06
Thursday October 2022
ദേശീയം

ജാര്‍ഖണ്ഡിന് പിന്നാലെ യുപിയിലും ജഡ്ജിയെ കാറിടിച്ച് കൊല്ലാന്‍ ശ്രമം ?; രക്ഷപ്പെട്ടത് തലനാരിഴയ്ക്ക്

ന്യൂസ് ബ്യൂറോ, ഡല്‍ഹി
Friday, July 30, 2021

ലക്‌നൗ : ജാര്‍ഖണ്ഡിന് പിന്നാലെ ഉത്തര്‍പ്രദേശിലും ജഡ്ജിയെ വാഹനം ഇടിപ്പിച്ച് കൊലപ്പെടുത്താന്‍ ശ്രമം. ഫത്തേപൂര്‍ അഡീഷണല്‍ ജില്ലാ സെഷന്‍സ് ജഡ്ജി ( പോക്‌സോ കോടതി സ്‌പെഷല്‍ ജഡ്ജി) മുഹമ്മദ് അഹമ്മദ്ഖാന്‍ ആണ് വാഹനാപകടത്തില്‍ തലനാരിഴയ്ക്ക് ജീവനോടെ രക്ഷപ്പെട്ടത്.

ചക്‌വാന്‍ ഗ്രാമത്തിലെ കൗശമ്പി കൊക്രാജ് പ്രദേശത്തുവെച്ച് വ്യാഴാഴ്ചയായിരുന്നു സംഭവം. ജഡ്ജി അഹമ്മദ് ഖാന്‍ സഞ്ചരിച്ചിരുന്ന കാറിലേക്ക് ഒരു ഇന്നോവ വന്നിടിക്കുകയായിരുന്നു. ഇടിയില്‍ ജഡ്ജിയുടെ വാഹനം തകര്‍ന്നു.

റോഡപകടമെന്ന വ്യാജേന തന്നെ കൊലപ്പെടുത്താനാണ് ശ്രമിച്ചതെന്ന് ജഡ്ജി അഹമ്മദ് ഖാന്‍ പറഞ്ഞു. കാറില്‍ താന്‍ ഇരുന്ന സ്ഥലത്ത് നിരവധി തവണ ഇന്നോവ ഇടിപ്പിച്ചതായും ജഡ്ജി പറഞ്ഞു. ഇക്കാര്യങ്ങള്‍ വ്യക്തമാക്കി ജഡ്ജി കൊക്രാജ് പൊലീസ് സ്റ്റേഷനില്‍ പരാതി നല്‍കിയിട്ടുണ്ട്.

ഒരു കേസിലെ പ്രതിക്ക് ജാമ്യം നിഷേധിച്ചതുമായി ബന്ധപ്പെട്ട് കഴിഞ്ഞവര്‍ഷം ഡിസംബറില്‍ തനിക്ക് വധഭീഷണി ലഭിച്ചിരുന്നതായും ജഡ്ജി അഹമ്മദ് ഖാന്‍ പൊലീസിനെ അറിയിച്ചു. കൗശമ്പി സ്വദേശിയാണ് അന്ന് ജാമ്യം നിഷേധിക്കപ്പെട്ട യുവാവെന്നും അഹമ്മദ് ഖാന്‍ വ്യക്തമാക്കി.

സംഭവത്തില്‍ അപകടം ഉണ്ടാക്കിയ ഇന്നോവ കാറും, അതിന്‍രെ ഡ്രൈവറെയും പൊപീസ് കസ്റ്റഡിയിലെടുത്തിട്ടുണ്ട്. ജോലി സംബന്ധമായ കാര്യങ്ങള്‍ക്കായി പ്രയാഗ്രാജിലെത്തിയ ജഡ്ജി അഹമ്മദ് ഖാന്‍, ഫത്തേപൂരിലേക്ക് തിരികെ പോകുന്നതിനിടെയാണ് അപകടം ഉണ്ടാകുന്നത്. അപകടത്തിന് പിന്നില്‍ ഗൂഡാലോചന ഉണ്ടെന്നും ജഡ്ജി ആരോപിച്ചു.

