01
Wednesday December 2021
ലേഖനങ്ങൾ

ദേശീയ പ്രസ്ഥാനത്തിന് സംഭാവന ചെയ്ത കോണ്‍ഗ്രസിനും ആദ്യകാല കമ്മ്യൂണിസ്റ്റ് ആചാര്യന്മാര്‍ക്കും പോലും ഇന്ത്യയുടെ ചരിത്രത്തിന്റെ മുഴുവന്‍ ഭാഗത്തും ഭാഗഭാക്കാകാനായില്ല. അപ്പോഴാണ് ഒരു സംഭാവന പോലും ചെയ്യാതെ, ബ്രിട്ടീഷുകാരുടെ ഷൂ നക്കികളായി ജീവിതം ഉഴിഞ്ഞുവെച്ചവരെ സ്വാതന്ത്ര്യത്തിന്റെ ഭാഗഭാക്കാകാനായി ചരിത്രം തേടി അലയുന്നത്. ചരിത്രത്തോടുള്ള കടന്നു കയറ്റം അംഗീകരിക്കാനാവില്ല… (ലേഖനം)

ന്യൂസ് ബ്യൂറോ, പാലക്കാട്
Monday, October 25, 2021

-അസീസ് മാസ്റ്റർ

ഇന്ത്യയുടെ ജീവസുറ്റ ചരിത്രത്തില്‍ ഒരു പങ്കും വഹിക്കാതെ മാറി നിന്നവരാണ് ഇന്ന് ദേശീയവാദികളുടെ കുത്തക അവകാശപ്പെടുന്ന സംഘപരിവാര്‍. ജനങ്ങളുടെ നീറുന്ന പ്രശ്‌നങ്ങളില്‍ ഇടപെടാതെ, മതവൈരവും ജനദ്രോഹവും നടത്തി, ഇന്ത്യയുടെ ഭാവിയെ പോലും തകര്‍ക്കുന്ന ചിന്തകളാണ് സംഘപരിവാര്‍ പ്രസ്ഥാനങ്ങള്‍ രാജ്യത്തുടനീളം നടത്തി വരുന്നത്.

ഇപ്പോള്‍ സ്വാതന്ത്ര്യസമര ചരിത്രത്തില്‍ കൂടി തെറ്റായ വിവരങ്ങള്‍ ചേര്‍ത്ത്, ദേശീയ പ്രസ്ഥാനത്തിന് സംഭാവനകള്‍ നല്‍കാത്തതിന്റെ ജാള്യത തീര്‍ക്കാനുള്ള അണിയറ ഒരുക്കത്തിലാണ്. ഇന്ധനവിലയും പാചകവാതകവും കൊണ്ട് വീര്‍പ്പുമുട്ടുന്ന ജനങ്ങള്‍ക്കിടയില്‍ വിദ്വേഷത്തിന്റെ വിഷവിത്തുകള്‍ വിതരണം ചെയ്യാന്‍, കാലേക്കൂട്ടി തയ്യാറാക്കുന്ന തിരക്കഥകള്‍ക്ക് മതേതര കേരളത്തില്‍ വിലപ്പോവാതെ വന്നതോടെയാണ്, ചരിത്രത്തിന്റെ മറവില്‍ സംഘപരിവാറിന് പ്രതിച്ഛായ ഉണ്ടാക്കാനുള്ള ശ്രമത്തിലേക്ക് ഇവരെ നയിക്കുന്നത്.

ഇന്നുവരെ സാധാരണക്കാരന്റെ ആവശ്യത്തോട് അനുതാപം പ്രകടിപ്പിക്കാത്ത, എന്നാല്‍ സമാധാന ജീവിതത്തിന് തുരങ്കം വെക്കാനും വര്‍ഗീയ കലാപങ്ങള്‍ക്ക് ആയുധപരീശീലനം നല്‍കാനും സംഘപരിവാര്‍ നല്‍കുന്ന സംഭാവനകള്‍ ചരിത്രത്തിന്റെ പിന്‍ബലത്തോടെ മതേതരവാദികള്‍ പൊതുസമൂഹത്തില്‍ അവതരിപ്പിച്ച് തുടങ്ങിയതോടെയാണ്, ചരിത്രം പുനഃസൃഷ്ടിക്കാന്‍ ഈ ബുദ്ധികേന്ദ്രങ്ങളെ പ്രേരിപ്പിക്കുന്ന ഘടകം. കോവിഡ് മഹാമാരി രാജ്യത്ത് ശക്തമായപ്പോള്‍ പാത്രം കൊട്ടിയും വിളക്കണച്ചും ചാണകകുളി നടത്തിയും പ്രതിരോധം തീര്‍ത്ത ബുദ്ധികളാണ് ഇവര്‍ക്ക് ശക്തി പകരുന്നത്.

