01
Wednesday December 2021
ലേഖനങ്ങൾ

അഴിമതിക്കെതിരേയും സ്വജനപക്ഷപാതത്തിനെതിരേയും വാക്കുകള്‍ അല്ല ശക്തമായ താക്കീത് തന്നെ നല്‍കിയിരിക്കുകയാണ് മന്ത്രി പി.എം മുഹമ്മദ് റിയാസ്. മന്ത്രി റിയാസില്‍ ഈ നാടിന് പ്രതീക്ഷയുണ്ട്…

ന്യൂസ് ബ്യൂറോ, പാലക്കാട്
Monday, October 18, 2021

-അസീസ് മാസ്റ്റർ

മുഖം നോക്കാതെ നിലപാടെടുക്കുന്ന മുഖ്യമന്ത്രി പിണറായി വിജയന്റെ അതേ പാതയില്‍ തന്നെയാണ് മരുമകനും മന്ത്രിയുമായ പി.എം മുഹമ്മദ് റിയാസ് എന്നു വേണം കരുതാന്‍. ആ നിലപാടില്‍ വലിയ പ്രതീക്ഷയാണ് സാധാരണക്കാരിലുള്ളത്. അഴിമതിക്കെതിരേയും സ്വജനപക്ഷപാതത്തിനെതിരേയും വാക്കുകള്‍ അല്ല ശക്തമായ താക്കീത് തന്നെ നല്‍കിയിരിക്കുകയാണ് മന്ത്രി പി.എം മുഹമ്മദ് റിയാസ്.

എംഎല്‍എമാര്‍ കരാറുകാരുമായി മന്ത്രിമാരെ കാണാന്‍ വരരുതെന്ന മന്ത്രി പി.എം മുഹമ്മദ് റിയാസിന്റെ നിയമസഭയിലെ മറുപടി സ്വന്തം പാര്‍ട്ടിയിലെ എംഎല്‍എമാരില്‍നിന്നു തന്നെ എതിര്‍പ്പ് ഉയര്‍ന്ന സാഹചര്യത്തിലും വിശുദ്ധമാക്കപ്പെടുന്ന പദവിയുടെ പ്രതിഫലനം ജനപക്ഷത്തെത്തുന്നതില്‍ അതീവ സന്തോഷത്തിലാണ് പാര്‍ട്ടിയും അണികളും പ്രതിപക്ഷത്തുള്ളവരുമെല്ലാം.

കൊടുംമഴയിലും മുങ്ങാതെ നിന്നതാണ് പി എം റിയാസിന്റെ പ്രസ്താവനയുമായി ബന്ധപ്പെട്ടുണ്ടായ കഴിഞ്ഞ ദിവസങ്ങളിലെ രാഷ്ട്രീയ വിവാദം. എങ്കിലും പൊതുമരാമത്ത് വകുപ്പില്‍ കരാറുകാരും ഉദ്യോഗസ്ഥരും തമ്മില്‍ അവിശുദ്ധ കൂട്ടുകെട്ടുണ്ട് എന്ന കാലാകാലങ്ങളായുള്ള രഹസ്യമായ പരസ്യം നിയമസഭയില്‍ ശരിവെച്ച് നിലപാടിലുറച്ച മന്ത്രിക്കിരിക്കട്ടെ വിപ്ലവാഭിവാദ്യങ്ങള്‍.

സുല്‍ത്താന്‍ ബത്തേരി എംഎല്‍എയും വയനാട് ഡിസിസി മുന്‍ പ്രസിഡന്റുമായ ഐ.സി.ബാലകൃഷ്ണന്‍ എം എല്‍ എയുടെ ചോദ്യത്തിനായിരുന്നു മുഹമ്മദ് റിയാസിന്റെ ആ വിവാദ മറുപടി എന്ന് പരിശോധിക്കുമ്പോള്‍ വ്യക്തമാവുന്നത് വയനാട് ജില്ലയിലെ പനമരം-ബീനാച്ചി റോഡിന്റെ നിര്‍മാണം മൂന്നര വര്‍ഷമായിട്ടും പൂര്‍ത്തിയാകാത്ത സാഹചര്യമാണ്.

