/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/7xasZgGPnwgW4SWNq7lX.jpg "publive-image")
കൊച്ചി: മുന്‍ സെര്‍ബിയന്‍ ഫുട്‌ബോള്‍ താരവും പരിശീലകനുമായിരുന്ന ഇവാന്‍ വുകോമനോവിച്ച് കേരള ബ്ലാസ്റ്റേഴ്‌സിന്റെ പരിശീലക സ്ഥാനത്തേക്ക്. വുകോമനോവിച്ചുമായി ബ്ലാസ്റ്റേഴ്സ് ചര്‍ച്ച നടത്തിയതായി ഗോള്‍ ഡോട്ട്‌കോം റിപ്പോര്‍ട്ട് ചെയ്തു.
പുറത്തുവരുന്ന വാര്‍ത്തകള്‍ സത്യമാണെങ്കില്‍ 2014ല്‍ ബ്ലാസ്റ്റേഴ്സ് അരങ്ങേറിയ ശേഷം ക്ലബിന്റെ പത്താമത് പരിശീലകനായിരിക്കും വുകോമാനോവിച്ച്. കിബു വികൂന സ്ഥാനമൊഴിഞ്ഞ ഒഴിവിലേക്കാണ് വുകോമാനോവിച്ച് എത്തുന്നത്.
സ്പാനിഷ് പരിശീലകനായിരുന്ന കിബു വികുനയെ കഴിഞ്ഞ സീസണിലെ മോശം പ്രകടനത്തിനു പിന്നാലെ ബ്ലാസ്റ്റേഴ്സ് പുറത്താക്കിയിരുന്നു. സൈപ്രസ് ക്ലബ്ബായ അപ്പോല്ലോണ്‍ ലിമാസ്സോളില്‍ നിന്നാണ് വുകോമനോവിച്ച് ബ്ലാസ്‌റ്റേഴ്‌സിലേക്ക് വരുന്നത്.
43കാരനായ വുകോമാനോവിച്ച് 2013-14ല്‍ ബല്‍ജിയന്‍ ക്ലബ് സ്റ്റാന്‍ഡേര്‍ഡ് ലീഗെയുടെ അസിസ്റ്റന്റ് കോച്ചായിട്ടാണ് അരങ്ങേറുന്നത്. പിന്നീട് സ്ലോവേനിയന്‍ ക്ലബ് സ്ലോവന്‍ ബ്രറ്റിസ്ലാവയെ പരിശീലിപ്പിച്ചു. അപ്പോല്ലോണ്‍ ലിമാസ്സോളിനെ പരിശീലിപ്പിക്കവെ ഇപ്പോള്‍ ബ്ലാസ്റ്റേഴ്സ് ടീമിലുള്ള ഫകുണ്ടോ പെരേര അദ്ദേഹത്തിനു കീഴില്‍ കളിച്ചിരുന്നു.