08
Thursday December 2022

ഈ തെരഞ്ഞെടുപ്പില്‍ ബി.ജെ.പി. എത്രകണ്ടു മുന്നേറും? രണ്ടു മുന്നണികള്‍ക്കിടയില്‍ ഇടം കണ്ടെത്തി വളരാന്‍ ശ്രമിച്ചു കൊണ്ടിരിക്കുന്ന എന്‍.ഡി.എ ഏതായാലും ഈ തെരഞ്ഞെടുപ്പിലും ഭരണത്തിനടുത്തെങ്ങും വരില്ലെന്നു തീര്‍ച്ച ! എങ്കിലും ബി.ജെ.പി കേരള രാഷ്ട്രീയത്തില്‍ ഒരു പ്രധാന ഘടകം തന്നെയായിരിക്കുന്നു; സ്വയം ജയിക്കാനായില്ലെങ്കിലും ഏതെങ്കിലും ശത്രു പാര്‍ട്ടിയെ ജയിപ്പിക്കാനോ തോല്‍പ്പിക്കാനോ ബി.ജെ.പി.ക്ക് കഴിയുന്ന സ്ഥിതിയെത്തിയിരിക്കുന്നു; എന്തായാലും, കേരളത്തില്‍ ത്രികോണ മത്സരം ഉണ്ടാക്കാന്‍ പോകുന്ന പൊല്ലാപ്പ് ചില്ലറയാവില്ല-– ജേക്കബ് ജോര്‍ജ് എഴുതുന്നു

ജേക്കബ് ജോര്‍ജ് - ചീഫ് എഡിറ്റര്‍
Wednesday, April 7, 2021

വലിയ ഒച്ചപ്പാടും ആരോപണവും പ്രത്യാരോപണവുമൊക്കെയായി കേരളത്തില്‍ ഒരു തെരഞ്ഞെടുപ്പു കൂടി കടന്നുപോയിരിക്കുന്നു. കേരള സമൂഹം ഒരു ഉത്സവം പോലെ ആഘോഷിച്ചു ഈ തെരഞ്ഞെടുപ്പും. തികച്ചും സമാധാനപരമായിത്തന്നെ ജനങ്ങളും പാര്‍ട്ടി പ്രവര്‍ത്തകരും നേതാക്കളും തെരഞ്ഞെടുപ്പില്‍ പങ്കാളികളായി.

ഈ തെരഞ്ഞെടുപ്പില്‍ ബി.ജെ.പി. എത്രകണ്ടു മുന്നേറും? രാഷ്ട്രീയ കേരളം ഉറ്റു നോക്കുന്ന കാര്യം തന്നെയാണിത്. എന്തായാലും കേരളത്തില്‍ മൂന്നാമതൊരു ശക്തിയായി മാറിയിരിക്കുന്നു ബി.ജെ.പി. രാജ്യം ഭരിക്കുന്ന പാര്‍ട്ടി എന്ന പേരും കരുത്തുമുണ്ട് ബി.ജെ.പി.ക്ക്. അതു പ്രകടമാക്കുന്ന പ്രചാരണം തന്നെ ബി.ജെ.പി. കേരളത്തില്‍ കാഴ്ചവെയ്ക്കുകയും ചെയ്തു. നരേന്ദ്രമോദിയും അമിത്ഷായും പ്രമുഖ ബി.ജെ.പി. നേതാക്കളുമൊക്കെ കേരളമൊട്ടുക്കു ചുറ്റി നടന്ന് പ്രചാരണ കൊടുങ്കാറ്റഴിച്ചു വിടുകയും ചെയ്തു. കോന്നിയില്‍ പ്രസംഗിച്ച മോദി “സ്വാമിയേ ശരണമയ്യപ്പാ’ വിളിച്ച് അയ്യപ്പഭക്തരെ ആവേശം കൊള്ളിക്കുകയും ചെയ്തു.

