മോഹന്‍ലാലിന്റെ മകനിഷ്ടം അഭിനയം, മകളുടെ ഇഷ്ടം വ്യത്യസ്തം

സൂപ്പര്‍താരം ഭരത് മോഹന്‍ലാലിന്റെ മകന്‍ പ്രണവിന്റെ സിനിമാപ്രവേശം വലിയ ആഘോഷത്തോടെയാണ് മലയാളികള്‍ ഏറ്റെടുത്തത്. എന്നാല്‍ മകള്‍ വിസ്മയയുടെ സിനിമാപ്രവേശനവും ഉടന്‍ ഉണ്ടാകുമെന്നായിരുന്നു ആരാധകരുടെ പ്രതീക്ഷ. ഇപ്പോഴിതാ തന്റെ ലക്ഷ്യം വെളിപ്പെടുത്തിയിരിക്കുകയാമ് വിസ്മയ.

തന്റെ കലാസൃഷ്ടികള്‍ ഉള്‍പ്പെടുത്തി ഒരു പുസ്തകം പുറത്തിറക്കാന്‍ ഒരുങ്ങുകയാണ് വിസ്മയ. ഇന്‍സ്റ്റഗ്രാമിലൂടെയാണ് ഈ വാര്‍ത്ത അവര്‍ അറിയിച്ചത്. തന്റെ കവിതകളും വരച്ച ചിത്രങ്ങളും ചേര്‍ത്തൊരു പുസ്തകമാണ് പ്രസിദ്ധീകരണത്തിനൊരുങ്ങുന്നത്.

'ഗ്രെയിന്‍സ് ഓഫ് സ്റ്റാര്‍ഡസ്റ്റ്' എന്ന് പേരിട്ടിരിക്കുന്ന ബുക്കിന്റെ കവര്‍ പേജ് വിസ്മയ ഇന്‍സ്റ്റഗ്രാമില്‍ പങ്കുവെച്ചു. കൂടുതല്‍ വിവരങ്ങള്‍ ഉടന്‍ അറിയിക്കുമെന്നും വിസ്മയ കുറിച്ചു.