കനത്ത മഴയിൽ മാളം നിറഞ്ഞു കവിഞ്ഞപ്പോൾ കുഞ്ഞുങ്ങള്‍ക്ക് സുരക്ഷയുമായി അമ്മ എലി; ഹ‍ൃദയസ്പർശിയായ ദൃശ്യം 

കനത്ത മഴയിൽ മാളം നിറഞ്ഞു കവിഞ്ഞപ്പോൾ അമ്മ എലി ചെയ്ത പ്രവർത്തിയാണ് ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നത്. വെള്ളം നിറഞ്ഞ മാളത്തിൽ നിന്നും തന്റെ കുഞ്ഞുങ്ങളെ ഓരോരുത്തരെയായി കടിച്ചെടുത്തു കൊണ്ടുവന്ന് സുരക്ഷിതമായ സ്ഥാനത്തു വയ്ക്കുന്നതാണ് ദൃശ്യത്തിലുള്ളത്.

ഇടമുറിയാത്ത മഴയും വെള്ളവുമൊന്നും അമ്മയെലിക്ക് തടസ്സമായില്ല. വെള്ളം നിറഞ്ഞ മാളത്തിൽ നിന്നും കുഞ്ഞുങ്ങളെയെല്ലാം സുരക്ഷിതരായി പുറത്തെത്തിച്ചു.

ഐഎഫ്എസ് ഉദ്യോഗസ്ഥനായ പർവീൺ കസ്വാനാണ് ഹൃദയസ്പർശിയായ ഈ ദൃശ്യം ട്വിറ്ററിലൂടെ പങ്കുവച്ചത്. ഈ അമ്മയുടെ രക്ഷാപ്രവർത്തനം നിങ്ങളുടെ ഹൃദയത്തെ സ്പർശിക്കും എന്ന അടിക്കുറിപ്പോടെയാണ് പർവീൺ കസ്വാൻ ദൃശ്യം പങ്കുവച്ചത്. രണ്ട് ലക്ഷത്തിലധികം ആളുകൾ ഇപ്പോൾ തന്നെ ഈ ദൃശ്യം കണ്ടുകഴിഞ്ഞു.

This will melt you. Just see this mother’s rescue operation. A friend send via whatsapp. pic.twitter.com/1D2rSYUxJi

— Parveen Kaswan, IFS (@ParveenKaswan) July 21, 2020