30
Wednesday November 2022
ലേഖനങ്ങൾ

ഡോ.യൂസുഫുൽ ഖർദാവിയുടെ വിയോഗം ഇസ്ലാമികജ്ഞാന ലോകത്തിന്ന് വലിയ നഷ്ടം: ഡോ.ഹുസൈൻ മടവൂർ (ലേഖനം)

ഡോ.ഹുസൈൻ മടവൂർ
Wednesday, September 28, 2022

വിശ്വവിഖ്യാത ഇസ്ലാമിക പണ്ഡിതൻ ഡോക്ടർ യൂസുഫുൽ ഹറാമിയുടെ വിയോഗം ഇസ്ലാമിക ജ്ഞാനലോകത്തിന് വലിയ നഷ്ടം തന്നെയാണ്. അദ്ദേഹം കൈവെക്കാത്ത അറിവിന്റെ മേഖലകളില്ല.ഇസ്ലാം കേവലം അനുഷ്ഠാനങ്ങളുടെ പാരമ്പര്യ വൃത്തങ്ങൾക്കപ്പുറത്ത് മനുഷ്യ ജീവിതത്തെ മുഴുവനായും നിയന്ത്രിക്കുന്ന പ്രായോഗികമായ ചാലകശക്തിയാണെന്ന് ലോകത്തെ ബോധ്യപ്പെടുത്തുന്നതാണ് അദ്ദേഹത്തിന്റെ രചനകൾ.

ഇരുന്നൂറോളം കനപ്പെട്ട ഗ്രന്ഥങ്ങൾ രചിച്ചിട്ടുണ്ടദ്ദേഹം. ലോക ഭാഷകളിലെക്ക് പരിഭാഷപ്പെടുത്തിയിട്ടുള്ള ഗ്രന്ഥങ്ങളിൽ പലതും മലയാളത്തിലും ലഭ്യമാണ്.
മുതലാളിത്തവും കമ്മ്യൂണിസവുമല്ലാത്ത ഒരു സമ്പൂർണ സാമ്പത്തിക ശാസ്ത്രം ഇസ്ലാമിന്നുണ്ടെന്ന് അദ്ദേഹം സമർത്ഥിച്ചു.തന്റെ പി.എഛ്.ഡി തിസീസിന്റെ വിശാല രൂപമായ ‘ഫിഖ്ഹുസ്സകാത്ത്’ എന്ന ഗ്രന്ഥമാണ് ഇരുപതാം നൂറ്റാണ്ടിൽ ഇസ്ലാമിലെ ധനതത്വശാസ്ത്രത്തിൽ നടന്ന ഏറ്റവും ബൃഹത്തായ പഠനം. കിതാബുൽ ഖറാജും,കിതാബുൽ അംവാലും പോലെ മുസ്ലിം ലോകം ഒന്നടങ്കം അംഗീകരിക്കുന്ന ഗ്രന്ഥമാണത്.

എന്റെ ഗുരുനാഥന്മാരായ സി.പി.അബൂബക്കർ മൗലവി, അബുസ്സ്വലാഹ് മൗലവി തുടങ്ങിയവർ സകാത്ത് വിഷയം പഠിപ്പിക്കുമ്പോൾ ഫിഖ്ഹുസ്സകാത്ത് നല്ലൊരു റഫറൻസ് ആയി ഉപയോഗപ്പെടുത്തിയിട്ടുണ്ട്. എ.പി.അബ്ദുൽ ഖാദർ മൗലവിയുടെ സകാത്ത് സംബന്ധമായ പുസ്തക രചനയിലും ക്ലാസുകളിലും ഏറെ ഉപയോഗപ്പെടുത്തിയ ഗ്രന്ഥമാണത്. കർമ്മശാസ്ത്ര വിഷയങ്ങളിൽ മദ്ഹബുകളുടെ ഇമാമുകളെയും പണ്ഡിതന്മാരെയും ബഹുമാനപൂർവ്വം അംഗീകരിച്ച് കൊണ്ട് തന്നെ അദ്ദേഹം നടത്തിയ പഠനങ്ങൾ ആധുനിക വിഷയങ്ങളിൽ ഇസ്ലാമിന്റെ നിലപാടുകൾ വരച്ച് കാട്ടുന്നുണ്ട്. ഇസ്ലാമിക സാമ്പത്തിക ശാസ്ത്രത്തിന് അൽ ഇഖ്തിസ്വാദുൽ ഇസ്ലാമി എന്ന പേരിൽ ആധുനിക സാമ്പത്തിക ശാസ്ത്രത്തിന്റെ മുമ്പിൽ പരിചയപ്പെടുത്തുന്നതിൽ അദ്ദേഹം വലിയ പങ്ക് വഹിച്ചു.

