29
Thursday September 2022
കേരളം

കിറ്റെക്സിനെതിരേ ഉന്നയിക്കുന്ന ആരോപണങ്ങള്‍ കളവാണെന്ന് തെളിഞ്ഞിട്ടും ഒട്ടുമിക്ക നേതാക്കളും അവരുടെ അനുയായികളും അതംഗീകരിക്കാൻ ഇനിയും തയ്യാറല്ല; അവർ അരിശം കൊള്ളുകയാണ്. സാബു മുതലാളി കള്ളനാണ്, തൊഴിലാളി വഞ്ചകനാണ്‌ എന്നൊക്കെയാണ് ഇപ്പോഴും ആരോപണങ്ങൾ ! കിറ്റെക്സ് ഇങ്ങനെ പടർന്നുപന്തലിച്ചു വലിയൊരു വടവൃക്ഷം പോലെയായത് കേരളത്തിന്റെ മണ്ണിൽ നിന്നുകൊണ്ടാണെന്ന്‌ വാദിക്കുന്നവർ, അവരുടെ പ്രോഡക്റ്റുകൾ ഭൂരിഭാഗവും വിദേശത്താണ് വിൽക്കുന്നതെന്ന യാഥാർഥ്യവും, അവർ നേടിത്തരുന്ന വിദേശനാണ്യവും മറക്കുകയാണ് 

പ്രകാശ് നായര്‍ മേലില
Friday, July 9, 2021

കിറ്റെക്സ് ഗ്രൂപ്പ് നാളെ തെലുങ്കാനയ്ക്ക് യാത്രയാകുകയാണ്.തെലുങ്കാന സർക്കാരയച്ച പ്രത്യേക ജെറ്റ് വിമാനം നെടുമ്പാശ്ശേരിയിൽ കാത്തുകിടക്കുന്നു.

കിറ്റെക്സിനെതിരേ ഉന്നയിക്കുന്ന മാലിന്യം, മിനിമം വേജസ്, തൊഴിലാളികളുടെ സൗകര്യമില്ലായ്മ, കടമ്പ്രയാർ രാസമാലിന്യം ഒക്കെ കളവാണെന്ന് തെളിഞ്ഞിട്ടും ഒട്ടുമിക്ക നേതാക്കളും അവരുടെ അനുയായികളും അതംഗീകരിക്കാൻ ഇനിയും തയ്യറല്ല. അവർ അരിശം കൊള്ളുകയാണ്. സാബു മുതലാളി കള്ളനാണ്, തൊഴിലാളി വഞ്ചകനാണ്‌, ബൂർഷ്വായും ചൂഷകവർഗ്ഗ മുൻനിരക്കാരനുമാണ് എന്നൊക്കെയാണ് ഇപ്പോഴും ആരോപണങ്ങൾ.

ലുലുഗ്രൂപ്പ് കേരളത്തിൽ നേരിട്ട ബുദ്ധിമുട്ടുകളും ഇപ്പോഴും തുടരുന്ന തടസ്സ വിവാദങ്ങളും ശ്രീ.എം.എം യൂസഫലി പലതവണ വെളിപ്പെടുത്തിയിട്ടുണ്ട്. എല്ലാ രാഷ്ട്രീയ പാർട്ടികളിലും സ്വാധീനമുണ്ടായിട്ടും ധാരാളം ചാരിറ്റി പ്രവർത്തനങ്ങൾ നടത്തിയിട്ടും മറ്റൊരു നാട്ടിലും ഉണ്ടാകാത്ത പ്രശ്നങ്ങളാണ് കേരളത്തിൽ അദ്ദേഹം അഭിമുഖീകരിച്ചത്. മറ്റാരെങ്കിലുമായിരുന്നെങ്കിൽ ഇട്ടിട്ടു പോകുമായിരുന്നു. പക്ഷേ നാടിനോടുള്ള സ്നേഹം അദ്ദേഹത്തെ അതിൽനിന്നും പിന്തിരിപ്പിക്കുന്നു എന്നാണദ്ദേഹം പരസ്യമായി പറഞ്ഞത്.

മറ്റു സംസ്ഥാനങ്ങൾപോലെ വ്യവസായങ്ങൾക്ക് വലിയ സൗജന്യങ്ങളൊന്നും ലഭിക്കാത്ത കേരളത്തിൽ കിറ്റെക്സ് നാട്ടിൽത്തന്നെ നിലകൊള്ളുന്നത് അവർക്കും കുടുംബപരമായി കേരളത്തോടുള്ള ആഭിമുഖ്യം കൊണ്ടുകൂടിയാകാം.