ഏഴിന് പൊതുമരാമത്ത് വകുപ്പുമായി ബന്ധപ്പെട്ട ചോദ്യോത്തര വേളയില്‍ ഉപചോദ്യത്തിന് അവസരം ലഭിച്ചപ്പോഴാണ് ഐ.സി.ബാലകൃഷ്ണന്‍ സ്വന്തം മണ്ഡലത്തിലെ റോഡിന്റെ സ്ഥിതി ചൂണ്ടിക്കാട്ടിയത്. ഒപ്പം ഉദ്യോഗസ്ഥരുടെയും കരാറുകാരുടെയും ഒത്തുകളി മൂലം കേരളത്തിലെ മിക്ക റോഡുകളുടെയും നിര്‍മാണം പാതിവഴിയിലാണെന്നും എംഎല്‍എ പറഞ്ഞു.

ഈ റോഡ് നിര്‍മാണം വൈകിയതിന്റെ പിന്നാമ്പുറക്കഥകള്‍ ഒരിക്കല്‍ റോഡ് സന്ദര്‍ശിച്ച മന്ത്രിക്ക് കൃത്യമായി അറിയാമായിരുന്നു എന്ന സൂചനയെന്നോണമാണ് ഈ ചോദ്യത്തിനുള്ള മറുപടിയില്‍ തന്നെ വകുപ്പിലെ അവിശുദ്ധ കൂട്ടുകെട്ടുകളെക്കുറിച്ച് അദ്ദേഹം തുറന്നടിച്ചതെന്ന് പൊതുജനം വിചാരിക്കുന്നു.

22 കിലോ മീറ്റര്‍ ദൂരമുള്ള പനമരം-ബീനാച്ചി റോഡിന്റെ നിര്‍മാണം 2019ലാണ് ആരംഭിച്ചത്. കിഫ്ബിയുടെ ധനസഹായത്തോടെ 50.55 കോടി രൂപയാണ് വകയിരുത്തിയത്. തമിഴ്‌നാട് ആസ്ഥാനമായ നിര്‍മാണ കമ്പനിക്കായിരുന്നു കരാര്‍.

എറണാകുളത്തെ മറ്റൊരു കമ്പനിക്ക് ഇവര്‍ ഉപകരാര്‍ നല്‍കി. കലുങ്കുകള്‍, സംരക്ഷണഭിത്തി, ഓവുചാല്‍ എന്നിവയുടെ നിര്‍മാണവും റോഡ് പ്രതലത്തിന്റെ ക്രമപ്പെടുത്തലും പൂര്‍ത്തിയായപ്പോള്‍ തന്നെ ഗുണനിലവാരമില്ലാത്ത നിര്‍മാണമാണു നടക്കുന്നതെന്നു നാട്ടുകാര്‍ക്ക് ബോധ്യമായി.

ആ ബോധ്യം വകുപ്പ് മന്ത്രിക്ക് തന്നെ ഉണ്ടായ സന്തോഷത്തിലാണ് പനമരം-ബീനാച്ചി റോഡിന്റെ ഗുണഭോക്താക്കള്‍ എന്നു പറയാതെ വയ്യ. സാഹചര്യങ്ങളെ മുതലെടുക്കുന്നതും മുതലെടുപ്പിനായി സാഹചര്യങ്ങളെ സൃഷ്ടിക്കുന്നതും തമ്മില്‍ വലിയ വ്യത്യാസമുണ്ട്. അതുകൊണ്ടാണ് കരാറുകാര്‍ അഴിമതിക്കും മറ്റുമായി സാഹചര്യങ്ങളെ സൃഷ്ടിക്കാന്‍ കഴിവുള്ള കരാറുകള്‍ക്ക് ഒത്താശയുമായി മന്ത്രി മന്ദിരങ്ങള്‍ കയറിയിറങ്ങുന്നത്.

ജനങ്ങളുടെ സ്വത്തിനും ജീവനും സംരക്ഷണം നല്‍കുന്നതിന് പകരം കരാറുകാരുടെയും സ്വന്തം കീശയുടെയും കാര്യത്തിനായി തന്നെ വന്നു കാണേണ്ട എന്ന തീരുമാനം എല്‍ ഡി എഫ് രണ്ടാം ഭരണത്തിനായി പുറത്തിറക്കിയ പരസ്യവാചകം ശരിവെക്കുന്ന തരത്തിലായി, അഴിമതിക്കെതിരേയുള്ള പോരാട്ടത്തിനുള്ള ഉറപ്പാണ് നട്ടെല്ലുള്ള മന്ത്രിപി എം റിയാസിന്റെ പ്രസ്താവനയിലൂടെ തെളിയിക്കപ്പെട്ടത്.