കേരളത്തില്‍ മത്സരരംഗത്തുള്ള രണ്ടു മുന്നണികളാണ് ഇടതുപക്ഷ ജനാധിപത്യ മുന്നണിയും ഐക്യജനാധിപത്യ മുന്നണിയും. രണ്ടു മുന്നണികളാണ് മത്സര രംഗത്തുള്ളതെങ്കിലും യഥാര്‍ത്ഥത്തില്‍ മത്സരം നേതൃപാര്‍ട്ടികളായ സി.പി.എമ്മും കോണ്‍ഗ്രസ്-ഐയും തമ്മില്‍ത്തന്നെയാണ്. രണ്ടു മുന്നണികളും തമ്മില്‍ കേരള ഭരണം കൃത്യമായ ഇടവേളകളില്‍ പടവെട്ടി കൈയടക്കി കൊണ്ടിരിക്കുമ്പോഴാണ് ഒരു മൂന്നാം ശക്തിയായി ബി.ജെ.പി. ഇവിടെ വളര്‍ന്നു തുടങ്ങിയത്.

ഈ വളര്‍ച്ചയ്ക്കിടയില്‍ മഞ്ചേശ്വരത്തും നേമത്തും ബി.ജെ.പി. മറ്റു രണ്ടു മുന്നണികളെയും വെല്ലുവിളിക്കാനും തുടങ്ങി. കഴിഞ്ഞ തെരഞ്ഞെടുപ്പില്‍ കേരള രാഷ്ട്രീയ ചരിത്രത്തിലാദ്യമായി ബി.ജെ.പി. നേമം സീറ്റ് കരസ്ഥമാക്കുകയും ചെയ്തു. പല മത്സരങ്ങളില്‍ മത്സരിച്ചു എപ്പോഴും പരാജയം മാത്രം കൈയില്‍ വാങ്ങിയ ഒ. രാജഗോപാലിന്‍റെ വിജയം ബി.ജെ.പിയെ സംബന്ധിച്ചിടത്തോളം ഒരു വലിയ നേട്ടം തന്നെയായിരുന്നു.

കേരളം മാറിമാറി ഭരിക്കുന്ന രണ്ടു മുന്നണികളെയും തോല്‍പ്പിച്ചു മുന്നില്‍ കയറുക എന്നതാണ് ബി.ജെ.പി. നേരിടുന്ന പ്രധാന വെല്ലുവിളി. ഒരു വശത്ത് ഇടതു മുന്നണിയുടെ തലപ്പത്തുള്ളത് സി.പി.എം. മറുവശത്ത് കോണ്‍ഗ്രസ് ഐ 1957-ലെ ആദ്യ നിയമസഭാ തെരഞ്ഞെടുപ്പില്‍ അവിഭ്യക്ത കമ്മ്യൂണിസ്റ്റ് പാര്‍ട്ടി ഒറ്റയ്ക്കു നിന്നു മത്സരിച്ചാണ് കേരള ഭരണം പിടിച്ചെടുത്തത്.

കൃത്യമായ സംഘടനാ പ്രവര്‍ത്തനത്തിലൂടെയും ജനങ്ങളെ ആകര്‍ഷിക്കുന്ന പുരോഗമന പരിപാടികളിലൂടെയും ജനപിന്തുണ ആര്‍ജിച്ചു തന്നെയാണ് കമ്മ്യൂണിസ്റ്റ് പാര്‍ട്ടി അധികാരത്തിലെത്തിയത്. 1959 ല്‍ വിമോചന സമരം. പിന്നെ 1960-ല്‍ തെരഞ്ഞെടുപ്പ്. ഇപ്രാവശ്യം കോണ്‍ഗ്രസ് കരുതലോടെ നീങ്ങി. അവര്‍ ഒരു മുന്നണിയുണ്ടാക്കി. കൂട്ടുപിടിച്ചത് പി.എസ്.പി. യെയും മുസ്ലീം ലീഗിനെയും. നല്ല ഭൂരിപക്ഷത്തില്‍ ജയിക്കുകയും ചെയ്തു. മുഖ്യമന്ത്രിയായത് പി.എസ്.പി. നേതാവ് പട്ടം താണുപിള്ള.

പിന്നെ 1965 ലെ ഫലപ്രാപ്തിയിലെത്താതിരുന്ന തെരഞ്ഞെടുപ്പ്. അതിനു ശേഷം 1967 ഇ.എം.എസ്. ശക്തമായൊരു മുന്നണി കെട്ടിപ്പടുത്തു. ആ മുന്നണി കോണ്‍ഗ്രസ് മുന്നണിയെ പരാജയപ്പെടുത്തി. പിന്നാലെ, പല രാഷ്ട്രീയ സര്‍ക്കസുകള്‍, പാര്‍ട്ടികള്‍ നേരിട്ട പിളര്‍പ്പുകള്‍, ചെറുതും വലുതുമായ പാര്‍ട്ടികളുടെ വരവും പോക്കും ജനാധിപത്യ കേരളം കണ്ട രാഷ്ട്രീയക്കളികള്‍ എത്രയെത്ര?