ഇസ്ലാമിക് ബാങ്കിംഗ് എന്ന ആശയത്തിന്റെ ടെർമിനോളജികൾ രൂപപ്പെടുത്തുന്നതിലും അദ്ദേഹത്തിന്റെ സംഭാവനകൾ വലുതാണ്. മറ്റൊരു പഠനമായ ‘അൽ ഹലാലു വൽ ഹറാമു ഫിൽ ഇസ്ലാം’എന്ന ഗ്രന്ഥം ലോക പ്രസിദ്ധമാണ്. എന്റെ ഗുരുനാഥൻ മൗലവി മുഹമ്മദ് കുട്ടശേരി ഈ ഗ്രന്ഥം അവലംബിച്ച് ആഴ്ചകളോളം ഖുതുബകൾ നടത്തിയിട്ടുണ്ട്. മുസ്ലിം സമൂഹത്തിലെ അമുസ്ലിംകളുടെ അവകാശങ്ങൾ വിവരിക്കുന്ന ഗ്രന്ഥമാണ് ‘ഗ്വൈ റുൽ മുസ്ലിമീൻ ഫിൽ മുജ്തമഇൽ ഇസ്ലാമി. ഇത് വായിച്ച ചില മുസ്ലിം ന്യൂനപക്ഷ പ്രദേശങ്ങളിലെ വായനക്കാരുടെ ആവശ്യപ്രകാരമാണ് അമുസ്ലിം ഭൂരിപക്ഷ പ്രദേശങ്ങളിലെ ഇസ്ലാമിക ജീവിതം വിവരിക്കുന്ന ഗ്രന്ഥങ്ങൾ അദ്ദേഹം രചിച്ചത്. തന്റെ യൂറോപ്യൻ അമേരിക്കൻ യാത്രകളിൽ അവിടങ്ങളിലെ മുസ്ലിംകളിൽ നിന്നുയർന്ന് വന്ന ചോദ്യങ്ങളും ആ ഗ്രന്ഥരചനക്ക് പ്രേരണയായിട്ടുണ്ട്.’ഫിഖ്ഹുൽ അഖല്ലിയ്യാത്ത് എന്ന ഒരു വിജ്ഞാനശാഖ തന്നെ പിന്നീടുണ്ടായി.

മതത്തിന്റെ പേരിലുള്ള കാർക്കശ്യതക്കെതിരായിരുന്നു അദ്ദേഹം. അദ്ദീനു യുസ്റുൻ (മതം എളുപ്പമാണ്) എന്ന് അദ്ദേഹം പറയുമായിരുന്നു. ഫിഖ്ഹുത്തൈയ്സീർ (എളുപ്പമുള്ള കർമ്മശാസ്ത്രം) അദ്ദേഹത്തിന്റെ മാസ്റ്റർ പീസ് ആണ്. അദ്ദേഹത്തിന്റെ പ്രഭാഷണങ്ങൾ
ഒരു വെള്ളപ്പാച്ചിൽ പോലെയാണ്. ഒരു കുറിപ്പും നോക്കാതെ അദ്ദേഹം ദീർഘമായി പ്രസംഗിക്കുമായിരുന്നു. മുൻ കാല പണ്ഡിതന്മാരോട് പല വിഷയത്തിലും വിയോജിക്കുന്ന അദ്ദേഹത്തോട് വിയോജിക്കുന്നവരോടും അദ്ദേഹത്തിന്ന് നല്ല ബന്ധമായിരുന്നു. വിവിധ മുസ്ലിം വിഭാഗങ്ങൾ സ്വയം സ്വീകരിച്ച പേരുകൾ മാത്രമേ അവരെപ്പറ്റി മറ്റുള്ളവരും പറയാവൂ എന്നദ്ദേഹം പറഞ്ഞിട്ടുണ്ട്.

