ചാത്തന്നൂരിൽ ശീമാട്ടിയിൽ കാറും ബൈക്കും കൂട്ടിയിടിച്ച് ബൈക്ക് യാത്രികൻ മരിച്ചു

ചാത്തന്നൂർ: ചാത്തന്നൂരിൽ ശീമാട്ടിയിൽ കാറും ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. ആറ്റിങ്ങൽ കൊടുമൺ ക്ഷേത്രത്തിന് സമീപം വിളയിൽ വീട്ടിൽ ജയകുമാർ (42) ആണ് മരിച്ചത്. ശനിയാഴ്ച രാത്രി 9.15-ന് ചാത്തന്നൂർ ശീമാട്ടി ജെ.എസ്‌.എം ആശുപത്രിയ്ക്ക് സമീപമായിരുന്നു അപകടം.

ഭാര്യാസഹോദരൻ വിനീതിന്റെ വിവാഹത്തിൽ പങ്കെടു ക്കുന്നതിനായി കൊട്ടിയം മുഖത്തലയിലേക്ക് ബൈക്കിൽ പോകു കയായിരുന്നു ജയകുമാർ.

പാരിപ്പള്ളി ഭാഗത്തേക്കുപോയ കാറുമായി ബൈക്ക് കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ റോഡിൽ വീണ ജയകുമാറിന്റെ ശരീരത്തിൽ മറ്റൊരു വാഹനം കയറിയതായി ദൃക്സാ ക്ഷികൾ പറഞ്ഞു. ഭാര്യ: വിനിത.