സംസ്ഥാനത്ത് കഴിഞ്ഞ പത്ത് വര്‍ഷം കൊണ്ട് മലയാളി കുടിച്ചത് 1.15 ലക്ഷം കോടി രൂപയുടെ മദ്യം, മദ്യവർജനത്തിനുള്ള വിമുക്തി പദ്ധതിക്കായി സര്‍ക്കാര്‍ അഞ്ച് വർഷത്തിനിടെ ചെലവഴിച്ചത് 43 കോടി രൂപ മാത്രം; ലഹരി വിമുക്തരായവര്‍ എത്രയെന്നറിയില്ലെന്ന് എക്സൈസ് വകുപ്പ് !

തിരുവനന്തപുരം: സംസ്ഥാനത്ത് കഴിഞ്ഞ പത്ത് വര്‍ഷം കൊണ്ട് മലയാളി കുടിച്ചത് 1.15 ലക്ഷം കോടി രൂപയുടെ മദ്യമാണെന്ന് റിപ്പോര്‍ട്ട്‌. 2010-11 മുതല്‍ 2020-21 വരെയുള്ള കണക്കാണ് ഇത്‌. കുടിക്കാന്‍ ചെലവഴിച്ച തുക പത്ത് വർഷത്തിനിടെ ഇരട്ടിയായി.

അതേസമയം, മദ്യവർജനത്തിനുള്ള വിമുക്തി പദ്ധതിക്കായി സര്‍ക്കാര്‍ അഞ്ച് വർഷത്തിനിടെ ചെലവഴിച്ചത് 43 കോടി രൂപ മാത്രമാണ്. ലഹരി വിമുക്തരായവര്‍ എത്രയെന്നറിയില്ലെന്ന് എക്സൈസ് വകുപ്പ് പറയുന്നു. അഞ്ച് വർഷത്തിനിടെ ആകെ കിടത്തി ചികില്‍സിച്ചത് 4750 പേരെ മാത്രമാണ്.