04
Saturday December 2021
ലേഖനങ്ങൾ

ഇന്ധവില കൂട്ടി സാധാരണക്കാരുടെ ജീവിതത്തെ ഗതിമുട്ടിക്കരുത്… (ലേഖനം) 

ന്യൂസ് ബ്യൂറോ, പാലക്കാട്
Thursday, October 21, 2021

-അസീസ് മാസ്റ്റർ

തുടര്‍ച്ചയായ പ്രതിസന്ധികളാണ് രാജ്യത്തെ ജനങ്ങള്‍ നേരിട്ടു കൊണ്ടിരിക്കുന്നത്. പലരും ആത്മഹത്യ ചെയ്യുകയോ, അതിനുള്ള തയ്യാറെടുപ്പിലോ ആണ്. ആത്മഹത്യ ഒന്നിനും പരിഹാരമല്ലെന്നും മാനസികാരോഗ്യ വിദഗ്ദ്ധരുടെ സഹായം തേടണമെന്നും അതിജീവിക്കാന്‍ 1056 എന്ന നമ്പറില്‍ വിളിക്കുക എന്നും സര്‍ക്കാര്‍ മാധ്യമങ്ങളിലൂടെ പൊതുജനത്തെ അറിയിക്കുമ്പോള്‍ തന്നെ, വരുമാനമാര്‍ഗം മുട്ടിക്കുന്ന തിരക്കിലാണ് സര്‍ക്കാര്‍ എന്ന് പറയേണ്ടി വരുന്ന ഗതികേടിലാണ്.

കാരണം കോവിഡ് മഹാമാരി സൃഷ്ടിച്ച സാമ്പത്തികമാന്ദ്യത്തെ പോലെ തന്നെ, പ്രളയത്തുടക്കവും കൊണ്ട് ആളുകള്‍ വിഷമസന്ധിയിലാകുമ്പോള്‍ തന്നെ, തുടര്‍ച്ചയായ ഇന്ധന-പാചകവാതക വില കൂട്ടി സര്‍ക്കാര്‍ സാധാരണക്കാരുടെ ജീവിതം ഗതിമുട്ടിക്കുകയാണ്. പെട്രോളിന്റെയും ഡീസലിന്റെയും നിത്യേന ഉയരുന്ന വില കാരണം ജീവിതച്ചെലവ് വര്‍ധിക്കുകയും എന്നാല്‍ തൊഴില്‍ നഷ്ടം സംഭവിക്കുകയും ചെയ്യുന്ന വര്‍ത്തമാനകാല സാഹചര്യത്തെ എങ്ങനെ നേരിടണമെന്ന് അറിയാതെ ഉഴലുകയാണ് പൗരന്മാര്‍.

എന്നാല്‍ നരേന്ദ്രമോദി സര്‍ക്കാര്‍ ഇത്തരം യാഥാര്‍ത്ഥ്യങ്ങളെ കണ്ടില്ലെന്ന് നടിച്ച് കുബേരന്മാരെ വീണ്ടും കോടിപതികളാക്കിയും പാവപ്പെട്ടവനെ വീണ്ടും മുഴുപട്ടിണിയിലേക്കും തള്ളിവിടുന്ന ഉദാരനയങ്ങള്‍ കൊണ്ട് പൊറുതി മുട്ടുന്ന രാഷ്ട്രീയ സാഹചര്യം ലോകമെമ്പാടുമുള്ളവരെ അമ്പരപ്പിക്കുന്നതാണ്.

സര്‍ക്കാരിന്റെ ധനകമ്മി നികത്താനുള്ള വഴിയായിട്ടാണ് ഇന്ധനവിലയെ മോദി സര്‍ക്കാര്‍ കാണുന്നത്.  ഉപയോക്താവ് നല്‍കുന്ന വിലയില്‍ 60 ശതമാനം നികുതിയാണ്. പല തരത്തിലുള്ള സെസ്സുകള്‍  ചുമത്തുന്നുണ്ട്.  അതില്‍നിന്നുള്ള വരുമാനം കേന്ദ്രത്തിന് പൂര്‍ണമായി എടുക്കാം. സംസ്ഥാനങ്ങളുമായി പങ്കുവയ്‌ക്കേണ്ടതില്ല.