ടൂറിസം രംഗത്ത് പാരമ്പര്യമായി തുടര്‍ന്ന് വരുന്ന പാരമ്പര്യരീതികളെ പൊളിച്ചെഴുതി നവകേരളത്തിന് സമ്പന്നമായതും ന്യൂജനറേഷനും ആസ്വദിക്കാവുന്നതുമായ പല പദ്ധതികളുമായാണ് വകുപ്പ് കൈകാര്യം ചെയ്യുന്ന മന്ത്രി എന്നത് യുവതയുടെ പ്രതീക്ഷ കൂടിയാണ്. യുവാക്കളുടെ മനസ്സറിയുന്ന, എല്ലാ അഴിമതിക്കെതിരേയും വിരല്‍ചൂണ്ടുന്ന മന്ത്രി പി എം റിയാസിനെ പോലുള്ള ജനപ്രതിനിധികള്‍ക്ക് എല്ലാ ഭാവുകങ്ങളും നേരുന്നു. ഐശ്വര്യ സമ്പന്നമായ സായാഹ്നം നേരുന്നു, ജയ്ഹിന്ദ്.

Related Posts

More News

കുവൈറ്റ് സിറ്റി: കുവൈറ്റില്‍ മീഡ് (മുള്ളറ്റ്/കണമ്പ്‌) മത്സ്യബന്ധന സീസൺ അവസാനിക്കുന്നതായി പബ്ലിക് അതോറിറ്റി ഫോർ അഗ്രികൾച്ചർ അഫയേഴ്സ് ആൻഡ് ഫിഷ് റിസോഴ്സസ് (പിഎഎഎഎഫ്ആർ) തലാൽ ഫഹദ് അൽ ദൈഹാനി പ്രഖ്യാപിച്ചു. എല്ലാ വർഷവും ജൂൺ 15 മുതൽ നവംബർ 30 വരെ മീഡ് മത്സ്യബന്ധനം അനുവദനീയമാണെന്ന് അൽ ദൈഹാനി പറഞ്ഞു. കുവൈറ്റിലെ സമുദ്രാതിർത്തിക്കുള്ളിൽ മത്സ്യബന്ധനം നിയന്ത്രിക്കുന്നതിന് അതോറിറ്റി പുറപ്പെടുവിച്ച തീരുമാനങ്ങൾ മത്സ്യസമ്പത്ത് സംരക്ഷിക്കുന്നതിൽ മികച്ച ഫലങ്ങള്‍ കൈവരിച്ചിട്ടുണ്ടെന്നും എല്ലാവരും പിഎഎഎഎഫ്ആർ മത്സ്യബന്ധന നിയമങ്ങൾ പാലിക്കണമെന്നും അദ്ദേഹം കൂട്ടിച്ചേർത്തു.

കുവൈറ്റ് സിറ്റി: വിവിധ രാജ്യങ്ങളില്‍ ഒമിക്രോണ്‍ റിപ്പോര്‍ട്ട് ചെയ്‌തെങ്കിലും, ഇതുമായി ബന്ധപ്പെട്ട് കുവൈറ്റില്‍ ഭാഗികമായോ പൂര്‍ണമായോ കര്‍ഫ്യൂ നടപ്പാക്കാന്‍ പദ്ധതിയില്ലെന്ന് ഉന്നത സര്‍ക്കാര്‍ വൃത്തങ്ങളെ ഉദ്ധരിച്ച് പ്രാദേശികപത്രം റിപ്പോര്‍ട്ട് ചെയ്തു. രാജ്യത്തെ മെച്ചപ്പെട്ട ആരോഗ്യസ്ഥിതിയിലെ സ്ഥിരത നിലനിര്‍ത്തുന്നതിന് ആവശ്യമായ നടപടികള്‍ പാലിക്കുന്നത് തുടരുമെന്നും, പ്രതിരോധ നടപടികള്‍ കൈക്കൊള്ളുമെന്നും റിപ്പോര്‍ട്ട് വ്യക്തമാക്കുന്നു.

കുവൈറ്റ് സിറ്റി: കുവൈറ്റില്‍ വാഹനാപകടത്തില്‍ പ്രവാസി മരിച്ചു. അബു ഹലീഫയിലാണ് വാഹനാപകടമുണ്ടായത്. മൃതദേഹം ഫോറന്‍സിക് പരിശോധനയ്ക്ക് അയച്ചു. പ്രവാസി സഞ്ചരിച്ച വാഹനം നിര്‍ത്തിയിട്ടിരുന്ന വാഹനത്തിലിടിച്ചാണ് അപകടമുണ്ടായതെന്നാണ് റിപ്പോര്‍ട്ട്.

