ഹിമാചലിൽ രൂക്ഷമായ മഞ്ഞുവീഴ്ച തുടരുന്നു

സിംലയുൾപ്പെടെ മഹിമാചൽ പ്രദേശിന്റെ ഒട്ടുമിക്ക ജില്ലകളിലും അതിശക്തമായ മഞ്ഞുവീഴ്ച തുടരുകയാണ്. ഇന്ന് വലിയതോതിൽ മഞ്ഞുകട്ടകൾ താഴേക്കുപതിക്കാനുള്ള സാദ്ധ്യതയുണ്ടെന്ന് കാലാവസ്ഥാനിരീക്ഷണ കേന്ദ്രം മുന്നറിയിപ്പ് നൽകിയിട്ടുമുണ്ട്.

സംസ്ഥാനത്തെ 527 റോഡുകളിൽ ഗതാഗതം പൂർണ്ണമായും മുടങ്ങിക്കഴിഞ്ഞു. വിമാനസർവീസുകളും നിർത്തിവച്ചി രിക്കുകയാണ്. താപനില മൈനസ് 23 ഡിഗ്രി വരെ കെലാങ്,സ്‌പീതി എന്നിവിടങ്ങളിൽ രേഖപ്പെടുത്തിയിട്ടുണ്ട്.

കഴിഞ്ഞ 24 മണിക്കൂറിനുള്ളിൽ ചമ്പ ജില്ലയിൽമാത്രം പരക്കെ 64 സെന്റീമീറ്റർ ഘനത്തിലാണ് മഞ്ഞുവീണു കട്ടിയായിരിക്കുന്നത്. സഞ്ചാരികളായ 700 ലധികം പേരാണ് ഇവിടെ കുടുങ്ങിക്കിടക്കുന്നത്.