ബ്രീട്ടീഷുകാര്‍ക്കെതിരേ പടപൊരുതിയ മലപ്പുറത്തെ സ്വാതന്ത്ര്യസമരസേനാനികളെയും മുസ്‌ലിം പോരാളികളെയും അവരുടെ സംഭാവനകളെയും അംഗീകരിക്കാതെ, പുതിയ കഥകള്‍ മെനഞ്ഞ് ചരിത്രത്തോട് നീതിനിഷേധം നടത്തി, ആളുകള്‍ക്കിടയില്‍ ഭിന്നാഭിപ്രായം ഉണ്ടാക്കാനുള്ള ശ്രമത്തിന് ചെറിയ തോതില്‍ ഫലം കണ്ടു തുടങ്ങിയതോടെ, സ്വാതന്ത്ര്യസമര ചരിത്രത്തില്‍ മാപ്പെഴുതിയ സംഘ ചിന്തകന്മാര്‍ക്ക് വീരപട്ടം നല്‍കാന്‍ കഴിയാതെ വിഷമിക്കുമ്പോഴാണ്, ഇപ്പോള്‍ ജീവിച്ചിരിക്കുന്ന സ്വാതന്ത്ര്യസമര സേനാനികളെ കണ്ടെത്തി, അവരെ സംഘപരിവാര്‍ ആശയക്കാരാക്കി അവതരിപ്പിച്ച് വരുംതലമുറയെ കബളിപ്പിക്കാനുള്ള തിരക്കഥയ്ക്കായി വിദ്യാര്‍ത്ഥികളെയും അധ്യാപകരെയും നിയോഗിച്ചിരിക്കുന്നത്.

സ്വാതന്ത്ര്യസമരത്തില്‍ പങ്കെടുത്തവരില്‍ പലരും ഓര്‍മ്മയായി. ജീവിച്ചിരിക്കുന്നവരുണ്ടെങ്കില്‍ വിരലിലെണ്ണാവുന്നവരും പ്രായാധിക്യത്തിന്റെ അസ്‌കിതയില്‍ വിഷമിച്ച് ഓര്‍മ്മ പോലും പങ്കുവെക്കാനാവാത്ത അവസ്ഥയിലുമായിരിക്കും. അതിനാല്‍, ചരിത്രത്തില്‍ വ്യാജനിര്‍മ്മിതിക്ക് എളുപ്പം സാധ്യമാണെന്ന തിരിച്ചറിവിലാണ് സംഘിബുദ്ധികള്‍.

വിവിധ സമരങ്ങളില്‍ പങ്കെടുത്ത് മരിച്ചവരുടെ വിവരങ്ങള്‍ ശേഖരിച്ച് പട്ടിക തയ്യാറാക്കി ചരിത്രത്തിന്റെ ഭാഗമാക്കാനാണ് വിദ്യാര്‍ത്ഥി സംഘടനയായ എബിവിപിയെ ചുമതലപ്പെടുത്തിയിരിക്കുന്നത്. സംസ്ഥാന-ദേശീയ തലങ്ങളിലാണ് വിവര ശേഖരണമെന്ന പേരില്‍ ചരിത്രത്തോടുള്ള കടന്നുകയറ്റത്തിനുള്ള ശ്രമമാരംഭിക്കുന്നത്.

