നറുക്കെടുപ്പിന് ഒരു മണിക്കൂർ മുമ്പെടുത്ത ലോട്ടറി ടിക്കറ്റിന് ഒന്നാം സമ്മാനം; കാരുണ്യ കെആർ 520 ലോട്ടറിയുടെ 80 ലക്ഷം രൂപ ലഭിച്ചത് പാലാ കെഎസ്ഇബി ഓഫീസിലെ ഓവർസിയർക്ക്‌ !

കോട്ടയം: നറുക്കെടുപ്പിന് ഒരു മണിക്കൂർ മുമ്പെടുത്ത ലോട്ടറി ടിക്കറ്റിന് 80 ലക്ഷം രൂപ ഒന്നാം സമ്മാനം. പാലാ കെഎസ്ഇബി ഓഫീസിലെ ഓവർസിയർ ടി കെ സിജുവിനെയാണ് ഭാ​ഗ്യം കടാക്ഷിച്ചത്. ശനിയാഴ്ച നറുക്കെടുത്ത കാരുണ്യ കെആർ 520 ലോട്ടറിയുടെ 80 ലക്ഷം രൂപയാണ് സിജുവിന് സ്വന്തമായത്. കഴിഞ്ഞ 18 വർഷമായി കെഎസ്ഇബിയിൽ ജോലി ചെയ്യുകയാണ് സിജു.

ശനിയാഴ്ച ഉച്ചക്ക് രണ്ട് മണിക്കാണ് ഇദ്ദേഹം പാലായിലെ ശ്രീശങ്കര ലോട്ടറി ഏജൻസിയിൽ നിന്ന് ടിക്കെറ്റുത്തത്. വൈകിട്ടോടെ ഫലം നോക്കിയപ്പോൾ ഭാ​ഗ്യം സിജുവിനെ തുണയ്ക്കുക ആയിരുന്നു. കെഎച്ച് 300004 എന്ന നമ്പറിനാണ് ഒന്നാം സമ്മാനം.