Advertisment

ആഗ്രയിൽ നിന്നും പാലക്കാട് ബിവറേജസ് കോർപ്പറേഷന്റെ ഗോഡൗണിലേക്ക് സഹായത്തിന് ഒരു ക്ളീനർ പോലുമില്ലാതെ നാവിസ്റ്റർ ട്രക്കില്‍ ഫുള്‍ ലോഡുമായി എത്തുന്ന 45 കാരി യോഗിത !

New Update

കേരളത്തിലെ പാലക്കാട് ജില്ലയിലെ ബിവറേജസ് കോർപ്പറേഷന്റെ ഗോഡൗണിലേക്ക് ലോഡുമായി എത്തുന്ന ലോറിയും അതിലെ ഡ്രൈവറും ആ നാട്ടുകാർക്ക് പ്രിയപ്പെട്ടതാണ്.

Advertisment

അതിന് കാരണം മറ്റൊന്നുമല്ല. ആഗ്രയിൽ നിന്നും 2346 കിലോ മീറ്റർ പിന്നിട്ട് സഹായത്തിന് ഒരു ക്ളീനർ പോലും കൂടെ ഇല്ലാതെ മഹീന്ദ്രയുടെ 14 ടയർ വീൽ ഉള്ള ആ വലിയ കൂറ്റൻ ഫുൾ ലോഡ് നാവിസ്റ്റർ ട്രക്ക് ഓടിക്കുന്നത് ഒരു സ്ത്രീയാണ്. ഉത്തർപ്രദേശ് സ്വദേശിനിയും കോമേഴ്‌സ്/നിയമ ബിരുദധാരിയും രണ്ട് കുട്ടികളുടെ മാതാവുമായ 45 വയസ്സുള്ള യോഗിത രഘുവംശി.

publive-image

2000 ത്തിൽ ആണ് അദ്യമായി ഇവർ ഇങ്ങനെ ഒരു ഉദ്യമത്തിൽ എത്തിയത് തന്റെ പ്രിയപ്പെട്ട ഭർത്താവിന്റെ അപ്രതീക്ഷിതമായ് ഉണ്ടായ മരണത്തോടെ തനിക്കും മക്കൾക്കും അവകാശപ്പെട്ട സ്വത്തുക്കൾ എല്ലാം ഭർത്താവിന്റെ വീട്ടുകാർ തട്ടി എടുത്തു.

ജീവിതം ഇനിയും ബാക്കിയുണ്ട്. 2 മക്കളെ പോറ്റാൻ ആ വനിത തിരഞ്ഞെടുത്തത് ട്രക്ക് ഡ്രൈവർ ആയിരുന്ന തന്റെ ഭർത്താവിന്റെ ജോലി തന്നെയായിരുന്നു. പലരും അവരെ അതിൽ നിന്നും പിന്തിരിപ്പിക്കാൻ നോക്കി. എന്നാൽ യാത്രയിൽ ഉടനീളം ഏത് നിമിഷവും അപകടം പതിയിരിക്കുന്ന ആണുങ്ങൾ മാത്രം പയറ്റി തെളിഞ്ഞ ആ സാഹസിക ജോലി അവർ സ്വന്തം ജിവിതമാർഗ്ഗം ആയി തിരഞ്ഞെടുത്തു.

ജീവിതത്തിൽ ഏത് പ്രതിസന്ധിഘട്ടത്തെയും മറികടക്കാനുള്ള ആത്മവിശ്വാസവും ധൈര്യവും, ഉണ്ടെങ്കിൽ ഇനിയും സ്ത്രീകളുടെ ഇടയിൽ ഒരായിരം യോഗിതമാർ ഉണ്ടാവും. സ്ത്രീ സമൂഹത്തിന് തന്നെ മാതൃക ആണ് ഈ ധീര വനിത.

 

Advertisment