ഞാൻ ഖർദാവിയുടെ ഗ്രന്ഥങ്ങൾ പലതും വായിച്ചിട്ടുണ്ട്.മക്കയിൽ പഠിക്കുന്ന കാലത്ത്
അദ്ദേഹത്തിന്റെ പ്രഭാഷണങ്ങൾ കേട്ടിട്ടുണ്ട്. റാബിത്വ സംഘടിപ്പിച്ച ലോക മുസ്ലിം പണ്ഡിത സമ്മേളനത്തിൽ അദ്ദേഹത്തോടൊപ്പം പങ്കെടുത്തിട്ടുണ്ട്. ഖത്തറിൽ അദ്ദേഹത്തിൻ്റെ ഖുതുബകൾ കേട്ടിട്ടുണ്ട്. അദ്ദേഹത്തിന്റെ വീട്ടിൽ ചെന്ന് സന്ദർശിച്ചിട്ടുണ്ട്.
അവസാനമായി അദ്ദേഹം കോഴിക്കോട്ട് വന്നപ്പോൾ അദ്ദേഹവുമായി ആശയവിനിമയം നടത്തിയിട്ടുണ്ട്.

ഗവേഷണ സ്വഭാവമുള്ള വിഷയങ്ങളിൽ ഏതൊരു പണ്ഡിതനോടും മറ്റ് പല പണ്ഡിതന്മാരും എതിർപ്പ് പ്രകടിപ്പിക്കുക സ്വാഭാവികമാണ്. അത് ഖർദാവിക്കെതിരിലും ഉണ്ടായിട്ടുണ്ട്.
അദ്ദേഹത്തിന്റെ വീക്ഷണങ്ങൾക്കെതിൽ പല പണ്ഡിതന്മാരും ലേഖനങ്ങളും ഗ്രന്ഥങ്ങളും രചിച്ചിട്ടുണ്ട്. അദ്ദേഹം വിമർശനങ്ങൾക്കതീതനൊന്നുമല്ലല്ലോ. അദ്ദേഹത്തിന്റെ വിയോഗം ഇസ്ലാമിക വൈജ്ഞാനിക ലോകത്തിന്ന് വലിയൊരു നഷ്ടം തന്നെയാണ്.
പ്രപഞ്ചനാഥൻ അദ്ദേഹത്തിന്റെ പാരത്രിക ജീവിതത്തിന് രക്ഷയേകുമാറാകട്ടെ.

More News

പാലക്കാട്: കാർഷിക മേഖല കൂടുതൽ ശക്തിപ്പെടണമെങ്കിൽ വിവിധ തലത്തിലുളള ഏകികരണം അനിവാര്യമാണെന്ന് ജില്ലാ പഞ്ചായത്ത് പ്രസിഡണ്ട് കെ. ബിനുമോൾ. നിലവിലുള്ള കൃഷിഭൂമി നിലനിർത്താനാവശ്യമായ നടപടികളാണ് സർക്കാർ സ്വീകരിക്കുന്നതെന്നും കെ.ബിനു മോൾ. കണ്ണാടി ചെമ്മൻകാട് ലിഫ്റ്റ് ഇറിഗേഷൻ പദ്ധതി ഉദ്ഘാടനം ചെയ്ത് സംസാരിക്കുകയായിരുന്നു. കെ. ബിനുമോൾ. ലാഭം നോക്കാതെ പാരമ്പര്യസ്വത്ത് എന്ന നിലക്കാണ് കർഷകർ കൃഷിയെ കാണുന്നത്. കൃഷി വ്യവസായ അടിസ്ഥാനത്തിൽ വികസിപ്പിക്കുന്നതിനാണ് സർക്കാർ ഊന്നൽ നൽകുന്നത്. കൃഷി സംരക്ഷിക്കപ്പെടേണ്ടതും പ്രോത്സാഹിപ്പിക്കപ്പെടേണ്ടതും കാലഘട്ടത്തിന്റെ അനിവാര്യതയാണന്നും കെ. ബിനുമോൾ പറഞ്ഞു. […]