ഇത് അംഗീകരിക്കാനാവില്ല. ആദ്യകാല ചരിത്രത്തിലില്ലാത്ത വസ്തുതകള്‍ തെറ്റെന്ന് കണ്ടെത്തി, വ്യാജമായി നിര്‍മ്മിക്കുന്ന ചരിത്രത്തിന് കേന്ദ്രം ഭരിക്കുന്ന സര്‍ക്കാറിന്റെ പിന്തുണ കൂടിയാവുമ്പോള്‍, ചരിത്രം വളച്ചൊടിക്കാന്‍ ഏറെ വിയര്‍പ്പൊഴുക്കേണ്ടി വരില്ല. സംഘപരിവാര്‍ ചിന്തകന്മാരായ അധ്യാപകരും വിദ്യാര്‍ത്ഥികളും കുട്ടികളെ സംഘപ്രസ്ഥാനത്തിന്റെ പേരില്‍ തയ്യാറാക്കുന്ന ചരിത്രം ആണ് യഥാര്‍ത്ഥമെന്ന പേരില്‍ പുതുതലമുറയെ പഠിപ്പിക്കുമ്പോള്‍, ചരിത്രപുരുഷന്മാരോടാണ് അനീതി കാട്ടുന്നത്.

വരുംതലമുറയെ സത്യം പഠിപ്പിക്കാന്‍ എല്ലാവരും യഥാര്‍ത്ഥ ചരിത്ര പുസ്തകങ്ങള്‍ വീട്ടില്‍ ശേഖരിക്കേണ്ട അവസ്ഥയിലാണ്. ഗാന്ധിജിയെ വെടിവെച്ച് കൊന്നതിനും ബ്രിട്ടീഷുകാര്‍ക്ക് മാപ്പെഴുതി നല്‍കിയതിനും പുതുമാനങ്ങള്‍ സമൂഹത്തിലേക്ക് സംഘപരിവാര്‍ മാധ്യമ പ്രവര്‍ത്തകരുടെയും ചാനലുകളിലൂടെയും നടത്തി വരുന്നതിന് മതേതര്‍ കുറച്ചുകാലമായി സാക്ഷ്യം വഹിക്കുന്നതാണ്.

ഒട്ടേറെ വ്യാജനിര്‍മ്മിത ചരിത്രങ്ങള്‍ ഉദാഹരിക്കാനുണ്ട്. സ്ഥലപരിമിതി കാരണം അവ ഇവിടെ പരാമര്‍ശിക്കുന്നില്ലെന്ന് മാത്രം. ദേശീയ പ്രസ്ഥാനത്തിന് സംഭാവന ചെയ്ത കോണ്‍ഗ്രസിനും ആദ്യകാല കമ്മ്യൂണിസ്റ്റ് ആചാര്യന്മാര്‍ക്കും പോലും ഇന്ത്യയുടെ ചരിത്രത്തിന്റെ മുഴുവന്‍ ഭാഗത്തും ഭാഗവാക്കാനായില്ല. അപ്പോഴാണ് ഒരു സംഭാവന പോലും ചെയ്യാതെ, ബ്രിട്ടീഷുകാരുടെ ഷൂ നക്കികളായി ജീവിതം ഉഴിഞ്ഞുവെച്ചവരെ സ്വാതന്ത്ര്യത്തിന്റെ ഭാഗവാക്കാനായി ചരിത്രം തേടി അലയുന്നത്.

ഈ സാഹചര്യത്തില്‍ സംഘപരിവാര്‍ ചരിത്രത്തെ നാം ഭയക്കുകയല്ല, അത് തെറ്റാണെന്ന് അത്യുച്ഛത്തില്‍ വിളിച്ചുപറയാനുള്ള ആര്‍ജ്ജവമാണ് നാം സാംശീകരിക്കേണ്ടത്. അതിനായുള്ള തയ്യാറെടുപ്പുകള്‍ക്ക് ശക്തി പകരാനുള്ള തലമുറയെ നാം വാര്‍ത്തെടുക്കുക തന്നെ വേണം. എല്ലാവര്‍ക്കും ശരിയായ ചരിത്രമുള്ള സായാഹ്നം നേരുന്നു. ജയ്ഹിന്ദ്.