ന്യൂഡല്‍ഹി: ശിരോമണി അകാലിദള്‍ നേതാവ് മഞ്ജീന്ദര്‍ സിങ് സിര്‍സ ബി.ജെ.പിയില്‍ ചേര്‍ന്നു. പഞ്ചാബ് നിയമസഭാ തിരഞ്ഞെടുപ്പിന് മാസങ്ങള്‍ മാത്രം ബാക്കിനില്‍ക്കേയാണ് സിര്‍സയുടെ ബിജെപി പ്രവേശനം. കേന്ദ്രമന്ത്രി ധര്‍മേന്ദ്ര പ്രധാന്റെയും ഗജേന്ദ്ര സിങ് ശെഖാവത്തിന്റെയും സാന്നിധ്യത്തിലാണ് സിര്‍സ ബിജെപിയില്‍ ചേര്‍ന്നത്. ബി.ജെ.പി. അംഗത്വം സ്വീകരിക്കുന്നതിന് മുന്‍പ് കേന്ദ്ര ആഭ്യന്തര മന്ത്രി അമിത് ഷായുമായും പാര്‍ട്ടി ദേശീയ അധ്യക്ഷന്‍ ജെ.പി. നഡ്ഡയുമായും സിര്‍സ കൂടിക്കാഴ്ച നടത്തിയിരുന്നു.

‘മരക്കാര്‍ അറബിക്കടലിന്റെ സ്‌നേഹം’ ഇന്ന് റിലീസാകുമ്പോള്‍ പ്രേഷകരുടെ ഏറെ നാളായുള്ള കാത്തിരിപ്പിനാണ് വിരാമമാകുന്നത്. നിരവധി പേരാണ് ചിത്രത്തിന് ആശംസയുമായി രംഗത്തെത്തിയത്. മമ്മൂട്ടിയും ആശംസ അറിയിച്ചിരുന്നു. ഇതിന് മോഹന്‍ലാല്‍ നല്‍കിയ മറുപടി സമൂഹമാധ്യമങ്ങളില്‍ വൈറലാണ്. “മരക്കാർ അറബിക്കടലിന്റെ സിംഹം നാളെ ലോകമെമ്പാടും റിലീസ് ചെയ്യുന്നു, പ്രിയപ്പെട്ട ലാലിനും പ്രിയനും അതിന്റെ പിന്നിലെ മുഴുവൻ ടീമിനും എല്ലാ ആശംസകളും നേരുന്നു”, എന്നാണ് മമ്മൂട്ടി കുറിച്ചത്. പിന്നാലെ കമന്റായി മോഹൻലാലും എത്തി. “പ്രിയപ്പെട്ട ഇച്ചാക്ക നിങ്ങളുടെ എല്ലാ സ്നേഹത്തിനും പിന്തുണയ്ക്കും വളരെ […]

രാജാക്കാട്: വാഹനാപകടത്തിൽ പരിക്കേറ്റ ഗൃഹനാഥൻ മരിച്ചു. രാജാക്കാട് അടിവാരം കാപ്പിൽ ദിവാകരൻ (65) ആണ് മരിച്ചത്. മൂന്നാഴ്ച മുമ്പ് മകൻ സുജിതിന്റെ കല്യാണം ക്ഷണിക്കാനായി അരിവിളംചാലിലുള്ള ബന്ധുവീട്ടിൽ പോയി മടങ്ങും വഴിയാണ് ആത്മാവുസിറ്റിക്ക് സമീപം ഇവർ സഞ്ചരിച്ച കാർ അപകടത്തിൽപ്പെട്ടത്. ഗുരുതര പരിക്കേറ്റ ദിവാകരനും, ഭാര്യ സതിയും കോതമംഗലത്ത് സ്വകാര്യ ആശുപത്രിയിൽ ചികിത്സയിലായിരുന്നു. കാർ ഓടിച്ചിരുന്ന സുജിതിന് നിസ്സാര പരിക്കേറ്റു. സംസ്കാരം ഇന്ന് ഉച്ചക്ക് 12 ന് വീട്ടുവളപ്പിൽ .ഭാര്യ സതി രാജാക്കാട് മാനാംതടത്തിൽ കുടുംബാംഗം. മക്കൾ: […]

