ന്യൂഡല്ഹി: ബി.ജെ.പി നേതാവ് ജ്യോതിരാദിത്യ സിന്ധ്യ കോണ്ഗ്രസിനൊപ്പമായിരുന്നെങ്കില് മുഖ്യമന്ത്രിയാകാന് കഴിയുമായിരുന്നുവെന്ന് കോണ്ഗ്രസ് നേതാവ് രാഹുല് ഗാന്ധി.
സിന്ധ്യ ബി.ജെ.പിയില് ഒരു ബാക്ക് ബെഞ്ചറായി മാറിയെന്നും അദ്ദേഹം പറഞ്ഞതായി എന്.ഡി.ടി.വി റിപ്പോര്ട്ട് ചെയ്തു. കോണ്ഗ്രസ് സംഘടനയുടെ പ്രാധാന്യത്തെക്കുറിച്ച് പാര്ട്ടിയുടെ യൂത്ത് വിങ്ങിനോട് സംസാരിക്കുകയായിരുന്നു രാഹുല്.
''കോണ്ഗ്രസിനൊപ്പം തുടര്ന്നിരുന്നെങ്കില് അദ്ദേഹം (സിന്ധ്യ) മുഖ്യമന്ത്രിയാവുമായിരുന്നു. പക്ഷെ ബി.ജെ.പിയില് അദ്ദേഹം ഒരു ബാക്ക് ബെഞ്ചറായി മാറി. കോണ്ഗ്രസ് പ്രവര്ത്തകര്ക്കൊപ്പം പ്രവര്ത്തിച്ച് സംഘടനയെ ശക്തിപ്പെടുത്താന് സിന്ധ്യക്ക് അവസരമുണ്ടായിരുന്നു. ഞാന് അദ്ദേഹത്തോട് പറഞ്ഞു - ഒരു ദിവസം നിങ്ങള് മുഖ്യമന്ത്രിയാകുമെന്ന്. പക്ഷേ അദ്ദേഹം മറ്റൊരു വഴി തിരഞ്ഞെടുത്തു.'' -രാഹുല് പറഞ്ഞു.
'' എഴുതി വച്ചോളൂ, അദ്ദേഹം ഒരിക്കലും അവിടെ(ബി.ജെ.പിയില്) മുഖ്യമന്ത്രിയാകില്ല. അതിനായി അദ്ദേഹം ഇവിടെ(കോണ്ഗ്രസില്) തിരിച്ചെത്തേണ്ടിവരും.'' -എന്ന് രാഹുല് പറഞ്ഞതായും ബന്ധപ്പെട്ട വൃത്തങ്ങളെ ഉദ്ധരിച്ച് എന്.ഡി.ടി.വി റിപ്പോര്ട്ട് ചെയ്യുന്നു.
ആര്.എസ്.എസ് പ്രത്യയശാസ്ത്രത്തിനെതിരെ പോരാടാന് യുവാക്കേളാട് ആഹ്വാനം ചെയ്ത രാഹുല് ആരേയും ഭയക്കേണ്ടതില്ലെന്നും അഭിപ്രായപ്പെട്ടു. കഴിഞ്ഞ വര്ഷം മാര്ച്ചിലാണ് ജ്യോതിരാദിത്യ സിന്ധ്യ കോണ്ഗ്രസ് വിട്ട് ബി.ജെ.പിയിലെത്തിയത്.