സിസിടിവി ദൃശ്യങ്ങൾ പ്രചരിച്ചത് പൊലീസുകാരുടെ വാർത്താ ഗ്രൂപ്പിൽ; കൊല്ലത്ത് സൈനികനെയും സഹോദരനെയും കള്ളക്കേസിൽ കുടുക്കിയ കേസുമായി ബന്ധപ്പെട്ട് പുതിയ വിവരങ്ങൾ പുറത്ത്

കൊല്ലം: കൊല്ലത്ത് സൈനികനെയും സഹോദരനെയും കള്ളക്കേസിൽ കുടുക്കിയ കേസുമായി ബന്ധപ്പെട്ട് പുതിയ വിവരങ്ങൾ പുറത്ത്. പൊലീസ് വാർത്തകൾ നൽകാൻ പൊലീസുകാർ തന്നെ സൃഷ്ടിച്ച ഗ്രൂപ്പിലാണ് ദൃശ്യങ്ങൾ തെറ്റിദ്ധാരണ പടർത്തുന്ന നിലയിൽ പ്രചരിപ്പിച്ചത്.

സൈനികൻ പൊലീസുകാരെ മർദ്ദിക്കുന്നു എന്ന പേരിലാണ് പൊലീസ് സ്റ്റേഷനിലെ മർദ്ദന ദൃശ്യങ്ങൾ പ്രചരിപ്പിച്ചത്. ഈ ദൃശ്യങ്ങൾ പക്ഷേ പൊലീസിന് തന്നെ തിരിച്ചടിയായി. വിഘ്നേഷ് പരാതി നൽകിയ എല്ലാ ഉദ്യോഗസ്ഥർക്കെതിരെയും നടപടിയെടുത്തിട്ടില്ല. സൈനികനെ അറസ്റ്റ് ചെയ്ത സംഭവം ആർമി ഉദ്യോഗസ്ഥരെ അറിയിക്കുന്നതിലും പൊലീസിന് വീഴ്ച സംഭവിച്ചു എന്നാണ് റിപ്പോർട്ടുകൾ.