ലണ്ടന്: കൊറോണ പടര്ന്ന് പിടിക്കുന്ന പശ്ചാത്തലത്തില് ചാമ്പ്യന്സ് ലീഗും യൂറോപ്പ ലീഗും ഉള്പ്പെടെയുള്ള ടൂര്ണമെന്റുകള് യുവേഫ മാറ്റിവച്ചു. അടുത്തയാഴ്ച നിശ്ചയിച്ചിരിക്കുന്ന മത്സരങ്ങളാണ് നീട്ടിവച്ചത്. ചാമ്പ്യന്സ് ലീഗിന്റെയും യൂറോപ്പ ലീഗിന്റെയും ക്വാര്ട്ടര് മത്സരങ്ങളുടെ നറുക്കെടുപ്പും മാറ്റിവച്ചു.
പ്രീ ക്വാര്ട്ടര് മത്സരങ്ങള് നീട്ടിവച്ചതോടെയാണ് മാര്ച്ച് 20 ന് നടത്താനിരുന്ന നറുക്കെടുപ്പും മാറ്റിയത്. ചാമ്പ്യന്സ് ലീഗില് മാഞ്ചസ്റ്റര് സിറ്റി-റയല് മാഡ്രിഡ്, യുവന്റ്സ്-ലിയോണ്, ബാഴ്സലോണ-നാപ്പോളി, ബയേണ് മ്യൂണിക്ക്-ചെല്സി തുടങ്ങിയ മത്സരങ്ങളും മാറ്റിവച്ചവയില് ഉള്പ്പെടുന്നു.
ഈ മാസം 17, 18 തീയതികളില് നടക്കേണ്ടിയിരുന്ന യുവേഫ യൂത്ത് ലീഗ് ക്വാര്ട്ടര് ഫൈനല് മത്സരങ്ങളും മാറ്റിവച്ചു. മാറ്റിവച്ച മത്സരങ്ങളുടെ ഷെഡ്യൂള് സംബന്ധിച്ച തീരുമാനങ്ങള് പിന്നീട് അറിയിക്കുമെന്ന് യുവേഫ അറിയിച്ചു.