15
Monday August 2022
പ്രതികരണം

നഗരങ്ങളിൽ ഒരുക്കി വച്ചിരിക്കുന്ന ചതിക്കുഴികൾ ! മലയാളി പെൺകുട്ടികൾ കരുതിയിരിക്കുക… അഭിനയമോഹവും, മോഡലിങ്ങ് മോഹവും ഉള്ള പെൺകുട്ടികൾ വളരെ എളുപ്പം ഇവരുടെ വലയിൽ വീഴുന്നു. ഒരിക്കൽ പെട്ടു പോയാൽ പിന്നീട് രക്ഷപെടാൻ പറ്റില്ല. കാരണം പെൺകുട്ടികൾക്ക് പരാതിപ്പെടാൻ സാധിക്കില്ല എന്നതാണ് – പ്രതികരണത്തില്‍ തിരുമേനി

തിരുമേനി
Tuesday, December 7, 2021

നാം വിചാരിച്ചിരുന്നതിനേക്കാൾ വലിയ വിപത്താണ് നേരിടാൻ പോകുന്നത്. മഞ്ഞുമലയുടെ ഒരു അറ്റം മാത്രമേ പുറത്ത് വന്നിട്ടുള്ളു. കേരളത്തിലെ യുവത മയക്കുമരുന്നിന്റെ പിടിയിൽ അമരുന്ന ഞെട്ടിക്കുന്ന വാർത്തകൾ ആണ് ഓരോ ദിവസവും പുറത്ത് വരുന്നത്.

കൊച്ചിയിൽ തുടങ്ങിയ റെയ്ഡ് തിരുവനന്തപുരത്ത് പൂവാറിലേക്കും വ്യാപിച്ചിരിക്കുന്നു.
കോടികൾ മറിയുന്ന ബിസിനസ്സാണ് ഓരോ ദിവസവും നടക്കുന്നത്. എം.ഡി.എം.എ, ചരസ്, കഞ്ചാവ്, ഹാഷിഷ് തുടങ്ങി എല്ലാവിധ മയക്കുമരുന്നുകളും ഇവർക്ക് സുലഭമായി ലഭിക്കുന്നു.
കൊച്ചിയിൽ ഡി.ജെ പാർട്ടികൾ എന്ന രൂപത്തിൽ നടക്കുന്നതെല്ലാം മയക്കുമരുന്ന് പാർട്ടികൾ ആണ്.

അഭിനയമോഹവും, മോഡലിങ് മോഹവും ഉള്ള പെൺകുട്ടികൾ വളരെ എളുപ്പം ഇവരുടെ വലയിൽ വീഴുന്നു. ഒരിക്കൽ പെട്ടു പോയാൽ പിന്നീട് രക്ഷപെടാൻ പറ്റില്ല. കാരണം
പെൺകുട്ടികൾക്ക് പരാതിപ്പെടാൻ സാധിക്കില്ല എന്നതാണ്. പാർട്ടികളിൽ എത്തിയാൽ ഇവർ പെൺകുട്ടികൾക്ക് ഏതെങ്കിലും തരത്തിൽ മയക്കുമരുന്ന് നൽകും.

മയക്കുമരുന്ന് ഉപയോഗിച്ചാൽ പോലും ശിക്ഷ കിട്ടുമെന്നിരിക്കെ പെൺകുട്ടികൾ പരാതിപ്പെടാൻ ധൈര്യപ്പെടില്ല. ജീവിതം കൈവിട്ട് പോയി എന്ന് മനസ്സിലാക്കുമ്പോഴേക്കും വൈകിയിരിക്കും.
സ്വന്തം മൊബൈൽ നമ്പർ വളരെ സൂക്ഷിച്ച് മാത്രം നൽകുക. കലാപരമായ കഴിവുകൾ വ്യവസ്ഥാപിതമായ മാർഗത്തിലൂടെ മറ്റുള്ളവരിൽ എത്തിക്കുക.