ജഡ്ജി അഹമ്മദ് ഖാന്‍ ഏതാനും വര്‍ഷം മുമ്പ് അലഹാബാദ് ജില്ലാ കോടതിയില്‍ അഡീഷണല്‍ ചീഫ് ജുഡീഷ്യല്‍ മജിസ്‌ട്രേറ്റ് ആയി ജോലി നോക്കിയിട്ടുണ്ട്. കഴിഞ്ഞദിവസം ജാര്‍ഖണ്ഡിലെ ധന്‍ബാദില്‍ അഡീഷണല്‍ ജില്ലാ ജഡ്ജി ഉത്തം ആനന്ദിനെ പ്രഭാതസവാരിക്കിടെ വാഹനം ഇടിച്ച് കൊലപ്പെടുത്തിയത് രാജ്യത്തെ നടുക്കിയിരുന്നു.

Related Posts

More News

ഹൂസ്റ്റൺ: ഫ്രണ്ട് ഓഫ് തിരുവല്ലയുടെ ആഭിമുഖ്യത്തിൽ വൈവിധ്യമാർന്നതും ശ്രദ്ധേയവുമായ പരിപാടികളോടെ കേരളത്തിന്റെ ആഘോഷങ്ങളുടെ ആഘോഷമായ ഓണം പ്രൗഢഗംഭീരമായി ആഘോഷിച്ചു. ഒക്ടോബർ 2 ന് ഞായറാഴ്ച മിസ്സോറി സിറ്റിയിലുള്ള അപ്ന ബസാർ ഹാളിൽ തയ്യാറാക്കപ്പെട്ട വേദിയിൽ ജനമനസ്സുകളിൽ ആഹ്‌ളാദം നിറച്ചു കൊണ്ട് പ്രവേശനം ചെയ്ത മഹാബലിയും തിരുവല്ലയുടെ തരുണീമണികൾ അവതരിപ്പിച്ച തിരുവാതിരയും തിരുവല്ലയുടെ പുത്രൻ ഷിനു ജോസെഫിന്റെ ശ്രുതിമധുരമായ ഗാനങ്ങളും ഓണപ്പാട്ടുകളും ഒരു ഉത്സവ പ്രതീതി ഉളവാക്കി. കുട്ടികൾ മുതൽ മുതിർന്നവർ വരെ അവതരിപ്പിച്ച കലാപരിപാടികൾ ഒന്നിനൊന്നു മെച്ചപ്പെട്ടതായിരുന്നു., […]

തിരുവനന്തപുരം: വടക്കഞ്ചേരി ബസ് അപകടത്തിൽ മരിച്ചവരുടെ കുടുംബത്തിനും പരുക്കേറ്റവർക്കും സംസ്ഥാന സർക്കാർ ഉടൻ നഷ്ടപരിഹാരം അനുവദിക്കണമെന്നു ബിജെപി സംസ്ഥാന അധ്യക്ഷൻ കെ.സുരേന്ദ്രൻ. അപകടത്തിൽ മരിച്ചവരുടെ കുടുംബങ്ങൾക്കു 2 ലക്ഷം രൂപയും പരുക്കേറ്റവർക്ക് 50,000 രൂപയും പ്രധാനമന്ത്രി നരേന്ദ്ര മോദി അനുവദിച്ചത് ആശ്വാസകരമാണ്. കേന്ദ്രത്തിനെ മാതൃകയാക്കാൻ സംസ്ഥാന സർക്കാർ തയാറാവണം. സംസ്ഥാനത്തു റോഡ് അപകടങ്ങൾ തടയാൻ സർക്കാർ കർശനമായി ഇടപെടണം. അപകടത്തിൽപ്പെട്ട ബസിനെതിരെ നേരത്തേ 5 കേസുകൾ എടുത്തിരുന്നുവെന്നത് ഞെട്ടിക്കുന്നതാണ്. കുപ്രസിദ്ധമായ ബസിനെതിരെ മോട്ടോർ വാഹന വകുപ്പ് ജാഗ്രത […]

