ബിജെപി 200 സീറ്റുകളിലും കോണ്‍ഗ്രസ് 80 സീറ്റുകളിലും സമാജ്വാദി പാര്‍ട്ടി 29 സീറ്റുകളിലും ലീഡ് ചെയ്യുന്നു; വാരാണസിയിൽ 1,400 വോട്ടുകൾക്ക് മോദി ലീഡ് ചെയ്യുന്നു

ഡല്‍ഹി: തിരഞ്ഞെടുപ്പ് കമ്മീഷന്‍ വെബ്സൈറ്റിലെ പ്രാരംഭ കണക്ക് പ്രകാരം 429 സീറ്റുകളില്‍ ബിജെപി 200 സീറ്റുകളില്‍ ലീഡ് ചെയ്യുന്നു. കോണ്‍ഗ്രസ് 80 സീറ്റുകളിലും സമാജ്വാദി പാര്‍ട്ടി 29 സീറ്റുകളിലും ലീഡ് ചെയ്യുന്നു.

രണ്ടാം റൗണ്ട് വോട്ടെണ്ണല്‍ പൂര്‍ത്തിയായപ്പോള്‍ വാരണാസിയില്‍ പ്രധാനമന്ത്രി നരേന്ദ്ര മോദി ഇപ്പോള്‍ 1462 വോട്ടുകള്‍ക്ക് ലീഡ് ചെയ്യുന്നു. പ്രധാനമന്ത്രി മോദിക്ക് 8,607 വോട്ടും കോണ്‍ഗ്രസിന്റെ അജയ് റായിക്ക് 7,143 വോട്ടും ലഭിച്ചു. നേരത്തെ വാരാണസിയില്‍ പ്രധാനമന്ത്രി മോദി നാലായിരത്തിലധികം വോട്ടുകള്‍ക്ക് പിന്നിലായിരുന്നു. ഉത്തര്‍പ്രദേശില്‍ തുടര്‍ച്ചയായ മൂന്നാം വിജയമാണ് പ്രധാനമന്ത്രി ലക്ഷ്യമിടുന്നത്

വയനാട് ലോക്സഭാ മണ്ഡലങ്ങളിലും ഉത്തര്‍പ്രദേശിലെ റായ്ബറേലിയിലും കോണ്‍ഗ്രസ് നേതാവ് രാഹുല്‍ ഗാന്ധി ലീഡ് ചെയ്യുന്നു. വയനാട്ടില്‍ രാഹുല്‍ ഗാന്ധി 30,000 വോട്ടുകള്‍ക്ക് മുന്നിലാണ്.

2019ലെ തെരഞ്ഞെടുപ്പില്‍ 5 ലക്ഷത്തിലധികം വോട്ടുകള്‍ക്കാണ് രാഹുല്‍ ഗാന്ധി വയനാട്ടില്‍ വിജയിച്ചത്. എന്നാല്‍ അമേഠിയില്‍ നിന്ന് അദ്ദേഹം പരാജയപ്പെട്ടിരുന്നു.