മൂന്ന് വർഷത്തിനിടെ മൂന്നാം തെരഞ്ഞെടുപ്പ്; കുവൈറ്റ് പാർലമെന്റ് ഇലക്ഷൻ നാളെ

കുവൈറ്റ് സിറ്റി: മൂന്ന് വർഷത്തിനിടെ മൂന്നാമത്തെ പാർലമെന്റ് തെരഞ്ഞെടുപ്പിനൊരുങ്ങി കുവൈറ്റ്. കു​വൈ​റ്റി​ലെ സാ​മ്പ​ത്തി​ക വി​ക​സ​നം ഏ​റെ​ക്കു​റെ സ്തം​ഭി​പ്പി​ച്ച നി​ല​യ്ക്കാ​ത്ത രാ​ഷ്‌​ട്രീ​യ ത​ർ​ക്ക​ങ്ങ​ൾ​ക്കു​ശേ​ഷം നാ​ളെ ന​ട​ക്കു​ന്ന തെ​ര​ഞ്ഞെ​ടു​പ്പ് കു​വൈ​റ്റി​ന്‍റെ 60 വ​ർ​ഷ​ത്തെ പാ​ർ​ല​മെ​ന്‍റ​റി ജ​നാ​ധി​പ​ത്യ​ത്തി​ലെ ഏ​റ്റ​വും നി​ർ​ണാ​യ​ക​മാ​കും.

തെരഞ്ഞെടുപ്പ് സുഗമമായി നടത്തുന്നതിനുള്ള എല്ലാ ഒരുക്കങ്ങളും പൂർത്തിയായതായി അധികൃതർ അറിയിച്ചു. 7.96 ലക്ഷം വോട്ടർമാരാണ് കുവൈറ്റിലുള്ളത്. 15 വനിതകൾ ഉൾപ്പെടെ 207 സ്ഥാനാർഥികളാണ് ഇത്തവണ മത്സരിക്കുന്നത്. അഞ്ച് മണ്ഡലങ്ങളിൽ നിന്നായി 10 പേർ വീതം ആകെ 50 പേരെയാണ് പാർലമെന്റിലേക്ക് തെരഞ്ഞെടുക്കുക. കൂടാതെ പിരിച്ചുവിടപ്പെട്ട സഭയിലെ നാൽപതിലേറെ അംഗങ്ങളും ഏതാനും മുൻ എംപിമാരും തെരഞ്ഞെടുപ്പിൽ മത്സരിക്കുന്നുണ്ട്.

125 പോ​ളിം​ഗ് ബൂ​ത്തു​ക​ളി​ലും ന​ഴ്സു​മാ​രും പാ​രാ​മെ​ഡി​ക്ക​ൽ ജീ​വ​ന​ക്കാ​രും അ​ട​ക്കം മെ​ഡി​ക്ക​ൽ ക്ലി​നി​ക്കു​ക​ളും ഒ​രു​ക്കി​യി​ട്ടു​ണ്ട്. ​നാ​ധി​പ​ത്യ പ്ര​ക്രി​യ​ക​ളു​ടെ പു​രോ​ഗ​തി വി​ല​യി​രു​ത്താ​നും റി​പ്പോ​ർ​ട്ട് ചെ​യ്യാ​നു​മാ​യി 30 രാ​ജ്യ​ങ്ങ​ളി​ൽനി​ന്നു​ള്ള പ്ര​ത്യേ​ക ക്ഷ​ണി​താ​ക്ക​ൾ കു​വൈ​റ്റി​ലെ​ത്തി​യി​ട്ടു​ണ്ട്. മാ​ധ്യ​മ​പ്ര​വ​ർ​ത്ത​ക​ർ​ക്കാ​യി ഫോ​ർ സീ​സ​ണ്‍സ് ഹോ​ട്ട​ലി​ൽ മീ​ഡി​യ സെ​ന്‍റ​ർ ത​യാ​റാ​ക്കി​യി​ട്ടു​ണ്ട്.

ഏപ്രിൽ നാലിന് നിലവിൽ വന്ന പാർലമെന്റ് പിരിച്ചുവിട്ടിരുന്നു. തെരഞ്ഞെടുപ്പ് നടത്താൻ കുവൈറ്റ് അമീർ ഉത്തരവിട്ടതിനെ തുടർന്നാണ് പ്രധാനമന്ത്രി ഷെയ്ഖ് അഹ്മദ് നവാഫ് അൽ അഹ്മദ് അൽ സബാഹിന്റെ അധ്യക്ഷതയിൽ ചേർന്ന മന്ത്രിസഭയുടെ അസാധാരണ യോഗം പൊതു തെരഞ്ഞെടുപ്പ് പ്രഖ്യാപിച്ചത്. എന്നാൽ പാർലമെന്റും സർക്കാരും തമ്മിലുള്ള ഭിന്നത രൂക്ഷമായതോടെ കഴിഞ്ഞ രണ്ട് അസംബ്ലികളും കാലാവധി പൂർത്തിയാക്കാതെ തന്നെ പിരിച്ച് വിടുകയായിരുന്നു.