2020-21ല്‍ 2,67,000 കോടി രൂപയാണ് എണ്ണവിലയില്‍നിന്ന് സെന്‍ട്രല്‍ എക്‌സൈസായി ബജറ്റില്‍ പ്രതീക്ഷിച്ചിരുന്നത്. എന്നാല്‍, പിരിച്ചത് 3,61,000 കോടി.  94,000 കോടിയുടെ വര്‍ധന.  2021-22ല്‍ പ്രതീക്ഷിക്കുന്നത് 3.2 ലക്ഷം കോടിയാണ്.  യഥാര്‍ഥ വരുമാനം  എത്രയോ കൂടുതലായിരിക്കും.

ക്രൂഡിന് വില കുറയുമ്പോള്‍ ഇവിടെ എണ്ണയ്ക്കും പാചകവാതകത്തിനും വില കൂട്ടി  കൊള്ളയടിക്കുകയാണ് മോദി സര്‍ക്കാര്‍ ചെയ്യുന്നത്. 2014ല്‍ മോദി അധികാരത്തില്‍ വരുമ്പോള്‍ ഗാര്‍ഹിക സിലിണ്ടറിന് 400 രൂപയായിരുന്നു.

അന്ന് സിലിണ്ടര്‍ തലയിലേറ്റി പ്രതിഷേധിച്ചവരാണ് ബിജെപിക്കാര്‍. കവര്‍ച്ചക്കാരെപ്പോലും നാണിപ്പിക്കുന്നതാണ് പാചകവാതക വിലയുടെ കാര്യത്തില്‍ മോദി സര്‍ക്കാരിന്റെ കബളിപ്പിക്കല്‍. പാചകവാതക സബ്‌സിഡി ഓരോരുത്തരുടെയും ബാങ്ക് അക്കൗണ്ടിലേക്ക് എത്തുമെന്നായിരുന്നു പ്രചരിപ്പിച്ചത്. കുറച്ചുമാസം കൊടുത്തു. ഇപ്പോള്‍ സബ്‌സിഡിയില്ല.  സബ്‌സിഡി നിര്‍ത്തിയ കാര്യം ഇതുവരെ ജനങ്ങളോട് പറഞ്ഞിട്ടുമില്ല.

പെട്രോളിയം ഉല്‍പ്പന്നങ്ങളെ ജിഎസ്ടിയുടെ പരിധിയില്‍ കൊണ്ടുവരാന്‍ പ്രതിപക്ഷം ഭരിക്കുന്ന സംസ്ഥാനങ്ങള്‍ എതിര്‍ക്കുന്നതാണ് വില കുറയ്ക്കാന്‍ തടസ്സമെന്ന പ്രചാരണവും സംഘപരിവാര്‍ കേന്ദ്രങ്ങള്‍ പറയുന്നുണ്ടെങ്കിലും അരിയാഹാരം കഴിക്കുന്നവര്‍ വിശ്വസിക്കാന്‍ പോകുന്നില്ല.

ജിഎസ്ടി ബാധകമായ പാചകവാതകത്തിന്റെ വില കൂടുന്നത് എന്തുകൊണ്ടാണെന്ന ചോദ്യത്തിന് ഉത്തരമില്ല. ജിഎസ്ടി കൗണ്‍സില്‍ ചേര്‍ന്നപ്പോള്‍, പെട്രോളിയം ഉല്‍പ്പന്നങ്ങള്‍ ജിഎസ്ടിയിലേക്ക് മാറ്റുന്നതിനെ ബിജെപി ഭരിക്കുന്ന സംസ്ഥാനങ്ങളും  എതിര്‍ത്തതോടെ ആ പ്രചാരണവും ചീറ്റിപ്പോയി എന്നത് തന്നെ കാരണം.

ആഗോളവിപണിയാണ് എണ്ണവില നിയന്ത്രിക്കുന്നതെന്നും സര്‍ക്കാരിന് അതില്‍ പങ്കില്ലെന്നുമുള്ള വാദം നിര്‍ത്തി പൊതുജന പ്രതിഷേധത്തെ നേരിടാനും സംഘപരിവാര്‍ ശ്രമിച്ചെങ്കിലും എല്ലാമറിയുന്ന ജനം വിശ്വസിക്കാന്‍ പോകുന്നില്ല. ഇന്ധന വില 2010 വരെ നിയന്ത്രിച്ചിരുന്നത് സര്‍ക്കാരായിരുന്നു.

