ആണും പെണ്ണും കെട്ട ഒരുത്തന്‍ അതിനകത്തു കിടന്ന് പുളക്കുന്നില്ലേ'; ലക്ഷ്മിയുടെ ഭര്‍ത്താവ് പറഞ്ഞത്

റിയാസിനെ പ്രകോപിപ്പിക്കുന്നതിനിടെ റിയാസിന്റെ ശരീരഭാഷ ജന്മനായുള്ള തകരാറാണെന്ന് ലക്ഷ്മി പ്രിയ പറഞ്ഞത് വീടിന് അകത്തും പുറത്തും ഒരുപോലെ വിമര്‍ശിക്കപ്പെട്ടിരുന്നു. സംഭവത്തില്‍ ലക്ഷ്മി പ്രിയയെ വിമര്‍ശിച്ച്‌ അടുത്ത സുഹൃത്തുക്കളായ ദില്‍ഷയും ബ്ലെസ്ലിയും വരെ രംഗത്തെത്തുകയുണ്ടായി. ലക്ഷ്മി പ്രിയ മാപ്പ് ചോദിക്കണമെന്ന് റിയാസും ആവശ്യപ്പെട്ടിരുന്നു. എന്നാല്‍ ലക്ഷ്മി പ്രിയ അത് തയ്യാറായിട്ടില്ല.

ഇതിനിടെ ഇപ്പോഴിതാ ലക്ഷ്മി പ്രിയയുടെ ഭര്‍ത്താവിനെതിരെ റിയാസിന്റെ പേജില്‍ പങ്കുവച്ച പോസ്റ്റ് ശ്രദ്ധ നേടുകയാണ്. റിയാസ് ബിഗ് ബോസ് ഹൗസിലായതിനാല്‍ താരത്തിന്റെ സുഹൃത്തുക്കളാണ് പേജ് കൈകാര്യം ചെയ്യുന്നത്. ലക്ഷ്മി പ്രിയയുടെ ഭര്‍ത്താവിന്റെ ഒരു കമന്റിന്റെ സ്‌ക്രീന്‍ ഷോട്ടാണ് പേജില്‍ പങ്കുവച്ചിരിക്കുന്നത്.

''എനിക്കല്ലേടാ ആണും പെണ്ണും കെട്ട രീതിയില്‍ ഒരുത്തന്‍ അതിനകത്തു കിടന്ന് പുളക്കുന്നില്ലേ, അവനോട് പോയി ചോദിക്ക്. അതിന് മുന്നേ നീ നല്ലപോലെ ഒന്ന് തപ്പിനോക്ക്. എന്നിട്ട് പോയാ മതി. ഇല്ലെങ്കില്‍ നാണക്കേടാ'' എന്നാണ് കമന്റില്‍ ലക്ഷ്മിയുടെ ഭര്‍ത്താവ് ജയേഷ് കുറിച്ചിരിക്കുന്നത്. .

ലക്ഷ്മിപ്രിയ എന്ന മത്സരാര്‍ത്ഥിയുടെ.. പ്രിയപ്പെട്ട ഭര്‍ത്താവ്.. മനസിന്റെ ശുദ്ധി പുറത്ത് പ്രകടിപ്പിക്കുമ്ബോള്‍. അകത്തുള്ള മറ്റു മനുഷ്യരെ അവഹേളിക്കുന്ന.. മോശം പറയുന്ന..മറ്റൊരു മത്സരാര്‍ഥിയുടെ കുടുംബക്കാരെ ആര്‍ക്കേലും കാണിച്ചു തരാന്‍ സാധിക്കുമോ? ഇദ്ദേഹം മുന്നോട്ടു വെക്കുന്ന ആശയം എന്താണ്? എന്നാണ് കുറിപ്പ് പങ്കുവച്ചു കൊണ്ട് റിയാസിന്റെ സുഹൃത്ത് ചോദിക്കുന്നത്. പോസ്റ്റിന് കമന്റുമായി നിരവധി പേരാണ് എത്തിയിരിക്കുന്നത്.

അതേസമയം റിയാസുമായുള്ള പ്രശ്‌നത്തില്‍ മോഹന്‍ലാല്‍ ലക്ഷ്മി പ്രിയയെ താക്കീത് ചെയ്തിരിക്കുകയാണ്. ഇതോടെ ലക്ഷ്മി പ്രിയ മാപ്പ് ചോദിക്കുകയും ചെയ്തിട്ടുണ്ട്. എന്നാല്‍ താരത്തിനെതിരെയുള്ള നടപടി കുറഞ്ഞു പോയെന്നാണ് ചിലര്‍ സോഷ്യല്‍ മീഡിയയിലൂടെ പ്രതികരിക്കുന്നത്. അതേസമയം ബിഗ് ബോസ് വീട്ടില്‍ നിന്നും ഒരാളെ ഈ ആഴ്ച പുറത്താക്കും. പുറത്ത് വരുന്ന റിപ്പോര്‍ട്ടുകള്‍ പ്രകാരം ഈ ആഴ്ച ബിഗ് ബോസ് വീടിനോട് വിട പറയുന്നത് വിനയ് മാധവാണ്. ധന്യ, റോണ്‍സണ്‍ എന്നിവരാണ് വിനയ്‌ക്കൊപ്പം എവിക്ഷനെ നേരിടുന്നത്. ധന്യ ഈ ആഴ്ചയിലെ ക്യാപ്റ്റനായി മാറിയിരുന്നു.