കണ്ണൂര്: കണ്ണൂരില് അമ്മയും കുഞ്ഞും തീപൊള്ളലേറ്റ് മരിച്ചു. മട്ടന്നൂര് കാനാടാണ് സംഭവം. കാനാട് നിമിഷ നിവാസില് നിഷാദിന്റെ ഭാര്യ കെ. ജിജിന(24), മകള് അന്വിക(4) എന്നിവരാണ് മരിച്ചത്.
വീട്ടിലെ കിടപ്പുമുറിയിലാണ് ഇരുവരെയും പൊള്ളലേറ്റ നിലയില് കണ്ടെത്തിയത്. ഗുരുതരമായി പൊള്ളലേറ്റ ഇരുവരെയും ഉടന് തന്നെ പരിയാരം മെഡിക്കല് കോളേജില് കൊണ്ട് പോയെങ്കിലും ജീവന് രക്ഷിക്കാനായില്ല.