കണ്ണൂരിൽ മാരക എം.ഡി.എം.എയുമായി യുവാവ് പിടിയിൽ

കണ്ണൂ‍‍‍‍ർ: മാരക മയക്കുമരുന്നായ എം.ഡി.എം.എയുമായി ഒരാൾ പിടിയിൽ. ചക്കരക്കൽ ഇരുവേരിയിൽ 1.510 ഗ്രാം തൂക്കം വരുന്ന എം.ഡി.എം.എയുമായി  പി.വി. റെനീസാണ് പിടിയിലായത്.

എൻ.ഡി.പി.എസ് ആക്ട് പ്രകാരം ഇയാൾക്കെതിരെ കേസെടുത്തു. പ്രതി മുമ്പും ചക്കരക്കൽ പോലീസ് സ്റ്റേഷനിലും കണ്ണൂർ ടൗൺ പോലീസ് സ്റ്റേഷനിലും സമാനമായ കേസുകളിലും ക്രിമിനൽ കേസുകളിലും പ്രതിയായിരുന്നു. ചക്കരയ്ക്കൽ ഇൻസ്‌പെക്ടർ ശ്രീജിത്ത്‌ കൊടേരിയുടെ നേതൃത്വത്തിലുള്ള പോലീസ് ഉദ്യോഗസ്ഥരാണ് ഇയാളെ പിടികൂടിയത്.