നല്ല സിനിമ എടുക്കാൻ താൽപര്യമുള്ള സംവിധായകനും നിർമ്മാതാവും ഒരിക്കലും ഡി.ജെ. പാർട്ടികളിൽ പോയി അഭിനേതാക്കളെ തിരയില്ല. ലോക് ഡൗൺ കാലത്ത് പോലീസിന്റെ മൂക്കിന് താഴെയാണ് ഈ വ്യാപാരം തഴച്ച് വളർന്നത്. ഇപ്പോൾ പോലീസ് കാണിക്കുന്ന ശുഷ്ക്കാന്തി അന്ന് കാണിച്ചിരുന്നെങ്കിൽ അനവധി പെൺകുട്ടികൾ ദുരന്തങ്ങളിൽ പെടുമായിരുന്നില്ല.

മറ്റൊന്ന് ഭരണകർത്താക്കൾക്ക് ഇക്കാര്യത്തിൽ ഇച്ഛാശക്തി ഉണ്ടായിരിക്കണം. എങ്കിൽ മാത്രമേ പോലീസ് കൃത്യമായ നടപടികൾ എടുക്കൂ. കേരള സമൂഹത്തെ ഒരു അർബുദം പോലെ മയക്കുമരുന്ന് പിടികൂടിയിരിക്കുകയാണ്. ശ്രദ്ധിച്ചില്ലെങ്കിൽ ഒരു തലമുറ തന്നെ നശിച്ച് പോകും.
യുദ്ധകാലാടിസ്ഥാനത്തിൽ സർക്കാർ നടപടി എടുക്കണം.

നിയമ നടപടിയോടൊപ്പം ബോധവൽക്കരണവും നടക്കണം. ജീവിതത്തിന്റെ വസന്തകാലം കൊഴിയിച്ചു കളയുന്ന വിനാശകാരിയായ ഈ ശത്രുവിനെ തോൽപിക്കാൻ എല്ലാവരും അണിനിരക്കട്ടെ എന്ന് മാത്രം പ്രത്യാശിക്കട്ടെ.

More News

ഡൽഹി: ചെങ്കോട്ടയിൽ പ്രധാനമന്ത്രി നരേന്ദ്ര മോദി പതാക ഉയർത്തി. രാജ്ഘട്ടിലെത്തിയ പ്രധാനമന്ത്രി പുഷ്പാര്‍ച്ചന നടത്തി. ട്വിറ്ററിലുടെ അദ്ദേഹം രാജ്യത്തിന് സ്വാതന്ത്ര്യദിനാശംസകൾ നേർന്നു. പ്രധാനമന്ത്രി രാജ്യത്തെ അഭിസംബോധന ചെയ്യുകയാണ്. സുപ്രധാനമായ പ്രഖ്യാപനങ്ങൾ ഉണ്ടാകുമെന്നാണ് കരുതുന്നത്. സ്വാതന്ത്ര്യദിന പ്രസംഗത്തിൽ ശ്രീനാരായണ ഗുരുവിനെ പ്രധാനമന്ത്രി അനുസ്മരിച്ചു. ഗുരുവടക്കമുള്ള മഹാൻമാർ ഇന്ത്യയുടെ ആത്മാവ് ജ്വലിപ്പിച്ചെന്ന് മോദി പറഞ്ഞു. ഇന്ത്യയുടെ വിഭജനത്തെയും പ്രസംഗത്തിൽ മോദി പരാമർശിച്ചു. ഇന്ത്യയുടെ വിഭജനത്തെ രാജ്യം അനുസ്മരിച്ചത് ഹൃദയവേദനയോടെയെന്നും മോദി പറഞ്ഞു. 75 വർഷം സുഖദുഃഖ സമ്മിശ്രമായിരുന്നു. ഇത് ഐതിഹാസിക […]