ലണ്ടന്‍: ഒരു മിനിറ്റില്‍ 42 തവണ സ്ക്വാറ്റ് ലിഫ്റ്റ് ചെയ്ത് ബ്രിട്ടീഷ് ഇന്ത്യന്‍ യുവതി പവര്‍ ലിഫ്റ്റിങ്ങില്‍ ലോക റെക്കോഡിന് അര്‍ഹയായി. കരണ്‍ജീത് കൗര്‍ ബെയിന്‍സ് എന്ന ഇരുപത്തഞ്ചുകാരിയാണ് അപൂര്‍വ നേട്ടം സ്വന്തമാക്കിയിരിക്കുന്നത്. പവര്‍ ലിഫ്റ്റിങ്ങില്‍ ബ്രിട്ടനെ പ്രതിനിധീകരിക്കുന്ന ആദ്യത്തെ ബ്രിട്ടീഷ്~സിഖ് വനിതയാണ്. പതിനേഴാം വയസില്‍ പവര്‍ ലിഫ്റ്റിങ്ങിലേക്കു കടന്ന കരണ്‍ജീത് ഒന്നിലേറെ ചാമ്പ്യന്‍ഷിപ്പുകളില്‍ ജേത്രിയാണ്. അച്ഛന്‍ കുല്‍ദീപും പവര്‍ലിഫ്റ്ററാണ്.

ഡോക്ടർ ശശി തരൂരിന്റെ പേരിൽ സോഷ്യൽ മീഡിയയിൽ നടക്കുന്ന വാക്ക്‌പോരുകൾ കാണുമ്പോൾ കോൺഗ്രസ് പാർട്ടിയുടെ കാര്യത്തിൽ കോൺഗ്രസുകാരേക്കാൾ ഛേദം കോൺഗ്രസിതര പാർട്ടിക്കാർക്കും പകൽ കോൺഗ്രസും രാത്രി കാക്കി ട്രൗസറിട്ട് നടക്കുന്നവര്‍ക്കും ആണെന്ന് തോന്നി പോകുന്നു. കോൺഗ്രസ് പാർട്ടിയുടെ ആഭ്യന്തര പ്രശ്നത്തിൽ ഏറ്റവും ഊറ്റം കൊള്ളുന്നത് മറ്റുള്ളവരാണ്. ഇതെല്ലാം കോൺഗ്രസിന്റെ ഒരു അടവ് നയം ആണെങ്കിൽ ഇവിടെ പെട്ടുപോകുന്നത് ഇക്കൂട്ടരാണ്. കോൺഗ്രസിനെ സംബന്ധിച്ചിടത്തോളം എഐസിസി യുടെ പ്രസിഡണ്ട് സ്ഥാനത്തേക്ക് ഡോക്ടർ ശശി തരൂരിന്റെ മേലെ ഒരാളെ കിട്ടുക എന്നത് […]

വാഷിങ്ടണ്‍: അപകടകാരികളായ ഛിന്നഗ്രഹങ്ങളില്‍നിന്ന് ഭൂമിയെ രക്ഷിക്കുക എന്ന പരീക്ഷണത്തിന്റെ ഭാഗമായി നാസ നടത്തിയ ഡാര്‍ട്ട് വിക്ഷേപണത്തിന്റെ കൂടുതല്‍ വിവരങ്ങള്‍ പുറത്തുവരുന്നു. ഡാര്‍ട്ട് ഇടിച്ചു തെറിപ്പിച്ച ഛിന്നഗ്രഹത്തിന് ഇടിയുടെ ആഘാതത്തില്‍ പതിനായിരം കിലോമീറ്റര്‍ ദൈര്‍ഘ്യമാുള്ള വാല്‍ ദൃശ്യമായിട്ടുണ്ട്. ഛിന്നഗ്രഹത്തിന്റെ തന്നെ അവശിഷ്ടങ്ങളാണ് ജ്വലിക്കുന്ന വാലായി മാറിയത്. ചിലിയില്‍ സ്ഥാപിച്ചിരിക്കുന്ന ടെലിസ്കോപാണ് ഇതിന്റെ ചിത്രങ്ങള്‍ പകര്‍ത്തിയത്. ദിദിമോസ് ഛിന്നഗ്രഹത്തിനു ചുറ്റും കറങ്ങുന്ന ചെറുഛിന്നഗ്രഹമായ ദിമോര്‍ഫോസിനെയാണ് നാസയുടെ ഡാര്‍ട്ട് ഉപഗ്രഹം ഇടിച്ചത്. ദൗത്യം ഛിന്നഗ്രഹത്തിന്റെ സഞ്ചാരപഥത്തില്‍ മാറ്റം വരുത്തിയിട്ടുണ്ടോ എന്നറിയാന്‍ ഇനിയും […]