More News

കുവൈറ്റ് സിറ്റി: കുവൈറ്റില്‍ മീഡ് (മുള്ളറ്റ്/കണമ്പ്‌) മത്സ്യബന്ധന സീസൺ അവസാനിക്കുന്നതായി പബ്ലിക് അതോറിറ്റി ഫോർ അഗ്രികൾച്ചർ അഫയേഴ്സ് ആൻഡ് ഫിഷ് റിസോഴ്സസ് (പിഎഎഎഎഫ്ആർ) തലാൽ ഫഹദ് അൽ ദൈഹാനി പ്രഖ്യാപിച്ചു. എല്ലാ വർഷവും ജൂൺ 15 മുതൽ നവംബർ 30 വരെ മീഡ് മത്സ്യബന്ധനം അനുവദനീയമാണെന്ന് അൽ ദൈഹാനി പറഞ്ഞു. കുവൈറ്റിലെ സമുദ്രാതിർത്തിക്കുള്ളിൽ മത്സ്യബന്ധനം നിയന്ത്രിക്കുന്നതിന് അതോറിറ്റി പുറപ്പെടുവിച്ച തീരുമാനങ്ങൾ മത്സ്യസമ്പത്ത് സംരക്ഷിക്കുന്നതിൽ മികച്ച ഫലങ്ങള്‍ കൈവരിച്ചിട്ടുണ്ടെന്നും എല്ലാവരും പിഎഎഎഎഫ്ആർ മത്സ്യബന്ധന നിയമങ്ങൾ പാലിക്കണമെന്നും അദ്ദേഹം കൂട്ടിച്ചേർത്തു.

കുവൈറ്റ് സിറ്റി: വിവിധ രാജ്യങ്ങളില്‍ ഒമിക്രോണ്‍ റിപ്പോര്‍ട്ട് ചെയ്‌തെങ്കിലും, ഇതുമായി ബന്ധപ്പെട്ട് കുവൈറ്റില്‍ ഭാഗികമായോ പൂര്‍ണമായോ കര്‍ഫ്യൂ നടപ്പാക്കാന്‍ പദ്ധതിയില്ലെന്ന് ഉന്നത സര്‍ക്കാര്‍ വൃത്തങ്ങളെ ഉദ്ധരിച്ച് പ്രാദേശികപത്രം റിപ്പോര്‍ട്ട് ചെയ്തു. രാജ്യത്തെ മെച്ചപ്പെട്ട ആരോഗ്യസ്ഥിതിയിലെ സ്ഥിരത നിലനിര്‍ത്തുന്നതിന് ആവശ്യമായ നടപടികള്‍ പാലിക്കുന്നത് തുടരുമെന്നും, പ്രതിരോധ നടപടികള്‍ കൈക്കൊള്ളുമെന്നും റിപ്പോര്‍ട്ട് വ്യക്തമാക്കുന്നു.

കുവൈറ്റ് സിറ്റി: കുവൈറ്റില്‍ വാഹനാപകടത്തില്‍ പ്രവാസി മരിച്ചു. അബു ഹലീഫയിലാണ് വാഹനാപകടമുണ്ടായത്. മൃതദേഹം ഫോറന്‍സിക് പരിശോധനയ്ക്ക് അയച്ചു. പ്രവാസി സഞ്ചരിച്ച വാഹനം നിര്‍ത്തിയിട്ടിരുന്ന വാഹനത്തിലിടിച്ചാണ് അപകടമുണ്ടായതെന്നാണ് റിപ്പോര്‍ട്ട്.