രണ്ടു മുന്നണികള്‍ക്കിടയില്‍ ഇടം കണ്ടെത്തി വളരാന്‍ ശ്രമിച്ചു കൊണ്ടിരിക്കുന്ന ബി.ജെ.പി. യെയും അതിന്‍റെ മുന്നണി എന്‍.ഡി.എ. യും ഏതായാലും ഈ തെരഞ്ഞെടുപ്പിലും ഭരണത്തിനടുത്തെങ്ങും വരില്ലെന്നു തീര്‍ച്ച. പ്രചാരണത്തിന്‍റെ പ്രാരംഭഘട്ടത്തില്‍ നടന്ന സര്‍വ്വേകളിലൊക്കെ കണ്ടത് എന്‍.ഡി.എ. മൂന്ന് സീറ്റ് വരെ നേടാം എന്നതാണ്. നേമം, മഞ്ചേശ്വരം, പാലക്കാട് എന്നിവയാണ് പ്രധാനമായും ബി.ജെ.പി. ലക്ഷ്യം വയ്ക്കുന്ന സീറ്റുകള്‍. കഴക്കൂട്ടം പോലെയുള്ള ചില സീറ്റുകളും ബി.ജെ.പി.ക്ക് പ്രധാനം തന്നെ.

എങ്കിലും ബി.ജെ.പി. കേരള രാഷ്ട്രീയത്തില്‍ ഒരു പ്രധാന ഘടകം തന്നെയായിരിക്കുന്നു. സ്വയം ജയിക്കാനായില്ലെങ്കിലും ഏതെങ്കിലും ശത്രു പാര്‍ട്ടിയെ ജയിപ്പിക്കാനോ തോല്‍പ്പിക്കാനോ ബി.ജെ.പി.ക്ക് കഴിയുന്ന സ്ഥിതിയെത്തിയിരിക്കുന്നു. ഉദാഹരണം ആറന്മുള തന്നെ. പത്തനംതിട്ട ജില്ലയിലെ ആറന്മുളയില്‍ ഇപ്പോഴത്തെ എം.എല്‍.എ. വീണാ ജോര്‍ജ്ജാണ് ഇടതുപക്ഷ സ്ഥാനാര്‍ത്ഥി. യു.ഡി.എഫിനു വേണ്ടി കോണ്‍ഗ്രസിന്‍റെ മുതിര്‍ന്ന നേതാവ് കെ. ശിവദാസന്‍ നായരും മത്സരിക്കുന്നു. ബി.ജെ.പി. ക്കുമുണ്ട് സ്ഥാനാര്‍ത്ഥി – ബിജു മാത്യു. ബിജു മാത്യു ഓര്‍ത്തഡോക്സ് ക്രിസ്ത്യന്‍ വിഭാഗക്കാരനാണ്. വീണാ ജോര്‍ജ്ജും ഇതേ വിഭാഗക്കാരി തന്നെ. ഇടതു സ്ഥാനാര്‍ത്ഥിയുടെ വോട്ടില്‍ ഒരു പങ്കു പറ്റിക്കോട്ടേ എന്നു കരുതിയാവണം ബി.ജെ.പി. ഇങ്ങനെയൊരു രാഷ്ട്രീയ നീക്കം നടത്തിയത്.

എന്നാല്‍ ആറന്മുളയില്‍ തെളിയുന്ന ചിത്രം വേറെയാണ്. മണ്ഡലത്തിലെ നല്ലൊരു പങ്കു ബി.ജെ.പി. വോട്ടും കോണ്‍ഗ്രസ് സ്ഥാനാര്‍ത്ഥി ശിവദാസന്‍ നായര്‍ക്കു മറിഞ്ഞു എന്നാണു സൂചന. അങ്ങനെയെങ്കില്‍ വീണാ ജോര്‍ജ്ജ് നേരത്തേ പ്രതീക്ഷിച്ചിരുന്ന വിജയത്തെക്കുറിച്ച് ആശങ്ക ഉയരും. ബി.ജെ.പി. യഥാര്‍ത്ഥ മത്സരം കാഴ്ച വച്ചിരുന്നുവെങ്കില്‍ യു.ഡി.എഫ്. പരാജയപ്പെടുകയും ചെയ്യുമായിരുന്നു.

