തിങ്കളാഴ്ച മനസിന് സന്തോഷം, സമാധാനം, ഏർപ്പെടുന്ന കാര്യങ്ങളില്‍ വിജയം എന്നിവ ലഭിക്കുന്ന ദിവസം. മാനസിക ബുദ്ധിമുട്ടുകള്‍, ശ്വസനസംബന്ധമായ തകരാറുകള്‍ ഉള്ളവര്‍ സൂക്ഷിക്കണം - ശംഖ് രാശി പ്രകാരം തിങ്കളാഴ്ച നിങ്ങള്‍ക്കിങ്ങനെ

ജൂൺ 27 തിങ്കളാഴ്ച്ചയിലെ ശംഖ് രാശി ഫലം പ്രകാരം ഓരോ വ്യക്തികൾക്കും മനസ്സിന് സന്തോഷവും, സമാധാനവും, ജീവിതത്തിൽ ഐശ്വര്യത്തിന്റെയും, സമൃദ്ധിയുടെയും കടന്നുവരവും ഏർപ്പെടുന്ന എല്ലാ കാര്യങ്ങളിലും വിജയവും നല്കുന്ന നല്ല ഒരു ദിവസമായാണ് ഈ ദിവസത്തെ പറ്റി കാണുവാൻ കഴിയുന്നത്.

മന: സന്തോഷം ദിവസം മുഴുവൻ നിലനിർത്തുന്നതിനായി ഇന്ന് രാവിലെ 4.50 മുതൽ 6 -20 വരെയുള്ള സമയത്തിനുള്ളിൽ വിശ്വാസികൾ ദേഹശുദ്ധി വരുത്തി ഇഷ്ട ദൈവത്തിന്റെ മുൻപിൽ മെഴുകുതിരി / നെയ് വിളക്ക് കത്തിച്ചു അവനവന്റെ വിശ്വാസപ്രകാരമുള്ള
പ്രാർത്ഥനയും ധ്യാനവും അനുഷ്ഠിക്കുന്നതും ഈ പ്രാർത്ഥന മനസ്സിൽ 21 പ്രാവശ്യം ഉരുവിടുന്നതും ജീവിതത്തിന്റെ എല്ലാ മേഖകളിലും വിജയം വരിക്കുവാൻ ഏവർക്കും ഉപകാരപ്രദമായിരിക്കും.

"ഇന്ന് ഞാൻ യാത്ര ചെയ്യുന്നിടത്തൊക്കെയും ദൈവ സ്നേഹം എനിക്ക് മുൻപേ കടന്നു പോവുകയും എന്റെ പാതകളെ ആനന്ദപൂരിതവും, സന്തോഷകരവുമാക്കിത്തീർക്കുകയും ചെയ്യുന്നു. ദൈവ സ്നേഹം എന്നെ എല്ലാ വഴികളിലും എല്ലാ ആപത്തുകളിലും നിന്നും കാത്തു രക്ഷിക്കുന്നു. ഞാൻ ഭാഗ്യവാനാകുന്നു / ഭാഗ്യവതിയാകുന്നു."

ഈ പ്രാർത്ഥന വഴി തിങ്കളാഴ്ച ദിവസം നിങ്ങൾ നേരിടാൻ സാധ്യതയുള്ള എല്ലാ ദോഷകരമായ സാഹചര്യങ്ങളിൽ നിന്നും നിങ്ങൾക്ക് നിങ്ങളുടെ ചുറ്റും ഒരു ദൈവീക കവചം തീർക്കുവാൻ സാധിക്കും.

ജീവിത വിജയത്തിനായി കഴിവുള്ളവർ ഈ ദിവസത്തിന്റെ തുടക്കത്തിൽ 11 - രൂപ മുതൽ 101 രൂപ വരെ അന്ന ദാനം/ വസ്ത്രദാനം/ പുസ്തക ദാനം മുതലായവയ്ക്ക് മാറ്റിവെയ്ക്കുന്നത് ഗംഭീരമായ വിജയംഏർപ്പെടുന്ന കാര്യങ്ങളിൽ നിങ്ങൾക്ക് ഏവർക്കും നേടിത്തരുന്നതാണ്.

ഇന്ന് പ്രത്യേകം ശ്രദ്ധിക്കേണ്ടത്. പ്രാർത്ഥന കുറച്ചാൽ ദൈവാധീനം കുറയുകയും അതുവഴി തീരുമാനങ്ങളിൽ ഉറച്ച് നിൽക്കുവാനുള്ള കഴിവ് നഷ്ടപ്പെടുകയും സ്ത്രീകൾക്ക് ഗർഭാശയ സംബന്ധമായ തകരാറുകൾ, മാനസ്സികമായ ചില ബുദ്ധിമുട്ടുകൾ, ജലദോഷം, ആസ്മ, മറ്റ് ശ്വാസനാള പ്രശ്നങ്ങൾ എന്നിവയും പുരുഷന്മാർക്കെങ്കിൽ പൊതുവെ മദ്യപാനത്തിനുള്ള ആസക്തി വർദ്ധിക്കുകയും ചെയ്യുന്നതായി രാശിയിൽ കാണുന്നു.

അതിനാൽ ഏറ്റവും കുറഞ്ഞത് ഇന്ന് രാവിലെ 15-20 മിനിറ്റ് സമയമെങ്കിലും ഈശ്വരധ്യാനം ചെയ്യുകയോ മേൽ പറഞ്ഞ പ്രാർത്ഥന 21 തവണ ഉരുവിടുകയോ ചെയ്യേണ്ടത് ഏവർക്കും ഗുണകരമായി കാണുന്നു.

2, 11, 20, 29, 7, 16, 25 തിയതികളിൽ ജനിച്ചവർക്ക് ഈ ദിവസം വളരെ നല്ലതാകുന്നു. ഈ തിയതികളിൽ ജനിച്ചവർ ഇന്ന് തുടങ്ങി വെയ്ക്കുന്ന സംരംഭങ്ങൾ എന്തായാലും ഭാവിയിൽ നല്ല വിജയത്തിൽ എത്തിച്ചേരുന്നതാണ്.

സംശയങ്ങള്‍ക്ക്: ക്രിയാ യോഗി ഷൈൻ ജി വാരണം 6238794709.