കിറ്റെക്സ് ഇങ്ങനെ പടർന്നുപന്തലിച്ചു വലിയൊരു വടവൃക്ഷം പോലെയായത് കേരളത്തിന്റെ മണ്ണിൽ നിന്നുകൊണ്ടാണെന്ന വാദിക്കുന്നവർ, അവരുടെ പ്രോഡക്റ്റുകൾ ഭൂരിഭാഗവും വിദേശത്താണ് വിൽക്കുന്നതെന്ന യാഥാർഥ്യവും അവർ നേടിത്തരുന്ന വിദേശനാണ്യവും മറക്കുകയാണ്.

രാഷ്ട്രീയരംഗത്തേക്കുള്ള അവരുടെ പ്രവേശനവും അവർ നടപ്പാക്കിയ വികസന പദ്ധതികളും റോഡ് ഭവന നിർമ്മാണപ്രവർത്തനങ്ങളുമൊക്കെ കിഴക്കമ്പലത്തും സമീപ പഞ്ചായത്തുകളിലും വലിയ ആവേശമായി മാറി. അതാണ് അവർ രാഷ്ട്രീയക്കാരുടെ കണ്ണിലെ കരടാകാനുള്ള മുഖ്യകാരണം.

കുന്നത്തുനാട്ടിൽ 20 / 20 യുടെ സ്ഥാനാർഥി വിജയിച്ചിരുന്നെങ്കിൽ അവിടുത്തെയെന്നല്ല കേരളത്തിലെ ത്തന്നെ രാഷ്ട്രീയചിത്രം ഒന്ന് വേറെ തന്നെയാകുമായിരുന്നു. നേതാക്കൾ എന്തുതന്നെ പറഞ്ഞാലും വിദേശ പണം കേരളത്തിൽ വന്നില്ലെങ്കിൽ കേരളം അരാജകത്വത്തിലേക്ക് കൂപ്പുകുത്തുമെന്ന കാര്യത്തിൽ തർക്കമേയില്ല. അതിനായി പ്രവാസി ഒഴുക്കുന്ന വിയർപ്പിന് വിലയൊട്ടുമില്ലതാനും.

കഴക്കൂട്ടത്ത് ഒരു വ്യാപാര കോംപ്ലെക്സ് പണിയുന്ന പ്രവാസിയുടെ ആത്മഹത്യാഭീഷണി ഇന്ന് നമ്മൾ സമൂഹമാധ്യമങ്ങളിലൂടെ കണ്ടു. നാളെ അതിനു ന്യായീകരണവുമായി എത്തുന്ന രാഷ്ട്രീയക്കാർ അദ്ദേഹത്തെത്തന്നെ കുറ്റവാളിയും തൊഴിലാളി വിരുദ്ധനുമാക്കുന്നതും നമുക്ക് കാണാം.

പുനലൂർ ഇളമ്പലിൽ രാഷ്ട്രീയക്കാർ സ്ഥലത്ത് കൊടികുത്തിയതുമൂലം വർക്ക് ഷോപ്പ് തുടങ്ങാനാകാതെ ആത്മഹത്യ ചെയ്ത പ്രവാസി സുഗതന്റെ ദുർഗതി ആരും മറന്നുകാണില്ല. ഓഡിറ്റോറിയത്തിന് അനുമതിയും കെട്ടിടനമ്പരും നൽകാതെ മാസങ്ങളോളം വട്ടംകറക്കിയതിൽ മനംനൊന്ത് കണ്ണൂർ പ്രവാസി സജൻ ആത്മഹത്യ ചെയ്ത വിവാദവും കോലാഹലങ്ങളും അത് രാഷ്ട്രീയക്കാർ നേരിട്ടതും നമ്മൾ കണ്ടു. അവർ പിടിക്കുന്നിടം മാത്രമേ ജയിക്കുകയുള്ളു. ഇതാണ് നാടിൻറെ അവസ്ഥ.

കേന്ദ്രസർക്കാർ കേരളത്തിന് പ്രഖ്യാപിച്ച പാലക്കാട്ടെ കോച്ച് ഫാക്ടറി എന്തുകൊണ്ട് റായ്ബറേലിയിൽ സ്ഥാപിതമായി? നമുക്കനുവദിച്ച വാഗൺ ഫാക്ടറിയും, തിരുവനന്തപുരത്തെ റെയിൽവേ മെഡിക്കൽ കോളേജും എവിടെപ്പോയി ? റെയിൽവേ സോണും എയിംസും ഇനിയും നമുക്കുമാത്രം സ്വപ്നമാണ്.

