/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/8cD7tAVs62ykYdKfJLw5.jpg "publive-image")
ന്യൂഡല്‍ഹി: ആരോഗ്യനില വഷളായതിനെ തുടര്‍ന്ന് ആര്‍.ജെ.ഡി നേതാവ് ലാലു പ്രസാദ് യാദവിനെ ഡല്‍ഹി എയിംസില്‍ പ്രവേശിപ്പിച്ചു. ആര്‍.ജെ.ഡി നേതാവും മകനുമായ തേജസ്വി യാദവും കുടുംബവും ലാലുവിനൊപ്പമുണ്ട്.
കാര്‍ഡിയോതൊറാസിക് സെന്‍ററിലെ കൊറോണറി കെയര്‍ യൂണിറ്റിലാണ് അദ്ദേഹം ചികിത്സയില്‍ കഴിയുന്നത്.കാലിത്തീറ്റ കുഭംകോണത്തെ തുടര്‍ന്ന് 2017 മുതല്‍ ജയിലിലാണ് ലാലു. ശ്വാസകോശ അണുബാധയെ തുടര്‍ന്ന് ഇദ്ദേഹത്തെ റാഞ്ചിയിലെ ആശുപത്രിയില്‍ പ്രവേശിപ്പിക്കുകയായിരുന്നു. അവിടെവെച്ച്‌ ആേരാഗ്യനില വഷളായതിനെ തുടര്‍ന്നാണ് എയിംസിലേക്ക് മാറ്റിയത്.
ജയിലിലെ ഡോക്ടര്‍മാരുടെ വിദഗ്ധ സംഘം നടത്തിയ പരിശോധനയില്‍ എയിംസിലേക്ക് മാറ്റാന്‍ നിര്‍ദേശിക്കുകയായിരുന്നു. ഝാര്‍ഖണ്ഡ് മുഖ്യമന്ത്രി ഹേമന്ത് സോറനുമായി സംസാരിച്ചതായും പിതാവിന് മികച്ച ചികിത്സ നല്‍കണമെന്ന് ആവശ്യപ്പെട്ടതായും തേജസ്വി യാദവ് അറിയിച്ചിരുന്നു.