മഹാരാഷ്ട്രയിൽ ഇഞ്ചോടിഞ്ച് മത്സരം; എൻഡിഎയും ഇന്ത്യ മുന്നണിയും 16 സീറ്റുകളിൽ വീതം ലീഡ് ചെയ്യുന്നു.

ഡല്‍ഹി: ബിജെപിയുടെ നേതൃത്വത്തിലുള്ള ദേശീയ ജനാധിപത്യ സഖ്യം ഭരണം തുടരുമോ അതോ കോണ്‍ഗ്രസിന്റെ നേതൃത്വത്തിലുള്ള പ്രതിപക്ഷമായ ഇന്ത്യാ സംഘം അധികാരത്തിലെത്തുമോ എന്ന് ഇന്ന് രാജ്യം കണ്ടെത്തും.

മഹാരാഷ്ട്രയില്‍ ഇഞ്ചോടിഞ്ച് മത്സരമാണ് നടക്കുന്നത്. മഹാരാഷ്ട്രയില്‍ എന്‍ഡിഎയും ഇന്ത്യ മുന്നണിയും 16 സീറ്റുകളില്‍ വീതം ലീഡ് ചെയ്യുന്നു.

ബാരാമതിയില്‍ സുനേത്ര പവാര്‍ ലീഡ് ചെയ്യുന്നു. ബാരാമതി സീറ്റില്‍ ശരദ് പവാറിന്റെ മകള്‍ സുപ്രിയ സുലെ പിന്നിലാണ്. പവാര്‍ കുടുംബത്തിന്റെ പരമ്പരാഗത കോട്ടയാണ് ബാരാമതി സീറ്റ്. അജിത് പവാറിന്റെ ഭാര്യ സുനേത്ര പവാറിനെതിരെയാണ് സുലെ മത്സരിച്ചത്.

ഹിമാചല്‍ പ്രദേശിലെ മാണ്ഡി മണ്ഡലത്തില്‍ നിന്ന് നടിയും രാഷ്ട്രീയക്കാരിയും ആയ കങ്കണ റണാവത്ത് ലീഡ് ചെയ്യുന്നു. മുന്‍ മുഖ്യമന്ത്രി വീര്‍ഭദ്ര സിങ്ങിന്റെ മകന്‍ വിക്രമാദിത്യ സിങ്ങിനെതിരെയാണ് റണാവത്ത് മത്സരിച്ചത്.

ഒഡീഷയിലെ പുരി മണ്ഡലത്തില്‍ ബിജെപിയുടെ സംബിത് പത്ര ലീഡ് ചെയ്യുന്നു. 2019ലെ തിരഞ്ഞെടുപ്പില്‍ കേവലം 11,000 വോട്ടുകള്‍ക്കാണ് സംബിത് പത്ര പരാജയപ്പെട്ടത്. 1998 മുതല്‍ പുരി ലോക്സഭാ സീറ്റില്‍ ബിജെഡി വിജയിച്ചുവരികയാണ്.