2010ല്‍ മന്‍മോഹന്‍ സിങ് സര്‍ക്കാര്‍ പെട്രോളിന്റെ വിലനിയന്ത്രണം നീക്കി.  പിന്നാലെ വന്ന മോദി സര്‍ക്കാര്‍ 2014ല്‍ ഡീസലിന്റെ നിയന്ത്രണവും ഒഴിവാക്കി. ഇത് തെളിയിക്കുന്നത്, ജനങ്ങളോട് ഉത്തരവാദിത്വമുള്ള സര്‍ക്കാരാണെങ്കില്‍ വില നിയന്ത്രണം സാധിക്കുമെന്നാണ്.  കേരളം ഉള്‍പ്പെടെ അഞ്ചു സംസ്ഥാനങ്ങളിലേക്ക് തെരഞ്ഞെടുപ്പ് നടന്നപ്പോള്‍ വില വര്‍ധിച്ചില്ല എന്നത് സിപിഎം പോലുള്ള രാഷ്ട്രീയ പാര്‍ട്ടികള്‍ ഉയര്‍ത്തുന്ന ചോദ്യങ്ങള്‍ക്ക് മുന്നില്‍ ബി ജെ പി നേതാക്കള്‍ വിയര്‍ക്കുകയാണ്.

പെട്രോളിന്റെയും ഡീസലിന്റെയും വില കൂട്ടിയാല്‍ ഉപയോഗം കുറയ്ക്കാന്‍ കഴിയുമെന്നത് മിഥ്യാധാരണയാണ്. ഇന്ധന ഉപയോഗം കൂടിവരികയാണ്. 2021 മാര്‍ച്ചില്‍ അവസാനിച്ച പാദത്തില്‍ 78 ലക്ഷം ടണ്ണാണ് ഇന്ത്യയുടെ ഉപയോഗം. വില വര്‍ധനയില്‍ റെക്കോഡുണ്ടായിട്ടും മുന്‍വര്‍ഷത്തില്‍ ഇതേ കാലയളവിനെ അപേക്ഷിച്ച് 9.7 ശതമാനം വര്‍ധന.

പാരമ്പര്യേതര ഊര്‍ജത്തിന് സാമ്പത്തിക ഇളവുകള്‍, മികച്ച പൊതുഗതാഗത സംവിധാനം, നിലവാരമുള്ള റോഡുകള്‍, വൈദ്യുതി വാഹനങ്ങള്‍ക്ക് പ്രോത്സാഹനം എന്നിവയൊക്കെ വരുമ്പോഴേ ഫോസില്‍ ഇന്ധനത്തിന്റെ ഉപയോഗം കുറയ്ക്കാന്‍ കഴിയൂവെന്നത് പൊതുവിജ്ഞാനമാണ്.

അല്ലാതെ, വില കൂട്ടിയാല്‍ ജനങ്ങളുടെമേല്‍ അധികഭാരം വരികയേയുള്ളൂ. പെട്രോളും ഡീസലും ഉപയോഗിക്കുന്നത് സാമ്പത്തിക ശേഷിയുള്ളവരാണെന്ന വാദവും തെറ്റാണ്. പെട്രോളിയം ഉല്‍പ്പന്നങ്ങളുടെ പ്രധാന ഉപയോക്താക്കള്‍ സാധാരണക്കാരാണ്.

ഡീസലിന് വില കൂടുമ്പോള്‍ ചരക്കുകുലി വര്‍ധിക്കുമെന്നും അതുമൂലം അത്യാവശ്യ സാധനങ്ങളുടെ വില ഉയരുമെന്നും ആര്‍ക്കാണ് അറിയാത്തത്. എണ്ണവില കൂടുമ്പോള്‍ ബാധിക്കാത്ത മേഖലയില്ല.

എണ്ണവില കൂട്ടുന്നതിനു പകരം, കോര്‍പറേറ്റ് നികുതിയിലെ ഇളവുകള്‍ അവസാനിപ്പിക്കുകയും ന്യായമായ സ്വത്തുനികുതി ഏര്‍പ്പെടുത്തുകയുമാണ് വേണ്ടത്. എല്ലാവര്‍ക്കും താങ്ങാവുന്ന ഇന്ധനവില നിശ്ചയിക്കുന്ന നല്ലൊരു നാളെ പ്രതീക്ഷിച്ചുകൊണ്ട് എല്ലാവര്‍ക്കും നേരുന്നു ശുഭസായാഹ്നം. ജയ്ഹിന്ദ്.