അതുപോലെ തന്നെയാണ് നേമവും. സാധാരണ ഗതിക്ക് ബി.ജെ.പി. സ്ഥാനാര്‍ത്ഥി കുമ്മനം രാജശേഖരന്‍ നിഷ്പ്രയാസം ജയിക്കേണ്ട സീറ്റാണിത്. ഒ. രാജഗോപാലിന്‍റെ സിറ്റിങ്ങ് സീറ്റ്. കഴിഞ്ഞ ലോക്സഭാ തെരഞ്ഞെടുപ്പില്‍ ശശി തരൂര്‍ നേമം ഉള്‍പ്പെടുന്ന തിരുവനന്തപുരം വന്‍ ഭൂരിപക്ഷത്തോടെ വെട്ടിപിടിച്ചതാണ്. എല്ലാ നിയമസഭാ മണ്ഡലങ്ങളിലും വളരെ മുന്നിലായിരുന്ന ശശി തരൂര്‍ നേമത്തു പിന്നിലായി. ശശി തരൂര്‍ മുന്നിലെത്താത്ത നേമത്തു മുരളി മുന്നിലെത്തുമോ എന്നതാണ് ന്യായമായി ഉയരുന്ന ചോദ്യം.

പക്ഷെ മുരളിക്കു വലിയ സ്വീകരണമാണ് നേമത്തു കിട്ടിയത്. മുരളിക്കു കോണ്‍ഗ്രസ്സിന്‍റെ മുഴുവന്‍ വോട്ടും കിട്ടിയാല്‍ സി.പി.എം സ്ഥാനാര്‍ത്ഥി വി. ശിവന്‍കുട്ടി ജയിക്കുമെന്നത് സാധാരണ കണക്ക്. മുരളി അതിലും കൂടുതല്‍ പിടിച്ചാലോ? അങ്ങനെ പിടിക്കുന്ന വോട്ടുകള്‍ ബി.ജെ.പി. യുടേതായാലോ? മുരളി ആ ലക്ഷ്യത്തിലേക്കാണെത്തുന്നതെന്ന് മുരളി തന്നെ പറയുന്നു. കഴിഞ്ഞ തെരഞ്ഞെടുപ്പില്‍ യു.ഡി.എഫ്. സ്ഥാനാര്‍ത്ഥി നേടിയ വോട്ട് തനിക്ക് ഇത്തവണ ഭൂരിപക്ഷം കിട്ടുമെന്നാണ് അദ്ദേഹത്തിന്‍റെ കണക്ക്. അതായത് 13000 വോട്ട്. മെയ് രണ്ടിനു കാണാം.

എന്തായാലും കേരളത്തില്‍ ത്രികോണ മത്സരം ഉണ്ടാക്കാന്‍ പോകുന്ന പൊല്ലാപ്പ് ചില്ലറയാവില്ല. ബി.ജെ.പി.യാവും ഒരു പ്രധാന ഘടകം. സ്വയം ജയിക്കാനാവില്ലെങ്കിലും ജയിപ്പിക്കാനോ തോല്‍പ്പിക്കാനോ ശേഷിയുള്ള പാര്‍ട്ടിയായി മാറുകയാണ് ബി.ജെ.പി.

Related Posts

More News

ബര്‍ലിന്‍: ജര്‍മ്മന്‍ പാര്‍ലമെന്റ് ആക്രമണം ആസൂത്രണം ചെയ്ത തീവ്ര വലതുപക്ഷ സെല്‍ പൊലീസ് തകര്‍ത്തു. ഇതിന്റെയടിസ്ഥാനത്തില്‍ ബുധനാഴ്ച രാജ്യവ്യാപകമായി റെയ്ഡ് നടത്തുകയും പാര്‍ലമെന്റിന് നേരെ ആക്രമണം ആസൂത്രണം ചെയ്തതായി സംശയിക്കുന്ന തീവ്ര വലതുപക്ഷ “ഭീകര ഗ്രൂപ്പിലെ” അംഗങ്ങളായ 25 പേരെ ജര്‍മ്മന്‍ പോലീസ് അറസ്ററ് ചെയ്തതായും ഫെഡറല്‍ പ്രോസിക്യൂട്ടര്‍മാര്‍ പറഞ്ഞു.അതേസമയം ജര്‍മനി, ഓസ്ട്രിയ, ഇറ്റലി എന്നീ രാജ്യങ്ങളില്‍ ഒരേ സമയത്തായിരുന്നു സ്പെഷ്യല്‍ കമോന്‍ഡോ പൊലീസ് നടത്തിയ റെയ്ഡ്. ജര്‍മനിയിലെ ട്രാഫിക് ലൈറ്റ് മുന്നണി സര്‍ക്കാരിന്റെ തലവനായ ചാന്‍സലര്‍ […]