വളരെ സങ്കീർണ്ണമായ കേരളത്തിലെ ഇന്നത്തെ സാമൂഹ്യരാഷ്ട്രീയ ചുറ്റുപാടുകളെപ്പറ്റി വിശദമായ വിശകലനങ്ങളും ചർച്ചകളും നടത്താൻ നമ്മുടെ സാംസ്കാരികനായകരും ബുദ്ധിജീവികളും മുന്നോട്ടു വരേണ്ടിയിരിക്കുന്നു.

More News

കോഴിക്കോട് : കേന്ദ്രസർക്കാർ നിരോധിച്ചെങ്കിലും പുതിയ രൂപത്തിലും ഭാവത്തിലും അവതരിക്കാൻ പോപ്പുലർ ഫ്രണ്ട് ഒരുക്കം തുടങ്ങി. മനുഷ്യാവകാശ, സന്നദ്ധ പ്രവർത്തന സംഘടനയുടെ രൂപത്തിലാവും പോപ്പുലർ ഫ്രണ്ടിന്റെ അടുത്ത വരവ്. സംസ്ഥാനത്തെ പ്രമുഖ മനുഷ്യാവകാശ പ്രവർത്തകരെ മുന്നിൽ നിർത്തിക്കൊണ്ടായിരിക്കും പുതിയ മുഖംമൂടിയണിഞ്ഞ് പോപ്പുലർ ഫ്രണ്ട് എത്തുക. പോപ്പുലർ ഫ്രണ്ടിന്റെ ദേശീയ, സംസ്ഥാന നേതാക്കളും രണ്ടാം നിര നേതാക്കളുമെല്ലാം ജയിലിലാണ്. ഓഫീസുകൾ മുദ്ര വയ്ക്കുകയും ചെയ്യുന്നു. ഇതിനിടയിലും മുൻകൂട്ടി ആസൂത്രണം ചെയ്ത പുതിയ സംഘടനയുടെ രൂപീകരണ നടപടികൾ പുരോഗമിക്കുകയാണ്. ഇപ്പോഴുള്ള […]

ഇടയ്ക്ക് മോഡലിംഗും ചെയ്യാറുള്ള അഹാന വെറൈറ്റി ആയിട്ടുള്ള ഫോട്ടോഷൂട്ടുകളും നടത്താറുണ്ട്. ഇപ്പോഴിതാ പാടത്ത് പാറിനടക്കുന്ന ഒരു പറവയെ പോലെ തോന്നിപ്പിക്കുന്ന രീതിയിലുള്ള ഒരു മനോഹരമായ ഷൂട്ട് നടത്തിയിരിക്കുകയാണ് അഹാന. ജിക്സൺ ഫ്രാൻസിസ് എന്ന ഫോട്ടോഗ്രാഫറാണ് ചിത്രങ്ങൾ എടുത്തത്. ലൈഫ് ഓഫ് കളേഴ്സിന്റെ തൂവെള്ള നിറത്തിലെ ഔട്ട്ഫിറ്റാണ് അഹാന ധരിച്ചത്. സാംസൺ ലെയാണ് മേക്കപ്പ്. ടോവിനോ തോമസിന്റെ നായികയായി ലുക്കാ എന്ന ചിത്രത്തിൽ അഭിനയിച്ച അഹാന മലയാളത്തിൽ ഒരുപാട് ആരാധകരുള്ള ഒരു യുവനടിയായി മാറുകയും ചെയ്തു. നിഹാരിക ബാനർജി […]

കുവൈറ്റ്: കുവൈറ്റ് പ്രവാസമവസാനിപ്പിച്ചു നാട്ടിലേക്ക് പോകുന്ന ഫോക്കസ് കുവൈറ്റ് അഡ്ഹോക്ക് കമ്മറ്റി അംഗവും യൂണിറ്റ് മൂന്നിലെ സജീവ അംഗവുമായ കെ. ഇ.ഒ. കൺസൾട്ടന്റിലെ സീനിയർ ഡ്രാഫ്റ്റ്സ്മാനുമായ മാഹി സ്വദേശി സതീഷ് കുമാറിന് ഫോക്കസ് കുവൈറ്റ് യാത്രയയപ്പ് നൽകി. യൂണിറ്റ് കൺവീനർ എബ്രഹമിന്റെ അദ്ധ്യക്ഷതയിൽ കൂടിയ യോഗത്തിൽ പ്രസിഡന്റ് സലിം രാജ്, ജനറൽ സെക്രട്ടറി ഡാനിയേൽ തോമസ്, മുതിർന്ന അംഗം രതീഷ് കുമാർ , രവീന്ദ്രൻ എന്നിവർ ആശംസകളർപ്പിച്ചു. എക്സ്ക്യൂട്ടീവ് അംഗം സാബു തോമസ് സ്വാഗതവും, ജോ: കൺവീനർ […]