Related Posts

More News

കുവൈറ്റ്: പ്രവാസ ജീവിതം അവസാനിപ്പിച്ചു നാട്ടിലേക്കു മടങ്ങുന്ന ഇടുക്കി അസോസിയേഷൻ കുവൈറ്റിന്റെ സ്ഥാപക അംഗവും, ട്രെഷറർ, എക്സിക്യൂട്ടീവ് കമ്മിറ്റി അംഗം,അഡ്വൈസറി ബോർഡംഗംഎന്നീ നിലകളിൽ പ്രവർത്തിച്ചിട്ടുള്ള ജോസഫ് മൂക്കൻതോട്ടത്തിനും, ഷിലു കെഎൻനും, അദ്ദേഹത്തിന്റെ പത്നി വനിതാവേദിയുടെ ചെയർപേഴ്സൺ, എക്സിക്യൂട്ടീവ് കമ്മിറ്റിഅംഗം, ജോയിന്റ്സെക്രട്ടറി എന്നീ നിലകളിൽ പ്രവർത്തിച്ചിട്ടുള്ള ബെർലി ഷിലുവിനും ഇടുക്കി അസോസിയേഷൻ കുവൈറ്റ് പ്രതിനിധികൾ യാത്രയയപ്പു നൽകി. ഡിസംബർ മൂന്നാം തിയതി അബ്ബാസിയ പോപ്പിൻസ്ഹാളിൽ വെച്ച്നടന്ന കുടുംബസംഗമത്തിൽ ഇടുക്കി അസോസിയേഷൻ പ്രസിഡന്റ് ജിജി മാത്യു മുഞ്ഞനാട്ട് അദ്ധ്യക്ഷതവഹിച്ചു. സെക്രട്ടറി […]

പാലാ: നഗരസഭ റെയിൽവേ റിസർവേഷൻ കൗണ്ടർ പ്രവർത്തനം പുനരാരംഭിച്ചതായി ചെയർമാൻ ആന്റോ ജോസ് പടിഞ്ഞാറെക്കര. 2012 ജനുവരി 12 മുതൽ പ്രവർത്തനം ആരംഭിച്ച റെയിൽവേ റിസർവേഷൻ കൗണ്ടർ, കോവിഡ് 19-ന്റെപശ്ചാത്തലത്തിൽ 2021 മാര്‍ച്ച്‌ മുതൽ പ്രവർത്തനം നിർത്തി വച്ചിരുന്നതാണ്. എന്നാൽ ഇത് മുഖാന്തരം പൊതുജനങ്ങൾക്ക് വളരെയേറെ ബുദ്ധിമുട്ടുകൾ ഉണ്ടാകുന്നതായ സാഹചര്യങ്ങൾ കണക്കിലെടുത്ത്, ഒക്ടോബർ നാലാം തീയതി കൂടിയ കൗൺസിൽ, റെയിൽവേ കൗണ്ടർ വീണ്ടും തുറക്കുന്നതിന് തീരുമാനിക്കുകയും, സതേൺ റെയിൽവേ റൈഡറുടെ അനുവാദത്തോടെ വീണ്ടും പ്രവർത്തന സജ്ജം ആക്കുകയുമാണ് […]

കുവൈറ്റ് സിറ്റി: കന്നഡ നടനും സാമൂഹിക പ്രവർത്തകനുമായ പുനീത് രാജ്കുമാറിന്റെ (അപ്പു) ജീവിതത്തെയും പ്രവർത്തനങ്ങളെയും അനുസ്മരിക്കുന്നതിനായി ഭാരതീയ പ്രവാസി പരിഷത്ത് (ബിപിപി), കുവൈറ്റ് – കർണാടക വിംഗും ബിഡികെ കുവൈറ്റും സംയുക്തമായി രക്തദാന ക്യാമ്പ് സംഘടിപ്പിച്ചു. ഇന്ത്യ-കുവൈത്ത് നയതന്ത്ര ബന്ധത്തിന്റെ 60-ാം വാർഷികവും ഇന്ത്യൻ സ്വാതന്ത്ര്യത്തിന്റെ 75-ാം വാർഷികവും പ്രമാണിച്ച് കൂടിയാണ് ക്യാമ്പ് സംഘടിപ്പിച്ചത്. ഡിസംബർ 3 വെള്ളിയാഴ്ച ഉച്ചയ്ക്ക് 1 മണി മുതൽ 6 മണി വരെ അദാൻ കോ-ഓപ്പറേറ്റീവ് ബ്ലഡ് ട്രാൻസ്ഫ്യൂഷൻ സെന്ററിൽ നടന്ന […]

