കോവിഡിനെ പിടിച്ചു നിർത്താൻ മുഖ്യമന്ത്രി എടപ്പാടിയുടെ കൈയിൽ മാന്ത്രിക വടിയുണ്ടോ?; വിമര്‍ശനവുമായി സ്റ്റാലിന്‍; പ്രതിപക്ഷ നേതാവ് ഉത്തരവാദിത്വത്തത്തോടെ പെരുമാറണമെന്നു എടപ്പാടി

ചെന്നൈ : കോവിഡിനെ പിടിച്ചു നിർത്താൻ മുഖ്യമന്ത്രി എടപ്പാടിയുടെ കൈയിൽ മാന്ത്രിക വടിയുണ്ടോയെന്നു ഡിഎംകെ അധ്യക്ഷൻ എം.കെ.സ്റ്റാലിൻ. പ്രതിപക്ഷ നേതാവ് ഉത്തരവാദിത്വത്തത്തോടെ പെരുമാറണമെന്നു മുഖ്യമന്ത്രി എടപ്പാടി കെ.പളനി സാമി.

സംസ്ഥാനത്ത് കോവിഡ് നിയന്ത്രണ വിധേയമാണെന്നും നാലു ദിവസത്തിനകം പുതിയ രോഗികളുണ്ടാകില്ലെന്നും മുഖ്യമന്ത്രി കഴിഞ്ഞ ദിവസം പറഞ്ഞിരുന്നു.

ഇതിനോടുള്ള പ്രതികരണമായാണു സ്റ്റാലിന്റെ പരിഹാസം. തമാശ പറഞ്ഞിരിക്കാതെ മുഖ്യമന്ത്രി, അതിവേഗ ടെസ്റ്റിങ്ങിനും ആരോഗ്യ പ്രവർത്തകരുടെ സുരക്ഷയ്ക്കുമുള്ള സംവിധാനമൊരുക്കണമെന്നു സ്റ്റാലിൻ ആവശ്യപ്പെട്ടു.