ഒന്നിച്ചു നിന്നാല്‍ കേരളം ആര് ഭരിക്കണമെന്ന് ഈഴവ സമുദായത്തിന് തീരുമാനിക്കാനാകുമെന്ന് എസ്എന്‍ഡിപി യോഗം ജനറല്‍ സെക്രട്ടറി വെളളാപ്പളളി നടേശന്‍. ഏത് സര്‍ക്കാര്‍ വന്നാലും ഈഴവരോട് അവഗണനയാണെന്നും വോട്ട് ബാങ്കായവര്‍ക്ക് പണം വാരിക്കോരികൊടുക്കാന്‍ രാഷ്ട്രീയട്രീയ നേതൃത്വം തയ്യാറാകുന്നെന്നും വെളളാപ്പളളി കുറ്റപ്പെടുത്തി. മതം പറയുന്നവര്‍ മതേതരത്വത്തില്‍ ഊന്നിനില്‍ക്കുന്ന എസ്എന്‍ഡിപിയെക്കാള്‍ മുകളില്‍ എത്തുന്നു. ഭരണം നിലനിര്‍ത്തുന്നതിനായി ആദര്‍ശം മാറ്റിവെച്ച് ഇടതുപക്ഷം സംഘടിത മതശക്തികളെ പിന്തുണയ്ക്കുകയാണ്. തിരഞ്ഞെടുപ്പ് വരുമ്പോള്‍ ജനറല്‍ സീറ്റില്‍ മുസ്ലീം അല്ലാത്ത ഒരാളെ മത്സരിപ്പിക്കാന്‍ ലീഗ് തയ്യാറാകുന്നില്ല. എന്നാല്‍ ലീഗ് […]

തിരുവനന്തപുരം: പോപ്പുലർ ഫ്രണ്ട് ഓഫ് ഇന്ത്യയെ നിരോധിച്ച കേന്ദ്ര ഉത്തരവിന്‍റെ അടിസ്ഥാനത്തിൽ തുടർ നടപടിക്കുള്ള സംസ്ഥാന സർക്കാർ ഉത്തരവിറക്കി. യുഎപിഎ നിയമനുസരിച്ച് തുടർ നടപടി സ്വീകരിക്കാൻ എസ്പിമാർക്കും ജില്ലാ കളക്ടർമാർക്കും അധികാരം നൽകി കൊണ്ടാണ് ഉത്തരവ്. ആഭ്യന്തര സെക്രട്ടറിയാണ് ഉത്തരവിറക്കിയത്. ഡിജിപി വിശദമായ സർക്കുലർ പുറത്തിറക്കും. പിഎഫ്ഐ ഓഫീസുകള്‍ സീല്‍ ചെയ്യുന്നതുള്‍പ്പടെയുള്ള നടപടികള്‍ ഇന്ന് തുടങ്ങും. അതേസമയം, പോപ്പുലർ ഫ്രണ്ടിന്റെ നിരോധന സാഹചര്യത്തിൽ സംസ്ഥാനങ്ങളിൽ ഏർപ്പെടുത്തിയ സുരക്ഷ തുടരും. പോപ്പുലർ ഫ്രണ്ടിന്റെ ഓഫീസുകൾ അടക്കമുള്ള മേഖലകളിൽ നിരീക്ഷണം തുടരും. […]

മാൻവി സാരി പോലെയുള്ള നാടൻവി വേഷങ്ങളിലാണ് മലയാളികൾ കൂടുതലായി കാണാറുള്ളത്. ഇപ്പോഴിതാ വനിതാ ഫാഷൻസിന്റെ ഡിസൈനിലുള്ള മനോഹരമായ സാരിയിൽ ഒരു കലക്കൻ ഫോട്ടോഷൂട്ട് ചെയ്തിരിക്കുകയാണ് മാൻവി. അമൽ രാജ്, ദൃശ്യ എന്നിവർ ചേർന്നാണ് ചിത്രങ്ങൾ എടുത്തിരിക്കുന്നത്. സാരിയിൽ ഇത്രയും ലുക്കുള്ള സീരിയൽ നടി വേറെയില്ല എന്നാണ് ആരാധകർ പറയുന്നത്. ഷെർലോക്ക് ടോംസ് എന്ന സിനിമയിലും മാൻവി അഭിനയിച്ചിട്ടുണ്ട്. തേനും വയമ്പും, സുമംഗലി ഭവ തുടങ്ങിയ സൂപ്പർഹിറ്റ് പരമ്പരകളിൽ മാൻവി ഭാഗമായിരുന്നു. ഇപ്പോൾ ഏഷ്യാനെറ്റിൽ സംപ്രേക്ഷണം ചെയ്യുന്ന കൂടെവിടെ, […]

