കലിതുള്ളി പെരുമഴ! ദുരിതപെയ്ത്തിൽ തീരദേശ മേഖലയിൽ വ്യാപക നാശനഷ്ടം

തിരുവനന്തപുരം: സംസ്ഥാനത്ത് ദുരിതം വിതച്ച് കനത്ത മഴ തുടരുന്ന സാഹചര്യത്തിൽ തീരദേശ മേഖലകളിൽ ദുരിതം. കഴിഞ്ഞ മൂന്നുദിവസമായി തീരപ്രദേശത്തെ കടൽക്ഷോഭത്തിൽ വ്യാപക നാശനഷ്ടമാണ് ഉണ്ടായത്. തീരദേശ ജില്ലകളിലെല്ലാം കടൽ പ്രക്ഷുബ്ധമായി തുടരുകയാണ്.

പലയിടത്തും കടൽഭിത്തിയും റോഡും തകർന്നു. കൂറ്റൻ തിരമാലകളാണ് കടൽ ഭിത്തിയും കടന്ന് കരയിലേക്ക് വരുന്നത്. നൂറിലധികം വീടുകളിൽ വെള്ളവും കയറി. തീരദേശ ജില്ലകളിൽ ദുരിതാശ്വാസ ക്യാമ്പുകൾ തുറന്നിട്ടുണ്ട്.

കടൽഭിത്തി നിർമാണത്തിൽ സർക്കാർ കാട്ടിയ അനാസ്ഥയിൽ പ്രതിഷേധവുമായി രംഗത്തുവന്നിരിക്കുകയാണ് തീരവാസികൾ. കോഴിക്കോട് വടകരയിലും എറണാകുളം കണ്ണമാലിയിലും തീരവാസികൾ പ്രതിഷേധിക്കുകയാണ്.