പ്യോങ്യാങ്: രണ്ട് ഹൈസ്കൂള്‍ വിദ്യാര്‍ഥികള്‍ക്ക് ഉത്തരകൊറിയന്‍ ഭരണകൂടം വധശിക്ഷ നല്‍കിയതായി വിവരം. കെ~ഡ്രാമ എന്ന പേരില്‍ പ്രശസ്തമായ ദക്ഷിണ കൊറിയന്‍ ടെലിവിഷന്‍ പരിപാടികള്‍ കണ്ടു എന്നതാണ് ഇവര്‍ക്കു മേല്‍ ചുമത്തപ്പെട്ട കുറ്റം! 16, 17 പ്രായമുള്ള ആണ്‍കുട്ടികളെയാണ് കൊന്നു കളഞ്ഞതായി അറിയുന്നത്. ദക്ഷിണകൊറിയ, അമേരിക്ക എന്നിവടങ്ങളില്‍ നിന്നുള്ള ടെലിവിഷന്‍ പരിപാടികളും സിനിമകളും കാണുന്നത് ഉത്തര കൊറിയ നിരോധിച്ചിട്ടുള്ളതാണ്. രാജ്യത്ത് ദക്ഷിണ കൊറിയന്‍ ടെലിവിഷന്‍ പരിപാടികളുടെ പ്രചാരം വര്‍ധിച്ചതോടെ 2020~ലാണ് വിലക്കേര്‍പ്പെടുത്തിയത്. അതിനു ശേഷം ദക്ഷിണ കൊറിയയില്‍ നിന്നുള്ള […]

വാഷിങ്ടണ്‍: യുഎസ് സര്‍ക്കാരിന്റെ കോവിഡ് ദുരിതാശ്വാസ ഫണ്ടില്‍നിന്ന് രണ്ടുകോടി ഡോളര്‍ ചൈനീസ് ഹാക്കര്‍മാര്‍ മോഷ്ടിച്ചു. ചൈനീസ് സര്‍ക്കാരുമായി ബന്ധമുള്ള എ.പി.ടി.41 എന്ന ഹാക്കിങ് വിഭാഗമാണ് മോഷണം നടത്തിയതെന്ന് സംശയിക്കുന്നു. ചൈനയിലെ ചെങ്ദു കേന്ദ്രീകരിച്ചു പ്രവര്‍ത്തിക്കുന്ന സംഘമാണിത്. കോവിഡ് ദുരിതാശ്വാസ പ്രവര്‍ത്തനങ്ങളുടെ ഭാഗമായി യു.എസ്.എ.യിലെ വിവിധ സ്റേററ്റുകളില്‍ ചെറിയ ബിസിനസ് ലോണുകള്‍ നല്‍കുന്നതിനും തൊഴിലില്ലായ്മാ ഫണ്ടിനുമായി വകയിരുത്തിയതായിരുന്നു മോഷ്ടിക്കപ്പെട്ട പണം. 2020 മുതല്‍ 2000 അക്കൗണ്ടുകളിലൂടെയാണ് മോഷണം നടന്നിരിക്കുന്നത്. ഇതുമായി ബന്ധപ്പെട്ട് നാല്‍പതിനായിരത്തോളം സാമ്പത്തിക ഇടപാടുകള്‍ നടത്തി. ഭരണകൂടത്തിന്‍റെ […]