പ്രായമായവരിലാണ് വാതസംബന്ധമായ അസുഖങ്ങൾ കൂടുതലായി കാണാറുള്ളത്. വാതരോഗങ്ങൾക്ക് ഫലപ്രദമായ ചികിത്സ ആയുർവേദത്തിലുണ്ട്. കൈകാൽ വേദന, ഇടുപ്പുവേദന, സന്ധി തേയ്മാനം കൊണ്ടുള്ള വേദന, കഴുത്തു വേദന തുടങ്ങിയവയാണ് വാതദോഷാധിക്യം കൊണ്ടുണ്ടാകുന്നുത്. ഇത്തരം രോഗങ്ങൾ മഴക്കാലത്തും ശീതകാലത്തും വർധിച്ചു കാണാറുണ്ട്. പ്രായം കൂടുന്തോറും ശരീരബലം കുറയുന്നു, ഉപയോഗം കൊണ്ട് സന്ധികൾക്ക് തേയ്മാനം സംഭവിക്കുന്നു. ഇങ്ങനെ വാതരോഗങ്ങളെത്തുന്നു. വാതരോഗികളിൽ മാനസിക സമ്മർദം കൂടുന്നതും ഉറക്കമില്ലായ്മ ഉണ്ടാവുന്നതും കണ്ടുവരുന്നു. ∙ ദിവസവും എണ്ണ തേച്ച് ശരീരം ചൂടുവെള്ളത്തിൽ കഴുകി കുളിക്കാം. ∙ മിതമായി […]

തൊടുപുഴ: ന്യൂമാൻ കോളേജ് റിട്ട. അധ്യാപിക ഡോ. ലിസി ജോസ് നിര്യാതയായി. നെയ്യശേരി മടശേരി കുടുംബാംഗമാണ്. സംസ്കാരം 17 ന് ബുധനാഴ്ച നടക്കും. മൃതദേഹം ചൊവ്വാഴ്ച വൈകിട്ട് ന്യൂമാൻ കോളേജിന് സമീപത്തെ വസതിയിൽ എത്തിക്കും. ബുധനാഴ്ച രാവിലെ 9 മണിക്ക് കിടങ്ങൂരെ വസതിയിലേക്ക് മൃതദേഹം എത്തിക്കും. സംസ്കാര ചടങ്ങുകൾ അവിടെയാണ് നടക്കുക. ഏതാനും ദിവസങ്ങളായി എറണാകുളം രാജഗിരി ആശുപത്രിയിൽ ചികിത്സയിലായിരുന്നു ഡോ. ലിസി ജോസ്.

ദില്ലി: എഴുപത്തിയാറാം സ്വാതന്ത്ര്യദിനാഘോഷ നിറവിൽ രാജ്യത്തിന് സ്വാതന്ത്ര്യ ദിനാശംസകൾ നേർന്ന് പ്രധാനമന്ത്രി നരേന്ദ്ര മോദി. ട്വിറ്ററിലൂടെയാണ് പ്രധാനമന്ത്രി നരേന്ദ്ര മോദി ആശംസകൾ നേർന്നത്. വളരെ പ്രത്യേകതയുള്ള ഒരു ദിനമാണ് ഇതെന്ന് പ്രധാനമന്ത്രി നരേന്ദ്ര മോദി പറഞ്ഞു. പ്രധാനമന്ത്രി നരേന്ദ്രമോദി ഇന്ന് ചെങ്കോട്ടയില്‍ ദേശീയ പതാക ഉയര്‍ത്തും. അതിനു ശേഷം പ്രധാനമന്ത്രി നരേന്ദ്രമോദി രാജ്യത്തെ അഭിസംബോധന ചെയ്യും. ചെങ്കോട്ടയിലെ സ്വാതന്ത്രദിനാഘോഷ ചടങ്ങുകളിലേക്ക് എഴായിരം പേരെയാണ് ക്ഷണിച്ചിരിക്കുന്നത്. അങ്കണവാടി ജീവനക്കാര്‍, തെരുവ് കച്ചവടക്കാർ, മോർച്ചറി ജീവനക്കാ‍ർ തുടങ്ങിയവരിലെ തെരഞ്ഞെടുക്കപ്പെട്ടവർക്കും ചടങ്ങിലേക്ക് […]