ബെംഗളൂരു: കര്‍ണാടകയില്‍ ബിജെപി എംഎല്‍എയെ കൊലപ്പെടുത്താന്‍ കോണ്‍ഗ്രസ് നേതാവ് ആസൂത്രണം നടത്തുന്നതിന്റെ വീഡിയോ പുറത്ത്. യെലഹങ്ക എംഎല്‍എ എസ്ആര്‍ വിശ്വനാഥനെ കൊലപ്പെടുത്താനാണ് കോണ്‍ഗ്രസ് നേതാവായ ഗോപാല്‍കൃഷ്ണ പദ്ധതിയിട്ടത്. കോണ്‍ഗ്രസ് നേതാവ് ഒപ്പമുള്ളയാളോട് പറയുന്നത് എംഎല്‍എയെ എങ്ങനെയെങ്കിലും അവസാനിപ്പിക്കണം. അതിന് ഒരു കോടിയോ മറ്റോ ആകട്ടെ. അത് തരാം. ആരുമറിയാതെ തീര്‍ത്തുകളയണമെന്നും പറയുന്നത് വീഡിയോയില്‍ വ്യക്തമാണ്. Plot to assassinate a sitting BJP MLA & chairman of BDA SR vishwanath being probed by […]

മിഷിഗണ്‍: മിഷിഗണ്‍ സ്‌കൂളില്‍ നടന്ന വെടിവെപ്പില്‍ മൂന്ന് വിദ്യാര്‍ത്ഥികള്‍ കൊല്ലപ്പെട്ട ഭീകര നിമിഷങ്ങള്‍ ഓര്‍ത്തെടുത്ത് സഹപാഠികള്‍. സ്‌കൂള്‍ കെട്ടിടത്തിനുള്ളില്‍ വെടിയൊച്ച മുഴങ്ങുകയും മരണത്തെ മുന്നില്‍ കാണുകയും ചെയ്ത നിമിഷത്തെക്കുറിച്ച് വിദ്യാര്‍ത്ഥികള്‍ പ്രതികരിച്ചു. ഓക്സ്ഫോര്‍ഡ് ഹൈസ്‌കൂള്‍ സീനിയര്‍ എയ്ഡന്‍ പേജും സഹപാഠികളും അവരുടെ എപി സ്റ്റാറ്റിസ്റ്റിക്സ് ക്ലാസിനു തയ്യാറെടുക്കവെയാണ് ഞെട്ടിച്ചുകൊണ്ട് വെടിയൊച്ച മുഴങ്ങിയത്. തങ്ങളുടെ ക്ലാസ് ടീച്ചര്‍ ഉടന്‍ തന്നെ ഓടിച്ചെന്ന് ക്ലാസ്‌റൂമിന്റെ വാതിലുകള്‍ അടച്ചെന്നും മെറ്റല്‍ ഡോര്‍‌സ്റ്റോപ്പ് ഉപയോഗിച്ച് അത് അടയ്ക്കുകയും ചെയ്തുവെന്നും മേശകള്‍ വലിച്ച് വാതിലിനരികിലേക്ക് […]

കുവൈത്ത് സിറ്റി: കോവിഡ് മൂലം മരണപ്പെട്ടവരുടെ ആശ്രിതർക്ക് സർക്കാർ പ്രഖ്യാപിച്ച ധനസഹായം, മരണപ്പെട്ട പ്രവാസികളുടെ ആശ്രിതർക്കു കൂടി നൽകണമെന്ന് കുവൈത്ത് കെ എം സി സി സംസ്ഥാന പ്രവർത്തക സമിതിയോഗത്തിൽ അവതരിപ്പിച്ച പ്രമേയത്തിൽ കേന്ദ്ര-സംസ്ഥാന ഗവൺമെന്റുകളോടാവശ്യപ്പെട്ടു. ഇക്കാര്യത്തിൽ കോടതി ഇടപെടൽ ഉണ്ടായിട്ടു പോലും ഒളിച്ചുകളി നടത്തുന്ന സംസ്ഥാന സർക്കാറിന്റെ നിലപാട് അങ്ങേയറ്റം അപലനീയമാണെന്നും യോഗം വിലയിരുത്തി. ഇത് സംബന്ധിച്ച് മുഖ്യമന്ത്രി, വിദേശകാര്യ മന്ത്രി എന്നിവർക്ക് ഇ മെയിൽ സന്ദേശമയച്ചതായി കെ.എം.സി.സി. പ്രസിഡന്റ് ഷറഫുദ്ദീൻ കണ്ണേത്തും ജനറൽ സെക്രട്ടറി […]

error: Content is protected !!