വെല്ലിങ്ടന്‍: ഗൂഗ്ളിലും ഫെയ്സ്ബുക്കിലും മറ്റും വാര്‍ത്തകളുടെ ലിങ്കുകള്‍ നല്‍കുന്നതിന്, വാര്‍ത്തയുടെ ഉറവിടത്തിനു പണം നല്‍കണമെന്ന നിയമം ന്യൂസിലന്‍ഡിലും നടപ്പാക്കുന്നു. സമാനമായ നിയമം ഓസ്ട്രേലിയ നേരത്തെ നടപ്പാക്കിയിരുന്നതാണ്. ക്യാനഡയിലും ഈ നിയമം നിലവിലുണ്ട്. ഇന്ത്യയില്‍ പരിഗണനയിലാണ്. പ്രാദേശിക മാധ്യമങ്ങളുടെ വാര്‍ത്തകള്‍ തങ്ങളുടെ പ്ളാറ്റ്ഫോമില്‍ ഉപയോഗിച്ചു ലാഭമുണ്ടാക്കുന്ന ഗൂഗിളും ഫെയ്സ്ബുക്കും അടക്കമുള്ള കമ്പനികള്‍ നിശ്ചിത ശതമാനം വരുമാനം വാര്‍ത്ത തയാറാക്കുന്ന മാധ്യമങ്ങള്‍ക്കു നല്‍കണമെന്നാണു നിയമം.

യാത്രകള്‍ ഇഷ്‍ടപ്പെടുന്ന പ്രണവ് മോഹൻലാലിന്റെ പുതിയ ചിത്രം സോഷ്യൽ മീഡിയയിൽ വൈറലാകുന്നു. ഒരു പുരാതന കെട്ടിടത്തിന് മുന്നിലുള്ള ചാരു ബെഞ്ചില്‍ കിടന്നുറങ്ങുന്ന ചിത്രമാണ് പ്രണവ് മോഹൻലാല്‍ ഇപ്പോള്‍ പങ്കുവെച്ചിരിക്കുന്നത്. സ്ഥലം ഏതെന്ന് പ്രണവ് പറഞ്ഞിട്ടില്ല. സ്‍പെയിൻ ആണെന്നാണ് ആരാധകരുടെ കണ്ടെത്തല്‍. പ്രണവ് മോഹൻലാല്‍ യൂറോപ്യൻ യാത്രയിലാണെന്ന് അടുത്തിടെ വിനീത് ശ്രീനിവാസൻ വെളിപ്പെടുത്തിയിരുന്നു. ഞങ്ങൾ ഇടയ്ക്ക് പ്രണവിനെ കാണാറുണ്ട്. ആളിപ്പോളൊരു തീര്‍ത്ഥ യാത്രയിലാണ്, യൂറോപ്പിലാണ്. 800 മൈല്‍സ് കാല്‍നടയായി യാത്ര ചെയ്യുകയാണ്. പുള്ളീടെ ഒരു പേഴ്സണ്‍ പ്രൊഫൈലുണ്ട്, അതില്‍ […]

പത്തനംതിട്ട: മലയോര മേഖലയിലെ കൈവശ കർഷകർക്ക് തങ്ങളുടെ ഭൂമിയിലെ മരങ്ങൾ മുറിക്കുന്നത് സംബന്ധിച്ച് നിലനിൽക്കുന്ന പ്രതിസന്ധി പരിഹരിക്കുന്നതിന് റവന്യൂ-വനം വകുപ്പുകളുടെ സംയുക്ത യോഗം ചേർന്ന് കർഷകർക്ക് അനുകൂല തീരുമാനം എടുക്കുന്നതിന് അടിയന്തര നടപടി സ്വീകരിക്കുമെന്ന് വനം വകുപ്പ് മന്ത്രി എ.കെ ശശീന്ദ്രൻ നിയമസഭയിൽ അറിയിച്ചു. മരം മുറിയ്ക്കലുമായി ബന്ധപ്പെട്ട് കൈവശ കർഷകർ നേരിടുന്ന പ്രതിസന്ധി അഡ്വ. പ്രമോദ് നാരായൺ എംഎൽഎ നിയമസഭയിൽ സബ്മിഷനിലൂടെ ഉന്നയിച്ചതിന്റെ മറുപടി ആയിട്ടാണ് മന്ത്രി ഇക്കാര്യം വ്യക്തമാക്കിയത്. കർഷകർക്ക് അവർ വൃക്ഷ വില […]

