മെക്സിക്കോ സിറ്റിയിൽ ഇന്നലെയും ഇന്നുമായി നടക്കുന്ന വലിയൊരാഘോഷമാണ് The Day of the Dead, മരണമടഞ്ഞ പൂർവ്വികരുടെ ഓർമ്മയ്ക്കായി നടത്തപ്പെടുന്ന ഈ ആഘോഷത്തിൽ ആളുകൾ അസ്ഥി കൂടങ്ങളുടെയും ചിത്രശലഭങ്ങളുടെയും വേഷഭൂഷാദികളോടെ നടത്തപ്പെടുന്ന പതിനായിരങ്ങൾ പങ്കെടുക്കുന്ന വർണ്ണശബളമായ ഘോഷയാത്രയ്ക്ക് കത്രീന എന്നാണു പേര്.
പരേഡിൽ ടൂറിസ്റ്റുകളും വിദേശികളും വരെ പങ്കെടുക്കാറുണ്ട്. നഗരവീഥികളിൽ പലയിടത്തും അസ്ഥി കൂടങ്ങളുടെ രൂപം സ്ഥാപിച്ചിരിക്കുന്നത്. അപരിചിതർക്ക് കൗതുകമാണ്. 2000 മാണ്ടുമുതലാണ് The Day of the Dead ഫെസ്റ്റിവൽ ആരംഭിച്ചത്.
31 ഒക്ടോബർ മുതൽ നവംബർ 2 വരെ നടക്കുന്ന ഈ ഫെസ്റ്റിവലിൽ നവംബർ ഒന്നും രണ്ടുമാണ് പ്രാധാന്യ മുള്ളത്. നവംബർ 1 ന് മരണപ്പെട്ട കുഞ്ഞുങ്ങളെയും നവംബർ 2 ന് പ്രായമുള്ളവരെയും ഓർമ്മിക്കുന്നതാണ് ആഘോഷരീതികൾ. ഈ ദിവസങ്ങളിൽ മരിച്ചുപോയവരുടെ ആത്മാക്കൾ അവരുടെ ബന്ധുക്കൾക്കൊപ്പം ഒരു ദിവസം ഭൂമിയിലെത്തി വസിക്കുന്നു എന്നാണ് അവരുടെ സങ്കല്പം.