കുവൈത്ത് സിറ്റി: കുവൈത്ത്കെ എം സി സി കൊയിലാണ്ടി മണ്ഡലം കമ്മിറ്റി അഖിലേന്ത്യാ ബാഡ്‌മിന്റൺ ടൂർണമെന്റ് സംഘടിപ്പിക്കുന്നു. 2022 ജനുവരി 7 വെള്ളിയാഴ്ച കാലത്ത് 8 മണി മുതൽ വൈകിട്ട് 8 മണി വരെയാണ് മത്സരം. ഇന്ത്യ -കുവൈത്ത് നയതന്ത്ര വാർഷികത്തിന്റെ ആഘോഷ പരിപാടിയിൽ ഉൾപ്പെടുത്തി നടത്തുന്ന ടൂർണ്ണമെന്റ് അഹമ്മദി ‘ഐസ്‍മാഷ് ബാഡ്‌മിന്റൺ’ കോർട്ടിലാണ് നടക്കുക. പ്രഫഷണൽ, ഇന്റർമീഡിയറ്റ്, ലോവർ, കെ എം സി സി ഇന്റെർണൽ എന്നീ കാറ്റഗറിയിലാണ് മത്സരം നടക്കുക. രജിസ്ട്രേഷന്  65023055, 94072055 […]

ജയ്‌സാല്‍മീര്‍: കേന്ദ്ര ആഭ്യന്തര മന്ത്രി അമിത് ഷാ രാജസ്ഥാനിലെ ജയ്‌സാൽമീറിലെ രോഹിതാഷ് ഇന്ത്യ-പാകിസ്ഥാൻ അതിർത്തി ഔട്ട്‌പോസ്റ്റ് സന്ദർശിച്ചു. ബിഎസ്എഫ് ഉദ്യോഗസ്ഥരുമായും അദ്ദേഹം കൂടിക്കാഴ്ച നടത്തി. മേഖലയില്‍ ബിഎസ്എഫ് നടത്തുന്ന രാത്രികാല പട്രോളിംഗ് അമിത് ഷാ നിരീക്ഷിക്കും. രാജ്യത്തിന്റെ അതിര്‍ത്തി കാക്കുന്ന സൈനികരില്‍ തങ്ങള്‍ക്ക് വിശ്വാസമുണ്ടെന്നും, ഇന്ത്യയിലെ 130 കോടി ജനങ്ങള്‍ക്കും സമാധാനമായി ഉറങ്ങാന്‍ കഴിയുന്നുണ്ടെന്നും അദ്ദേഹം പറഞ്ഞു. ആയുഷ്മാൻ ഭാരത് പദ്ധതി സിഎപിഎഫിലേക്ക് നീട്ടുമെന്നും അമിത് ഷാ പ്രഖ്യാപിച്ചു. “എല്ലാ സിഎപിഎഫ് ജവാൻമാർക്കും അവരുടെ കുടുംബങ്ങൾക്കും പ്രത്യേക […]

കോട്ടയം: കുമ്മണ്ണൂരിൽ 11 വയസ്സുകാരനെ തൂങ്ങിമരിച്ച നിലയിൽ കണ്ടെത്തി. കുമ്മണ്ണൂർ പാറയ്ക്കാട്ട് വീട്ടിൽ സിയോൺ രാജുവാണ് മരിച്ചത്. ഗെയിം കളിക്കാൻ മൊബൈൽ നൽകാത്തതിനെ തുടർന്ന് കുട്ടി ആത്മഹത്യ ചെയ്തതാണെന്നാണ് വിവരം. ഏറെനേരം ഗെയിം കളിച്ചപ്പോൾ കുട്ടിയുടെ കൈയ്യിൽ നിന്ന് ഫോൺ വാങ്ങി വെച്ചിരുന്നു. തുടര്‍ന്ന്‌ മുറിയിൽ കയറി വാതിലടക്കുകയായിരുന്നു. ജനൽ കമ്പിയിൽ പുതപ്പ് കെട്ടി തൂങ്ങി മരിക്കുകയായിരുന്നു. ( ആത്മഹത്യ ഒരു പ്രശ്നത്തിനും പരിഹാരമല്ല. പ്രതിസന്ധികൾ അത്തരം തോന്നൽ ഉണ്ടാക്കിയാൽ കൗൺസിലിങ് പിന്തുണക്കായി ഈ നമ്പറുകളിൽ ബന്ധപ്പെടുക. […]