ന്യൂഡല്‍ഹി: ശിരോമണി അകാലിദള്‍ നേതാവ് മഞ്ജീന്ദര്‍ സിങ് സിര്‍സ ബി.ജെ.പിയില്‍ ചേര്‍ന്നു. പഞ്ചാബ് നിയമസഭാ തിരഞ്ഞെടുപ്പിന് മാസങ്ങള്‍ മാത്രം ബാക്കിനില്‍ക്കേയാണ് സിര്‍സയുടെ ബിജെപി പ്രവേശനം. കേന്ദ്രമന്ത്രി ധര്‍മേന്ദ്ര പ്രധാന്റെയും ഗജേന്ദ്ര സിങ് ശെഖാവത്തിന്റെയും സാന്നിധ്യത്തിലാണ് സിര്‍സ ബിജെപിയില്‍ ചേര്‍ന്നത്. ബി.ജെ.പി. അംഗത്വം സ്വീകരിക്കുന്നതിന് മുന്‍പ് കേന്ദ്ര ആഭ്യന്തര മന്ത്രി അമിത് ഷായുമായും പാര്‍ട്ടി ദേശീയ അധ്യക്ഷന്‍ ജെ.പി. നഡ്ഡയുമായും സിര്‍സ കൂടിക്കാഴ്ച നടത്തിയിരുന്നു.

‘മരക്കാര്‍ അറബിക്കടലിന്റെ സ്‌നേഹം’ ഇന്ന് റിലീസാകുമ്പോള്‍ പ്രേഷകരുടെ ഏറെ നാളായുള്ള കാത്തിരിപ്പിനാണ് വിരാമമാകുന്നത്. നിരവധി പേരാണ് ചിത്രത്തിന് ആശംസയുമായി രംഗത്തെത്തിയത്. മമ്മൂട്ടിയും ആശംസ അറിയിച്ചിരുന്നു. ഇതിന് മോഹന്‍ലാല്‍ നല്‍കിയ മറുപടി സമൂഹമാധ്യമങ്ങളില്‍ വൈറലാണ്. “മരക്കാർ അറബിക്കടലിന്റെ സിംഹം നാളെ ലോകമെമ്പാടും റിലീസ് ചെയ്യുന്നു, പ്രിയപ്പെട്ട ലാലിനും പ്രിയനും അതിന്റെ പിന്നിലെ മുഴുവൻ ടീമിനും എല്ലാ ആശംസകളും നേരുന്നു”, എന്നാണ് മമ്മൂട്ടി കുറിച്ചത്. പിന്നാലെ കമന്റായി മോഹൻലാലും എത്തി. “പ്രിയപ്പെട്ട ഇച്ചാക്ക നിങ്ങളുടെ എല്ലാ സ്നേഹത്തിനും പിന്തുണയ്ക്കും വളരെ […]

രാജാക്കാട്: വാഹനാപകടത്തിൽ പരിക്കേറ്റ ഗൃഹനാഥൻ മരിച്ചു. രാജാക്കാട് അടിവാരം കാപ്പിൽ ദിവാകരൻ (65) ആണ് മരിച്ചത്. മൂന്നാഴ്ച മുമ്പ് മകൻ സുജിതിന്റെ കല്യാണം ക്ഷണിക്കാനായി അരിവിളംചാലിലുള്ള ബന്ധുവീട്ടിൽ പോയി മടങ്ങും വഴിയാണ് ആത്മാവുസിറ്റിക്ക് സമീപം ഇവർ സഞ്ചരിച്ച കാർ അപകടത്തിൽപ്പെട്ടത്. ഗുരുതര പരിക്കേറ്റ ദിവാകരനും, ഭാര്യ സതിയും കോതമംഗലത്ത് സ്വകാര്യ ആശുപത്രിയിൽ ചികിത്സയിലായിരുന്നു. കാർ ഓടിച്ചിരുന്ന സുജിതിന് നിസ്സാര പരിക്കേറ്റു. സംസ്കാരം ഇന്ന് ഉച്ചക്ക് 12 ന് വീട്ടുവളപ്പിൽ .ഭാര്യ സതി രാജാക്കാട് മാനാംതടത്തിൽ കുടുംബാംഗം. മക്കൾ: […]

