തൊടുപുഴ: കെഎസ്‌യു തൊടുപുഴ നിയോജകമണ്ഡലം കമ്മിറ്റിയുടെ നേതൃത്വത്തിൽ മുഖ്യമന്ത്രി പിണറായി വിജയനെ പ്രതീകാത്മകമായി വിലങ്ങണിയിച്ച് നഗര പ്രദക്ഷിണം നടത്തി. ഡോളർ കടത്തു കേസിൽ മുഖ്യസൂത്രധാരൻ മുഖ്യമന്ത്രി പിണറായി വിജയൻ ആണെന്ന് സ്വപ്‌ന സുരേഷ് കസ്റ്റംസിന് മൊഴി നല്‍കിയതിന്റെ പശ്ചാത്തലത്തിലാണ് പ്രതിഷേധം.
കെഎസ്‌യു നിയോജക മണ്ഡലം പ്രസിഡണ്ട് അസ്ലം ഓലിക്കൽ അധ്യക്ഷതവഹിച്ച പ്രതിഷേധയോഗം കെപിസിസി എക്സിക്യൂട്ടീവ് അംഗം എ പി ഉസ്മാൻ ഉദ്ഘാടനം ചെയ്തു. കെഎസ്‌യു ജില്ലാ സെക്രട്ടറി ജോസുകുട്ടി ജോസഫ്, എന്നിവർ നേതൃത്വം നൽകി.
