കോട്ടയത്ത് വെള്ളിയാഴ്ച രാത്രി പെയ്തത് പെരുമഴ. മീനച്ചിലാറ്റിൽ വൻ തോതിൽ വെള്ളമെത്തുന്നു. കോടിമതയിലും തിരുവാർപ്പിലും അപകട നിരപ്പിനു മുകളിൽ വെള്ളം.

കോട്ടയം : കോട്ടയത്ത് വെള്ളിയാഴ്ച രാത്രി പെയ്തത് പെരുമഴ. മീനച്ചിലാറ്റിൽ വൻ തോതിൽ വെള്ളമെത്തുന്നു. കോടിമതയിലും തിരുവാർപ്പിലും അപകടനിരപ്പിനു മുകളിൽ വെള്ളം.വെള്ളിയാഴ്ച വൈകിട്ട് ഏഴുമണിയോടുകൂടി ആരംഭിച്ച മഴ രാത്രി 10 മണിയോടുകൂടിയാണ് അവസാനിച്ചത്. വടവാതൂരിൽ മാത്രം 100 മില്ലിമീറ്റർ മഴയാണ് ഇന്നലെ രേഖപ്പെടുത്തിയത്. 

കോട്ടയം  99,പൂഞ്ഞാർ 82, വൈക്കം 45 , കുമരകം 41 എന്നിങ്ങനെയാണ് മഴ കണക്ക്. മ​ഴ ശ​ക്​​ത​മാ​യ​തോടെ ആ​റു​ക​ളി​ലും തോ​ടു​ക​ളി​ലും ജ​ല​നി​ര​പ്പ്​ ഉ​യ​ർ​ന്നു​ കൊണ്ടിരിക്കുക​യാ​ണ്. പ​ക​ൽ മ​ഴ ഒ​ഴി​ഞ്ഞ​തി​നാ​ൽ വെ​ള്ളം ഇ​റ​ങ്ങു​മെ​ന്നാ​യി​രു​ന്നു പ്ര​തീ​ക്ഷ.  പിന്നീടാണ് അപ്രതീക്ഷിത മഴ എത്തിയത്. ഇന്നും മഴ തുടർന്നാൽ കൂടുൽ പേരെ ദുരിതാശ്വാസ ക്യാമ്പുകളിലേക്ക് മാറ്റേണ്ടി വരും. നിലവിൽ ജി​ല്ല​യി​ൽ 31 ദു​രി​താ​ശ്വാ​സ ക്യാ​മ്പു​ക​ളാ​ണ്​ പ്ര​വ​ർ​ത്തി​ക്കു​ന്ന​ത്. 155 കു​ടും​ബ​ങ്ങ​ളി​ലെ 501 പേ​രാ​ണ് സു​ര​ക്ഷി​ത​കേ​ന്ദ്ര​ങ്ങ​ളി​ലു​ള്ള​ത്. 189 പു​രു​ഷ​ൻ​മാ​രും 217 സ്ത്രീ​ക​ളും 92 കു​ട്ടി​ക​ളു​മാ​ണ്​ ക്യാ​മ്പി​ൽ ക​ഴി​യു​ന്ന​ത്. 29 ക്യാമ്പുകളും പ്രവർത്തിക്കുന്നത് കോ​ട്ട​യം താ​ലൂ​ക്കിലാണ്.

അതേസമയം, കാലവർഷം എ​ത്തു​ന്ന​തി​നു​ മു​ൻപ്  റെക്കോര്‍ഡ് മ​ഴ​യാ​ണ് ജില്ലയിൽ ല​ഭി​ച്ച​ത്. കേ​ന്ദ്ര കാ​ലാ​വസ്ഥാ നി​രീ​ക്ഷ​ണ കേ​ന്ദ്ര​ത്തി​ന്‍റെ ഔ​ദ്യോ​ഗി​ക ക​ണ​ക്കു​ക​ള്‍ പ്ര​കാ​രം ജി​ല്ല​യി​ല്‍ 59 ശ​ത​മാ​നം അ​ധി​ക മ​ഴ​യാ​ണു ലഭിച്ച​ത്. 388.8 മി​ല്ലീ​മീ​റ്റ​ര്‍ മ​ഴ പ്ര​തീ​ക്ഷി​ച്ചി​രു​ന്നി​ട​ത്ത് 617.3 മി​ല്ലീ​മീ​റ്റ​ര്‍ മ​ഴ പെ​യ്തെന്നാണ് കണക്ക്.