കലാവസ്ഥ വ്യതിയാനം യൂറോപ്പിനെ സാരമായി ബാധിച്ചുകഴിഞ്ഞു. യൂറോപ്പ് ചുട്ടുപൊള്ളുന്നു...

യൂറോപ്പ് ചുട്ടുപൊള്ളുന്നു... പോർത്തുഗൽ, ഫ്രാൻസ്, യു.കെ എന്നിവിടങ്ങളിൽ താപനില 40 ഡിഗ്രിക്ക് മുകളിലായിരിക്കുന്നു. സ്‌പെയിനിൽ സൂര്യതാപം മൂലം 237 പേർ ഇതുവരെ മരണപ്പെട്ടു. യുകെയിൽ റെഡ് അലർട്ട് പ്രഖ്യാപിച്ചിരിക്കുകയാണ്.

കലാവസ്ഥ വ്യതിയാനം യൂറോപ്പിനെ സാരമായി ബാധിച്ചുകഴിഞ്ഞു. 2019 ൽ യുകെയിൽ രേഖപ്പെടുത്തിയ 38.7 ഡിഗ്രി റിക്കാർഡ് ചൂട് ഇപ്പോൾ തകർക്കപ്പെട്ടിരിക്കുന്നു.

40 ഡിഗ്രി ചൂടിൽ ബ്രിട്ടൻ വിയർക്കുകയാണ്. രാജ്യ ത്തിന്റെ പല ഭാഗങ്ങളിലും റെസ്ക്യൂ ടീമുകളെ വിന്യസിച്ചിരിക്കുകയാണ്.

സ്‌പെയിനിൽ പടർന്നുപിടിച്ചിരിക്കുന്ന കാട്ടുതീ അവിടുത്തെ താപനില കൂടുതൽ വഷളാക്കിയിരിക്കുന്നു.

ഫ്രാൻസിൽ 22000 ഏക്കർ പ്രദേശം കാട്ടുതീയിൽ അമർന്നുകഴിഞ്ഞു.12000 ആളുകളെ അവിടെനിന്നും ഇതുവരെ രക്ഷിച്ചിട്ടുണ്ട്.

പോർട്ടുഗലിലെ വനമേഖലയിൽ കാട്ടുതീ പടർന്നതുമൂലം 160 പേർക്ക് പൊള്ളലേറ്റിട്ടുണ്ട്. വീടുകൾ വിട്ടൊഴിയാൻ ആയിരക്കണക്കിനാൾക്കാർ നിർബന്ധിതരായിരിക്കുന്നു. താപനിലയും ദിനം പ്രതി ഉയരുകയാണ്.

മൊറോക്കോയിലും കാട്ടുതീ നാശം വിതച്ചിരിക്കുന്നു. 500 ൽ അധികം കുടുംബങ്ങളെ ഇതുവരെ മാറ്റിപ്പാർപ്പിച്ചിട്ടുണ്ട്.