തുടർ വിദ്യാഭ്യാസം വാഗ്ദാനം ചെയ്ത് പ്രായപൂർത്തിയാകാത്ത പെൺകുട്ടിയെ കലൂരിലെ വീട്ടിൽ വെച്ച് ബാലാത്സംഗം ചെയ്തു; തട്ടിപ്പുകേസിന് പിന്നാലെ മോൻസൻ മാവുങ്കലിനെതിരെ പോക്‌സോ കേസും; ഭയം കൊണ്ടാണ് മോൻസനെതിരെ ഇത്രയും കാലം പരാതിപ്പെടാതിരുന്നതെന്ന് പെൺകുട്ടിയുടെ അമ്മ 

കൊച്ചി: തുടർ വിദ്യാഭ്യാസം വാഗ്ദാനം ചെയ്ത്  പ്രായപൂർത്തിയാകാത്ത പെൺകുട്ടിയെ കലൂരിലെ വീട്ടിൽ വെച്ച് പീഡിപ്പിച്ചെന്ന പരാതിയില്‍ മോൻസൻ മാവുങ്കലിനെതിരെ  പീഡനക്കേസും. പ്രതിക്കെതിരെ പോക്സോ നിയമപ്രകാരം  കേസെടുത്തിട്ടുണ്ട്. എറണാകുളം നോർത്ത് പോലീസാണ്കേസെടുത്തിരിക്കുന്നത്.

കലൂരിലെ വീട്ടിന് പുറമെ കൊച്ചിയിലെ മറ്റൊരു വീട്ടിൽ വെച്ചും പീഡനം നടന്നു. പെൺകുട്ടിക്ക് 17 വയസുള്ളപ്പോഴാണ് പീഡനം നടന്നത്. മോൻസനെതിരെ ഇത്രയും കാലം ഭയം കൊണ്ടാണ് പരാതിപ്പെടാതിരുന്നതെന്നാണ് പെൺകുട്ടിയുടെ അമ്മ നൽകിയിരിക്കുന്ന മൊഴി.