മുതിര്‍ന്ന ഒരാളിന്‍റെ ശരീരത്തിലെ കാല്‍സ്യത്തിന്‍റെ സാധാരണ അളവ് ഡെസിലീറ്ററിന് 8.8-10.4 മില്ലിഗ്രാം തോതിലായിരിക്കും. ഇതിലെ കുറവ് അല്ലെങ്കിൽ ഹൈപോകാല്‍സീമിയ കൊണ്ട് ശരീരത്തില്‍ ഇനി പറയുന്ന ബുദ്ധിമുട്ടുകളും പ്രശ്നങ്ങളും ഉണ്ടാകാം. 1. പേശീ വേദന പേശീ വേദന കാൽസ്യം അഭാവത്തിന്റെ ഒരു പ്രധാന ലക്ഷണമാണ്. പേശികള്‍ക്ക് വേദനം, പേശീ വലിവ്, നടക്കുമ്പോഴോ ചലിക്കുമ്പോഴോ തുടയ്ക്ക് വേദന, കൈകാലുകളിലും വായ്ക്ക് ചുറ്റും മരവിപ്പ് എന്നിവയെല്ലാം കാല്‍സ്യം അഭാവം മൂലമുണ്ടാകാം. കടുത്ത കാല്‍സ്യം അഭാവം സംഭവിക്കുമ്പോൾ ഈ ലക്ഷണങ്ങള്‍ തീവ്രമാകാം. 2. […]

ശരാശരി മലയാളി കണ്ണു തിരുമ്മി എണീക്കുന്ന സമയത്ത് ശാസ്ത്രീയമായി ജീവിക്കുന്ന മലയാളി പ്രാതൽ കഴിക്കണം. വൈകിട്ടത്തെ ചായയും കടിയും ഒഴിവാക്കി ആ സമയത്ത് അത്താഴം കഴിക്കണം. പറയുന്നത് നൊബേൽ സമ്മാനം നേടിയവരുൾപ്പെടെയുള്ള ശാസ്ത്രജ്ഞരാണ്. ഏറ്റവും ആരോഗ്യകരമായ ജീവിതം ആഗ്രഹിക്കുന്നവർക്ക് ശാസ്ത്രജ്ഞർ നിർദേശിക്കുന്ന ചിട്ടകൾ‌ പ്രകാരം എല്ലാറ്റിനും അതിന്റേതായ ഒരു സമയമുണ്ട്. ഒരു കടുകുമണി അങ്ങോട്ടോ ഇങ്ങോട്ടോ ഇല്ലാത്ത വിധം, ശരീര ഘടികാരം പ്രവർത്തിക്കുന്ന ചിട്ടയിൽ വേണം ഓരോ കാര്യവും ചെയ്യാൻ. പ്രാതൽ: രാവിലെ 7.11 ‘യൂണിവേഴ്സിറ്റി ഓഫ് […]