കൊല്ലം: വടക്കാഞ്ചേരിയില്‍ ഒമ്പതു പേരുടെ മരണത്തിനിടയാക്കിയ ടൂറീസ്റ്റ് ബസ് അപകടത്തെ തുടര്‍ന്ന് ഒളിവില്‍ പോയ ഡ്രൈവര്‍ ജോമോന്‍ (ജോജോ പത്രോസ്) അറസ്റ്റില്‍. കൊല്ലം ചവറയില്‍ നിന്നാണ് ഇയാളെ പിടികൂടിയത്. തിരുവനന്തപുരത്തേയ്ക്ക് കടക്കാന്‍ ശ്രമിക്കുന്നതിനിടെയാണ് കൊല്ലം ചവറ ശങ്കരമങ്കലത്ത് നിന്ന് ചവറ പൊലീസ് ജോമോനെ പിടികൂടി വാളാഞ്ചേരി പൊലീസിന് കൈമാറിയത്.

ന്യൂയോര്‍ക്: ഇന്ത്യന്‍ കമ്പനി നിര്‍മിച്ച മരുന്ന കഴിച്ചാണ് ഗാംബിയയില്‍ 66 കുട്ടികള്‍ മരിച്ചതെന്ന് ലോകാരോഗ്യ സംഘടന. പടിഞ്ഞാറന്‍ ആഫ്രിക്കന്‍ രാജ്യമായ ഗാംബിയയില്‍ ചുമയ്ക്ക് നല്‍കിയ മരുന്നാണ് കുട്ടികളില്‍ വൃക്ക തകരാറിനും തുടര്‍ന്ന് മരണത്തിനും കാരണമായതെന്നാണ് ആരോപണം. ഡല്‍ഹി ആസ്ഥാനമായി പ്രവര്‍ത്തിക്കുന്ന മെയ്ഡന്‍ ഫാര്‍മസ്യൂട്ടിക്കല്‍സ് നിര്‍മിച്ച നാല് കഫ് സിറപ്പുകളാണ് ഗുരുതര പ്രശ്നങ്ങള്‍ക്കു കാരണമാകുന്നതായി സംശയിക്കപ്പെടുന്നത്. ഇവരുടെ പ്രൊമേത്തസിന്‍ ഓറല്‍ സൊല്യൂഷന്‍, കോഫെക്സ്മാലിന്‍ ബേബി കഫ് സിറപ്, മേക്കോഫ് ബേബി കഫ് സിറപ്, മാഗ്രിപ് എന്‍കോള്‍ഡ് സിറപ് എന്നിവയാണ് […]

കുവൈറ്റ്: ഒക്ടോബര്‍ 9ന് കുവൈറ്റിലെ ഇന്ത്യന്‍ എംബസി അവധി. Milad-un-Nabi യോനുബന്ധിച്ചാണ് അവധി. അന്നെ ദിവസം അടിയന്തിര കോണ്‍സുലാര്‍ സേവനങ്ങള്‍ ലഭ്യമായിരിക്കും.

ബര്‍ലിന്‍: വര്‍ദ്ധിച്ചുവരുന്ന വൈദ്യുതി ബില്ലുകള്‍ക്ക് സബ്സിഡി നല്‍കുമെന്ന് ജര്‍മ്മന്‍ സര്‍ക്കാര്‍ വാഗ്ദാനം ചെയ്തു. ജര്‍മ്മനിയിലെ മിക്ക വൈദ്യുതി ഉപഭോക്താക്കള്‍ക്കും അടുത്ത വര്‍ഷം ഗ്രിഡ് ഫീസ് ഉയരും. എന്നാല്‍ ഉപഭോക്താക്കളുടെ ഭാരം ലഘൂകരിക്കാന്‍ 13 ബില്യണ്‍ യൂറോയുടെ സബ്സിഡി നല്‍കാനാണ് സര്‍ക്കാര്‍ പദ്ധതിയിടുന്നത്. ഗ്രിഡ് ഫീസിന്റെ വില അടുത്ത വര്‍ഷം ഒരു കിലോവാട്ട് മണിക്കൂറിന് ശരാശരി 3.12 സെന്‍റ് ആയി സജ്ജീകരിക്കുമെന്ന് നാല് പ്രധാന ട്രാന്‍സ്മിഷന്‍ സിസ്ററം ഓപ്പറേറ്റര്‍മാര്‍ (TSOs) പറഞ്ഞു, ഇത് നിലവിലെ ശരാശരിയായ 3.08 സെന്‍റ്/kWhനേക്കാള്‍ […]

error: Content is protected !!