് അപമര്യാദയായി പെരുമാറി എന്ന ആരോപണം ചര്‍ച്ചയായിരുന്നു. ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് ജൂഡ് ഇക്കാര്യത്തെ കുറിച്ച് പ്രതികരിച്ചത്.

Advertisment

publive-image

സ്ത്രീത്വത്തെ അപമാനിച്ചു എന്നായിരുന്നു സൗമിനി ജെയിന്‍ തനിക്കെതിരെ നല്‍കിയ പരാതി. എന്നാല്‍ ശൈലജ ടീച്ചര്‍ പാര്‍ക്കില്‍ ഷൂട്ട് ചെയ്യാനുള്ള അനുമതി നല്‍കിയിരുന്നു. അനുമതിയെ കുറിച്ചുള്ള ഇമെയിലും അയച്ചിരുന്നു. ഫോണില്‍ സൗമിനി ജെയിനുമായി സംസാരിച്ചിരുന്നു. അപ്പോള്‍ പാര്‍ക്കില്‍ ഷൂട്ട് ചെയ്യുവാന്‍ അനുമതി നല്‍കില്ലെന്ന് പറഞ്ഞു.

ഇനി മിനിസ്റ്റര്‍ ഇടപെട്ടത് കൊണ്ട് ഈഗോ തട്ടാതിരിക്കുവാന്‍ മേയറെ നേരിട്ട് കാണുവാന്‍ പോയി. സ്‌കൂളില്‍ അഡ്മിഷന്‍ എടുക്കുവാനായി കാത്തു നില്‍ക്കുന്ന ഒരു വിദ്യാര്‍ത്ഥിയെ പോലെയായിരുന്നു അവര്‍ സമീപിച്ചത്. തന്നോട് അത്രത്തോളം മോശമായും പുച്ഛത്തോടെയുമായിരുന്നു പെരുമാറിയിരുന്നത്.

തന്റെ മര്യാദ കൊണ്ടാണ് അവര്‍ക്കെതിരെ പരാതി കൊടുക്കാതിരുന്നത്. താനും അവരും സമൂഹത്തിലെ രണ്ട് വ്യക്തികളാണ്. രണ്ടു പേരും പരസ്പരം ബഹുമാനത്തോടെയാണ് പെരുമാറേണ്ടത്. ഈ സ്ത്രീത്വം എന്നത് ദുരുപയോഗം ചെയ്തതിന്റെ ഏറ്റവും വലിയ തെളിവാണ് തനിക്ക് എതിരെയുള്ള അവരുടെ പരാതി എന്നാണ് ജൂഡ് പറയുന്നത്.

jude antony
Advertisment