കണ്ണുകൾ കാണാൻ ഭംഗിയുണ്ടാകാനും കൂടിയാണു ലെൻസ് വയ്ക്കുന്നത്. വിവാഹ മേക്കപ്പിന് ഒപ്പവും ഫോട്ടോഷൂട്ടുകളിലും ‘കളേഡ് കോൺടാക്ട് ലെൻസു’കൾ ഇടം പിടിച്ചിട്ട് കാലമേറെയായി. കണ്ണിനു മിഴിവേകാനും വലുപ്പം തോന്നാനും കളർ ലെൻസുകൾ സഹായിക്കും. സീ ബ്ലൂ, മെറൂൺ, ഗ്രീൻ, വൈലറ്റ്, പർപ്പിൾ, ഗ്രേ തുടങ്ങിയ നിറങ്ങളിലെല്ലാം ലെൻസ് ലഭ്യമാണ്. ധരിക്കുന്ന വസ്ത്രത്തിനോ  ശരീരത്തിന്റെ നിറത്തിനോ അനുസരിച്ചു തിരഞ്ഞെടുക്കാം. സാധാരണ കോൺടാക്ട് ലെൻസുകൾ പോലെ തന്നെ കളേഡ് ലെൻസുകളും 8 മണിക്കൂർ വരെ തുടർച്ചയായി ഉപയോഗിക്കാം. കാഴ്ചശക്തിക്കു കുഴപ്പമില്ലാത്തവർക്കായുള്ള ലെൻസുകളും […]

മഹീന്ദ്ര അടുത്തിടെ പുറത്തിറക്കിയ ടീസർ വീഡിയോ , ‘ ബോൺ ഇലക്ട്രിക് വിഷൻ ‘ സബ് ബ്രാൻഡിന് കീഴിൽ അനാവരണം ചെയ്യപ്പെടുന്ന നാല് കൂപ്പെ-ടൈപ്പ് എസ്‌യുവികളെക്കുറിച്ചും ഒരു പൂർണ്ണ വലുപ്പത്തിലുള്ള എസ്‌യുവി കൺസെപ്റ്റുകളെക്കുറിച്ചും സൂചന നൽകിയിരുന്നു. ഈ മോഡലുകളെല്ലാം യുകെയിലെ മഹീന്ദ്ര അഡ്വാൻസ്ഡ് ഡിസൈൻ യൂറോപ്പിൽ സങ്കൽപ്പിക്കുകയും വികസിപ്പിക്കുകയും ചെയ്യും. മഹീന്ദ്രയുടെ ഇവി ശ്രേണിയും പുതിയ സാങ്കേതികവിദ്യയിൽ ഉയർന്ന സ്കോർ നേടുമെന്ന് പ്രതീക്ഷിക്കുന്നു. ഇൻസ്ട്രുമെന്റ് ക്ലസ്റ്ററിനായി ഇഷ്ടാനുസൃതമാക്കാവുന്ന ഡിസ്‌പ്ലേ സ്‌ക്രീനുകളുള്ള ഡ്യുവൽ സ്‌ക്രീൻ സജ്ജീകരണത്തെക്കുറിച്ചും ടീസർ സൂചന […]

അപർണ ബാലമുരളി നായികയാകുന്ന പുതിയ സിനിമയാണ് ‘ഇനി ഉത്തരം’. സുധീഷ് രാമചന്ദ്രൻ ആണ് സംവിധാനം ചെയ്യുന്നത്. ‘ഇനി ഉത്തരം’ എന്ന സിനിമയുടെ പുതിയ പോസ്റ്റര്‍ പുറത്തുവിട്ടു. അപര്‍ണ ബാലമുരളിക്ക് ഒപ്പം കലാഭവൻ ഷാജോണ്‍, ചന്തു നാഥ് എന്നിവരാണ് പോസ്റ്ററില്‍ ഉള്ളത്. ഹരീഷ് ഉത്തമൻ, സിദ്ധാർത്ഥ് മേനോൻ, സിദ്ദിഖ്, ജാഫർ ഇടുക്കി, ഷാജു ശ്രീധർ, ജയൻ ചേർത്തല, ബിനീഷ് പി, ഭാഗ്യരാജ് തുടങ്ങിയവരാണ് മറ്റു പ്രധാന താരങ്ങൾ. രഞ്ജിത് ഉണ്ണിയുടേതാണ് തിരക്കഥ, സംഭാഷണം. ഛായാഗ്രഹണം രവിചന്ദ്രൻ നിർവ്വഹിക്കുന്നു. വിനായക് […]

error: Content is protected !!