കൂടുതൽ കുട്ടികൾ വിശാലമായ ലോകം ! "കുടുംബാസൂത്രണ നിയന്ത്രണങ്ങൾ ഇഷ്ടപ്പെടുന്നില്ല, തുടരെത്തുടരെയുള്ള ഗർഭധാരണവും പ്രസവവും സുഖകരമായ അനുഭൂതിയാണ് സമ്മാനിക്കുന്നത്. ശാരീരിക അസ്വസ്ഥതകളും അനാരോഗ്യവും ഒന്നുമില്ല" ! 11 മക്കൾക്ക് ജന്മം നൽകിയ മെക്സിക്കോ സ്വദേശിനി കോർട്ട്നിയും ഭര്‍ത്താവ് ക്രിസ് റോജേഴ്സും പറയുന്നു... 

"കുടുംബാസൂത്രണ നിയന്ത്രണങ്ങൾ ഇഷ്ടപ്പെടുന്നില്ല, തുടരെത്തുടരെയുള്ള ഗർഭധാരണവും പ്രസവവും സുഖകരമായ അനുഭൂതിയാണ് സമ്മാനിക്കുന്നത്. ശാരീരിക അസ്വസ്ഥതകളും അനാരോഗ്യവും ഒന്നുമില്ല." 11 മക്കൾക്ക് ജന്മം നൽകിയ മെക്സിക്കോ സ്വദേശിനി കോർട്ട്നി (Courtney) എന്ന 37 കാരിയുടെ വാക്കുകളാണ് മുകളിൽ.

11 മക്കളിൽ 6 ആൺകുട്ടികളും 5 പെൺകുട്ടികളുമാണ്. കോർട്ട്നി ഇപ്പോൾ വീണ്ടും ഗർഭിണിയാണ്. അടുത്തത് പെൺകുട്ടിയാകണമെന്നാണ് അവരുടെ ആഗ്രഹം. കാരണം 6 വീതമാകും ആണും പെണ്ണും.

യാത്രകൾ ഏറെ ഇഷ്ടപ്പെടുന്ന കോർട്ട്നിയും ഭർത്താവ് ക്രിസ് റോജേഴ്സും ഇതിനായി 15 സീറ്റുള്ള ഒരു ആധുനിക ട്രാവലർ വാഹനം സ്വന്തമാക്കിയിട്ടുണ്ട്. എവിടെപ്പോയാലും വീടുകൾ വാടകയ്‌ക്കെടുത്താകും ഇവരുടെ താമസം. ഹോട്ടലുകളിൽ ബുദ്ധിമുട്ടാണ്.

സ്വന്തം വീടും മോടിപിടിപ്പിക്കാനുള്ള തയ്യാറെടുപ്പിലാണ് ദമ്പതികൾ. ഇപ്പോൾ അവരുടെ വീട്ടിൽ 7 ബെഡ് റൂമും 4 ബാത്ത് റൂമും മാത്രമാണുള്ളത്. എത്രകുട്ടികളാണ് ആഗ്രഹിക്കുന്നത് എന്ന ചോദ്യത്തിനുത്തരം നൽകിയത് ഭാര്യ കോർട്ട്നിയാണ്. "ആഗ്രഹങ്ങൾക്ക് അവസാനമില്ല" എന്നായിരുന്നു അവരുടെ മറുപടി.