തിരുവനന്തപുരം: എകെജി സെന്റര്‍ ആക്രമണക്കേസിലെ പ്രതി ജിതിന്റെ ജാമ്യാപേക്ഷ കോടതി തള്ളി. തിരുവനന്തപുരം ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയാണ് (മൂന്ന്) അപേക്ഷ തള്ളിയത്. പ്രതിക്കു ജാമ്യം അനുവദിച്ചാൽ തെളിവുകൾ നശിപ്പിക്കാൻ സാധ്യതയുണ്ടെന്ന് പ്രോസിക്യൂഷൻ വാദിച്ചു. കൂട്ടു പ്രതികളെക്കുറിച്ചുള്ള അന്വേഷണം നടക്കുകയാണ്. സ്ഫോടക വസ്തു എറിയാൻ പ്രതി എത്തിയ സ്കൂട്ടർ കണ്ടെത്തേണ്ടതുണ്ട്. പൊട്ടാസ്യം ക്ലോറൈഡ് ചേർത്താണ് സ്ഫോടക വസ്തു നിർമിച്ചത്. ഇത്തരം ചെറിയ സ്ഫോടനത്തിൽനിന്നാണ് നൂറുകണക്കിനു പേരുടെ ജീവൻ നഷ്ടമായ പുറ്റിങ്ങൽ ദുരന്തം ഉണ്ടായത്. പ്രതി ചെയ്ത […]

ആലച്ചേരി: കണ്ണൂർ ആലച്ചേരിയിൽ നീന്തൽ പരിശീലനത്തിനിടയിൽ യുവാവ് മുങ്ങി മരിച്ചു. ആലച്ചേരി എടക്കോട്ട വരിക്കോളിൽ സദാനന്ദന്റെയും ബിന്ദുവിന്റെയും മകൻ സിബിൻ (23) ആണ് മരിച്ചത്. ഇന്ന് രാവിലെ പുത്തലത്തെ കോളയാട് പഞ്ചായത്ത് കുളത്തിൽ നീന്തൽ പരിശീലനത്തിന് ഇടയിലാണ് അപകടം. നീന്തൽ തീരെ വശമില്ലാത്ത സിബിൻ കൂട്ടുകാർ ട്യൂബ് എടുക്കാൻ പോയ സമയത്താണ് അപകടത്തിൽ പെട്ടതെന്ന് കൂടെയുള്ളവർ പറയുന്നു. ഇവരുടെ നിലവിളി കേട്ട് എത്തിയ നാട്ടുകാരാണ് മൃതദേഹം പുറത്തെടുത്തത്.

കുറവിലങ്ങാട്: പശ്ചിമ ബംഗാളിൽ നിന്നും ട്രയിൻ മാർഗ്ഗം കഞ്ചാവ് എത്തിച്ച് പൊതികളാക്കി കുറവിലങ്ങാട് ടൗണിലും പരിസര പ്രദേശങ്ങളിലും വില്പന നടത്തിയ ബoഗാൾ സ്വദേശി ടിപ്പു എസ്.കെ യെ കുറവിലങ്ങാട് എക്സൈസ് ഇൻസ്പെക്ടർ ഒ.പി വർമ്മ ദേവന്റെ നേതൃത്വത്തിലുള്ള സംഘം അറസ്റ്റ് ചെയ്തു. ഇയാൾ കുറവിലങ്ങാടിന് സമീപം വാടകയ്ക്ക്‌ താമസിച്ച് തൊഴിലാളികൾക്കും കോളേജ് വിദ്യാർത്ഥികൾക്കും പൊതി ഒന്നിന് 500/- രൂപ നിരക്കിൽ കഞ്ചാവ് വില്പന നടത്തി വരുകയായിരുന്നു. ഇയാളിൽ നിന്നും നാല് കഞ്ചാവ് പൊതികളും കഞ്ചാവ് വലിക്കുവാനുള്ള ചിലിം […]

error: Content is protected !!