'അമ്മയ്ക്ക് നൂറാം പിറന്നാള്‍';ഗാന്ധി നഗര്‍ റോഡിന് പ്രധാനമന്ത്രിയുടെ അമ്മയുടെ പേര് നല്‍കും

പ്രധാനമന്ത്രിയുടെ അമ്മയുടെ പേര് ശാശ്വതമാക്കുന്നതിന് വേണ്ടിയും അവരുടെ സേവന പാഠങ്ങള്‍ വരും തലമുറകള്‍ക്ക് പകര്‍ന്ന് നല്‍കുന്നതിന് വേണ്ടിയുമാണ് നടപടിയെന്നും മേയര്‍ ഹിതേഷ് മക്വാന വ്യക്തമാക്കി.

റെയ്സാന്‍ പെട്രോള്‍ പമ്ബില്‍ നിന്നുമുള്ള 80 മീറ്റര്‍ റോഡിനാണ് പ്രധാനമന്ത്രിയുടെ മാതാവിന്റെ പേര് നല്‍കുന്നത്. ജനങ്ങളുടെ ആവശ്യ പ്രകാരമാണ് ഈ പിറന്നാള്‍ സമ്മാനം. ജൂണ്‍ 18നാണ് ഹീരാബെന്‍ മോദിയുടെ നൂറാം പിറന്നാള്‍. അമ്മയുടെ പിറന്നാള്‍ ആഘോഷങ്ങളില്‍ പങ്കെടുക്കാന്‍ പ്രധാനമന്ത്രി നരേന്ദ്ര മോദി ഗുജറാത്തില്‍ എത്തും. മാര്‍ച്ച്‌ 11 ന് രണ്ട് ദിവസത്തെ ഗുജറാത്ത് സന്ദര്‍ശനത്തിനെത്തിയ പ്രധാനമന്ത്രി അഹമ്മദാബാദില്‍ ചെന്ന് അമ്മയെ കണ്ടിരുന്നു. കൊറോണ മഹാമാരി കാരണം രണ്ട് വര്‍ഷത്തെ ഇടവേളയ്‌ക്ക് ശേഷമാണ് അന്ന് അദ്ദേഹം അമ്മയെ കണ്ടത്.