കണ്ണൂരില്‍ വീണ്ടും തെരുവുനായകളുടെ ആക്രമണം; കടിയേറ്റ ഒമ്പതുവയസുകാരി ആശുപത്രിയില്‍; കൈക്കും കാലിനും ആഴത്തിൽ മുറിവ്

കണ്ണൂര്‍: കണ്ണൂർ മുഴപ്പിലങ്ങാട് വീണ്ടും തെരുവുനായ ആക്രമണം. മൂന്നാംക്ലാസുകാരി ജാൻവിയെ (9) ആണു നായ്ക്കൾ കടിച്ചു പരുക്കേൽപിച്ചത്. മൂന്നു തെരുവുനായകള്‍ ചേർന്ന് കുട്ടിയെ വളഞ്ഞിട്ട് ആക്രമിക്കുകയായിരുന്നു.

കുട്ടിയുടെ കരച്ചിൽ കേട്ട് ആളുകൾ എത്തിയതോടെയാണ് തെരുവുനായ്ക്കൾ പോയത്. കുട്ടിയുടെ തലയ്ക്കും കൈക്കും കാലിനും ആഴത്തിൽ മുറിവുണ്ട്. പരുക്കേറ്റ കുട്ടി സ്വകാര്യ ആശുപത്രിയിൽ ചികിത്സയിലാണ്.

പതിനൊന്നുകാരനായ നിഹാല്‍ തെരുവു നായകളുടെ ആക്രമണത്തില്‍ കൊല്ലപ്പെട്ട പഞ്ചായത്തില്‍ തന്നെയാണ് വീണ്ടും ആക്രമണം നടന്നത്.