കോട്ടയം: പ്രായപൂർത്തിയാകാത്ത വിദ്യാർഥിനിയെ പീഡിപ്പിച്ച് നഗ്ന ദൃശങ്ങൾ ഫോണിൽ പകർത്തി ബന്ധുക്കൾക്ക് അയച്ചു നൽകിയ യുവാവ് അറസ്റ്റിൽ. കുറുച്ചി ഇത്തിത്താനം കാഞ്ഞിരമൂട്ടിൽ വീട്ടിൽ ഷാബിൻ ബിജുവിനെ (23) യാണ് പൊലീസ് അറസ്റ്റ് ചെയ്തത്. പോക്‌സോ നിയമപ്രകാരമാണ് പ്രതിക്കെതിരേ കേസെടുത്തത്. പെണ്‍കുട്ടിയുടെ സ്വകാര്യദൃശ്യങ്ങളും പീഡനരംഗങ്ങളും ഫോണില്‍ പകര്‍ത്തി ഭീഷണിപ്പെടുത്തി നിരവധി തവണ പീഡിപ്പിച്ചതായി പരാതിയിൽ പറയുന്നു. പൊലീസ് ഇൻസ്പെക്‌ടർ ടി.ആർ.ജിജുവിന്‍റെ നേതൃത്വത്തിലുള്ള അന്വേഷണ സംഘമാണ് പ്രതിയെ പിടികൂടിയത്. ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍റ് […]

തൊടുപുഴ: കേരള പത്രപ്രവർത്തക യൂണിയൻ സംസ്ഥാന കമ്മിറ്റി സംഘടിപ്പിക്കുന്ന ഒന്നാമത് ഓൾ കേരള ജേർണലിസ്റ്റ് ക്രിക്കറ്റ് ലീഗ് 2022 ഡിസംബർ 20, 21 തീയതികളിൽ തൊടുപുഴയിൽ നടക്കുമെന്ന് സംസ്ഥാന പ്രസിഡന്റ് പി.വി. വിനീതയും ജനറൽ സെക്രട്ടറി ആർ. കിരൺ ബാബുവും വാർത്താസമ്മേളനത്തിൽ അറിയിച്ചു. കേരള ക്രിക്കറ്റ് അസോസിയേഷൻ (കെ.സി.എ.) തെക്കുംഭാഗം അന്താരാഷ്ട ക്രിക്കറ്റ് സ്റ്റേഡിയത്തിൽ നടക്കുന്ന മത്സരങ്ങൾക്ക് ഇടുക്കി പ്രസ്ക്ലബ് ആതിഥേയത്വം വഹിക്കും. ഒരു ലക്ഷം രൂപയും അൽ അസ്ഹർ ഗ്രൂപ്പ് സ്പോൺസർ ചെയ്യുന്ന അൽ-അസ്ഹർ കപ്പുമാണ് […]

ബര്‍ലിന്‍: നെറ്റ്വര്‍ക്ക് ഓപ്പറേറ്റര്‍ ഉപഭോക്താക്കള്‍ക്ക് മുന്നറിയിപ്പ് നല്‍കിയതനുസരിച്ച് ബാഡന്‍~വുര്‍ട്ടംബര്‍ഗ് ജര്‍മനിയിലെ ആദ്യത്തെ ഫെഡറല്‍ സംസ്ഥാനത്ത് വൈദ്യുതി ക്ഷാമം നേരിടുകയാണങ്കിലും നിലവില്‍ വൈദ്യുതി വിതരണം സുരക്ഷിതമാണ്” എന്ന് പറഞ്ഞു. ഉച്ചയ്ക്ക് 2:00 മണി മുതല്‍, വൈദ്യുതി ഉപഭോഗം കുറയ്ക്കാന്‍ ആഹ്വാനം ചെയ്തു.ബാഡന്‍~വുര്‍ട്ടംബര്‍ഗിലെ പൗരന്മാരോട് വൈകുന്നേരം 3 മണി വരെ വൈദ്യുതി ലാഭിക്കാന്‍ ആവശ്യപ്പെട്ടു. പൗരന്മാര്‍ അവരുടെ വീട്ടുപകരണങ്ങള്‍ സ്വിച്ച് ഓഫ് ചെയ്യുകയും പവര്‍ ഗ്രിഡില്‍ നിന്ന് സ്വതന്ത്രമായി പ്രവര്‍ത്തിക്കുന്ന ബാറ്ററിയില്‍ പ്രവര്‍ത്തിക്കുന്ന ഉപകരണങ്ങള്‍ കൂടുതലായി ഉപയോഗിക്കുകയും വേണം. എന്ന് […]

error: Content is protected !!