ന്യൂഡൽഹി: പ്രതിദിന കോവിഡ് കേസുകളും മരണനിരക്കും വർധിക്കുന്നതിൽ ആശങ്ക രേഖപ്പെടുത്തി കേന്ദ്രസർക്കാർ കേരളമുൾപ്പെടെ അഞ്ച് സംസ്ഥാനങ്ങൾക്ക് കത്തയച്ചു. കേരളത്തിനു പുറമേ ഒഡീഷ, കർണാടക, തമിഴ്‌നാട്, മിസോറം സംസ്ഥാനങ്ങൾക്കും കേന്ദ്രഭരണപ്രദേശമായ ജമ്മു കശ്മീരിനുമാണ് കത്തയച്ചത്. കഴിഞ്ഞ മാസത്തെ കൊവിഡ് ബാധിതരില്‍ 55% വും കേരളത്തില്‍ നിന്നാണെന്ന് കേന്ദ്രം വ്യക്തമാക്കി. മരണനിരക്കും രോഗവ്യാപനവും പിടിച്ചുനിര്‍ത്തണമെന്ന് സംസ്ഥാനത്തിന് കേന്ദ്രം നിര്‍ദ്ദേശം നല്‍കി. കേരളത്തില്‍ കൊവിഡ് മരണം കൂടിയെന്നാണ് കേന്ദ്രസര്‍ക്കാരിന്‍റെ കണക്കുകള്‍ വ്യക്തമാക്കുന്നത്.

പിണറായി വിജയനും കോടിയേരി ബാലകൃഷ്ണനും. ഒരാള്‍ കേരളത്തിലെ ഇടതുപക്ഷ സര്‍ക്കാരിന്‍റെ മുഖ്യമന്ത്രി, മറ്റേയാള്‍ സി.പി.എം സംസ്ഥാന സെക്രട്ടറി. അസുഖത്തെ തുടര്‍ന്ന് ഒരു വര്‍ഷത്തോളം ചുമതലയില്‍ നിന്നും മാറി നിന്നിരുന്ന കോടിയേരി പാര്‍ട്ടി സെക്രട്ടറി സ്ഥാനത്തേയ്ക്കു മടങ്ങിവന്നതിനേപ്പറ്റി ‘മാതൃഭൂമി ന്യൂസ് ‘ വെള്ളിയാഴ്ച (ഡിസംബര്‍ 3, 2021) രാത്രി എട്ടു മണിക്കു നടത്തിയ ‘സൂപ്പര്‍ പ്രൈം ടൈം’ ചര്‍ച്ച മുഖ്യമന്ത്രി പിണറായി വിജയനും പാര്‍ട്ടി സെക്രട്ടറി കോടിയേരി ബാലകൃഷ്ണനും തമ്മിലുള്ള ബന്ധത്തിലേയ്ക്ക് കടന്നു ചെല്ലുന്നതായിരുന്നു. സൂഷ്മമായ നിരീക്ഷണത്തിലൂടെ എന്‍.എം […]

കാഞ്ഞിരമറ്റം: കുലയറ്റിക്കര മേലോത്ത് എം.എം വർഗീസ് 72 നിര്യാതനായി. സംസ്ക്കാരം നാളെ രാവിലെ 11ന് കുലയറ്റിക്കര സെൻ്റ് ജോർജ് യാക്കോബായ സുറിയാനി സ്ലീബാ പള്ളിയിൽ. ഭാര്യ: ലിസി വർഗീസ് പെരുമ്പളം പുത്തൻപുരയിൽ കുടുംബാംഗം. മക്കൾ: മേരി, വിജിൽ വർഗീസ്. മരുമകൻ: ഷൈജു പൊല്ലയിൽ.

error: Content is protected !!