കുവൈറ്റില്‍ ഇന്നും കൊറോണയ്ക്ക് ശമനമില്ല ! 24 മണിക്കൂറിനുള്ളില്‍ 3 മരണം അടക്കം 1073 പുതിയ കേസുകൾ ! പുതിയ രോഗികളില്‍ 332 ഇന്ത്യക്കാരും ? ഇന്ത്യന്‍ രോഗികളുടെ എണ്ണം ആകെയുള്ളതിന്‍റെ മൂന്നിലൊന്നിലേയ്ക്ക് ?

കുവൈറ്റ്‌ :  കുവൈത്തില്‍ ഇന്ന് ആരോഗ്യ മന്ത്രാലയം റിപ്പോര്‍ട്ട് ചെയ്തത് മൂന്ന് മരണമടക്കം 1073 പുതിയ കൊറോണ കേസുകള്‍. ഇന്നും രോഗം സ്ഥിരീകരിക്കുന്ന ഇന്ത്യക്കാരുടെ എണ്ണത്തില്‍ കുറവില്ല -  332 എണ്ണം !

ഇന്നത്തെ കണക്കുകളോടെ മൊത്തം രോഗബാധിതര്‍ 16,764 എണ്ണമായി ഉയര്‍ന്നു . രോഗബാധിതരായ ഇന്ത്യക്കാരുടെ എണ്ണം 5406 ആയി. രാജ്യത്തെ മൊത്തം രോഗികളില്‍ ഇന്ത്യന്‍ കൊറോണ രോഗികളുടെ എണ്ണം മൂന്നില്‍ ഒന്നിനോട് അടുക്കുകയാണ്.

അതേസമയം കഴിഞ്ഞ 24 മണിക്കൂറിനിടെയില്‍ 342 പേര്‍ രോഗ മുക്തി നേടിയിട്ടുണ്ട്. ഇതോടെ മൊത്തം സുഖം പ്രാപിച്ചവര്‍ 4681-ആയി . നിലവില്‍ 11,962 പേരാണ് ചികില്‍സയിലുള്ളത് . ഇതില്‍ 179 പേരുടെ നില ഗുരുതരമാണ്. ഇവര്‍ അത്യാഹിത വിഭാഗത്തിലാണ്.

രാജ്യത്തെ ആകെ കൊറോണ മരണം 121 ആയിട്ടുണ്ട്. പുതിയ കേസുകള്‍ എല്ലാം തന്നെ രോഗ ബാധിതരുമായി സമ്പര്‍ക്കം പുലര്‍ത്തിയവരിലാണ്.  ഇന്ത്യക്കാര്‍ക്ക് പുറമേ സ്വദേശികള്‍ 231, ഈജിപ്ഷ്യന്‍സ് 181, ബംഗ്‌ളദേശികള്‍ 102 എന്നീങ്ങനെയാണ് രോഗം സ്ഥിരീകരിച്ച മറ്റു രാജ്യക്കാരുടെ കണക്കുകള്‍ .

കുവൈറ്റില്‍ രോഗം സ്ഥിരീകരിച്ച മേഖലകള്‍ ഇങ്ങനെ :  ഫര്‍വാനിയ 397, അഹ്മദി 258, ഹവല്ലി 181, ജഹ്റ 124, ക്യാപിറ്റല്‍ സിറ്റി 113 .

റസിഡന്‍ഷ്യല്‍ ഏരിയായിലെ കണക്ക് ഇങ്ങനെ- ഫര്‍വാനിയ 131,ജലീബ് 77,ഖൈത്താന്‍ 76, ഹവല്ലി 55 എന്നീങ്ങനെയാണ്.

രാജ്യത്ത് ഇത് വരെ 2,52,696 പേരില്‍ കോവിഡ് പരിശോധന നടത്തിയിട്ടുണ്ട്. കഴിഞ്ഞ 24 മണിക്കൂറിനുള്ളില്‍ മാത്രം 4382 പേരില്‍ പരിശോധന നടത്തിയതായും ആരോഗ്യമന്ത്രാലയ വക്താവ് ഡേ:അബ്ദുള്ള അല്‍ സനദ് വാര്‍ത്താസമ്മേളനത്തില്‍ അറിയിച്ചിട്ടുണ്ട് .