തിരുവനന്തപുരം : കെപിസിസി പ്രസിഡന്റ് ആയി കെ സുധാകരന് ചുമതലയേറ്റു. കെപിസിസി ആസ്ഥാനമായ ഇന്ദിരാഭവനില് നടന്ന സ്ഥാനാരോഹണ ചടങ്ങില് മുതിര്ന്ന നേതാക്കളായ ഉമ്മന്ചാണ്ടി, രമേശ് ചെന്നിത്തല, സ്ഥാനമൊഴിയുന്ന കെപിസിസി പ്രസിഡന്റ് മുല്ലപ്പള്ളി രാമചന്ദ്രന്, കേരളത്തിന്റെ ചുമതലയുള്ള എഐസിസി ജനറല് സെക്രട്ടറി താരിഖ് അന്വര്, മറ്റ് മുതിര്ന്ന കോണ്ഗ്രസ് സംസ്ഥാന നേതാക്കള് തുടങ്ങിയവര് പങ്കെടുത്തു.
കോണ്ഗ്രസ് വര്ക്കിങ് പ്രസിഡന്റുമാരായി കൊടിക്കുന്നില് സുരേഷ്, പി ടി തോമസ്, ടി സിദ്ധിഖ് എന്നിവരും ഇന്ന് ചുമതലയേറ്റു.
രാവിലെ കിഴക്കേകോട്ടയിലെ ഗാന്ധി പ്രതിമയില് ഹാരാര്പ്പണവും പാളയം രക്തസാക്ഷി മണ്ഡപത്തില് പുഷ്പാര്ച്ചനയും നടത്തിയശേഷമായിരുന്നു കെ സുധാകരന് ചുമതലയേറ്റെടുക്കാന് ഇന്ദിരാഭവനിലെത്തിയത്.