ബെംഗളൂരു: കര്‍ണാടകയില്‍ ബിജെപി എംഎല്‍എയെ കൊലപ്പെടുത്താന്‍ കോണ്‍ഗ്രസ് നേതാവ് ആസൂത്രണം നടത്തുന്നതിന്റെ വീഡിയോ പുറത്ത്. യെലഹങ്ക എംഎല്‍എ എസ്ആര്‍ വിശ്വനാഥനെ കൊലപ്പെടുത്താനാണ് കോണ്‍ഗ്രസ് നേതാവായ ഗോപാല്‍കൃഷ്ണ പദ്ധതിയിട്ടത്. കോണ്‍ഗ്രസ് നേതാവ് ഒപ്പമുള്ളയാളോട് പറയുന്നത് എംഎല്‍എയെ എങ്ങനെയെങ്കിലും അവസാനിപ്പിക്കണം. അതിന് ഒരു കോടിയോ മറ്റോ ആകട്ടെ. അത് തരാം. ആരുമറിയാതെ തീര്‍ത്തുകളയണമെന്നും പറയുന്നത് വീഡിയോയില്‍ വ്യക്തമാണ്. Plot to assassinate a sitting BJP MLA & chairman of BDA SR vishwanath being probed by […]

മിഷിഗണ്‍: മിഷിഗണ്‍ സ്‌കൂളില്‍ നടന്ന വെടിവെപ്പില്‍ മൂന്ന് വിദ്യാര്‍ത്ഥികള്‍ കൊല്ലപ്പെട്ട ഭീകര നിമിഷങ്ങള്‍ ഓര്‍ത്തെടുത്ത് സഹപാഠികള്‍. സ്‌കൂള്‍ കെട്ടിടത്തിനുള്ളില്‍ വെടിയൊച്ച മുഴങ്ങുകയും മരണത്തെ മുന്നില്‍ കാണുകയും ചെയ്ത നിമിഷത്തെക്കുറിച്ച് വിദ്യാര്‍ത്ഥികള്‍ പ്രതികരിച്ചു. ഓക്സ്ഫോര്‍ഡ് ഹൈസ്‌കൂള്‍ സീനിയര്‍ എയ്ഡന്‍ പേജും സഹപാഠികളും അവരുടെ എപി സ്റ്റാറ്റിസ്റ്റിക്സ് ക്ലാസിനു തയ്യാറെടുക്കവെയാണ് ഞെട്ടിച്ചുകൊണ്ട് വെടിയൊച്ച മുഴങ്ങിയത്. തങ്ങളുടെ ക്ലാസ് ടീച്ചര്‍ ഉടന്‍ തന്നെ ഓടിച്ചെന്ന് ക്ലാസ്‌റൂമിന്റെ വാതിലുകള്‍ അടച്ചെന്നും മെറ്റല്‍ ഡോര്‍‌സ്റ്റോപ്പ് ഉപയോഗിച്ച് അത് അടയ്ക്കുകയും ചെയ്തുവെന്നും മേശകള്‍ വലിച്ച് വാതിലിനരികിലേക്ക് […]

കുവൈത്ത് സിറ്റി: കോവിഡ് മൂലം മരണപ്പെട്ടവരുടെ ആശ്രിതർക്ക് സർക്കാർ പ്രഖ്യാപിച്ച ധനസഹായം, മരണപ്പെട്ട പ്രവാസികളുടെ ആശ്രിതർക്കു കൂടി നൽകണമെന്ന് കുവൈത്ത് കെ എം സി സി സംസ്ഥാന പ്രവർത്തക സമിതിയോഗത്തിൽ അവതരിപ്പിച്ച പ്രമേയത്തിൽ കേന്ദ്ര-സംസ്ഥാന ഗവൺമെന്റുകളോടാവശ്യപ്പെട്ടു. ഇക്കാര്യത്തിൽ കോടതി ഇടപെടൽ ഉണ്ടായിട്ടു പോലും ഒളിച്ചുകളി നടത്തുന്ന സംസ്ഥാന സർക്കാറിന്റെ നിലപാട് അങ്ങേയറ്റം അപലനീയമാണെന്നും യോഗം വിലയിരുത്തി. ഇത് സംബന്ധിച്ച് മുഖ്യമന്ത്രി, വിദേശകാര്യ മന്ത്രി എന്നിവർക്ക് ഇ മെയിൽ സന്ദേശമയച്ചതായി കെ.എം.സി.സി. പ്രസിഡന്റ് ഷറഫുദ്ദീൻ കണ്ണേത്തും ജനറൽ സെക്രട്ടറി […]

error: Content is protected !!