സിനിമകള്‍ വിജയം നേടിയാല്‍ നിര്‍മ്മാതാക്കള്‍ ആഢംബര വാഹനങ്ങള്‍ സംവിധായകന് സമ്മാനമായി നല്‍കുന്ന രീതിയുണ്ട്. ലവ് ടുഡേ സിനിമയുടെ സംവിധായകനായ പ്രദീപ് രംഗനാഥനും ആദ്യ സിനിമയുടെ വിജയത്തിനു ശേഷം നിര്‍മാതാവൊരു കാര്‍ സമ്മാനിച്ചിരുന്നു. എന്നാല്‍ അത് സ്വീകരിക്കാന്‍ പ്രദീപ് തയാറായില്ല. കാറിന് പകരം പണം തന്നാല്‍ മതിയെന്നായിരുന്നു നിര്‍മാതാവിനോട് പ്രദീപ് പറഞ്ഞത്. പണത്തോടുള്ള ആര്‍ത്തി കാരണമായിരുന്നില്ല അത് അന്ന് ആ കാറില്‍ പെട്രോള്‍ അടിക്കാന്‍ പോലും കയ്യില്‍ പണമില്ലാത്തത് കാരണമാണ് അങ്ങനെ ചെയ്തത്. സിനിമ ചെയ്യുന്നത് ആത്മസംതൃപ്തിക്ക് വേണ്ടിയാണെന്നും […]

കൊച്ചി : മലബാർ സിമന്റ്സ് കമ്പനി സെക്രട്ടറിയായിരുന്ന ശശീന്ദ്രന്റെയും മക്കളുടെയും മരണത്തിൽ തുടരന്വേഷണത്തിന് ഹൈക്കോടതി ഉത്തരവ്. സംശയാസ്പദമായ എല്ലാ സാഹചര്യവും പരിശോധിക്കണമെന്നും കൊലപാതക സാധ്യതയടക്കം വിശദമായി പരിശോധിക്കണമെന്നും കോടതി നിർദ്ദേശിച്ചു. നാലുമാസത്തിനുളളിൽ സിബിഐ അന്വേഷണം പൂ‍ർത്തിയാക്കണമെന്നും ഹൈക്കോടതി ഉത്തരവിട്ടു. കേസിൽ നേരത്തെ സിബിഐ രണ്ടുതവണ തുടരന്വേഷണം നടത്തിയിരുന്നു. ശശീന്ദ്രന്റെയും മക്കളുടേതും ആത്മഹത്യയെന്നായിരുന്നു സിബിഐയുടെ നേരത്തേയുളള കണ്ടെത്തൽ. ശശീന്ദ്രനെയും (46) മക്കളായ വിവേക് (10), വ്യാസ് (എട്ട്) എന്നിവരെയും 2011 ജനുവരി 24 നു രാത്രിയാണു കഞ്ചിക്കോട് കുരുടിക്കാട്ടെ […]

പ്രേമത്തിന് ശേഷം ഏഴ് വര്‍ഷത്തെ ഇടവേള കഴിഞ്ഞ് അല്‍ഫോണ്‍സ് പുത്രന്‍ സംവിധാനം ചെയ്യുന്ന ചിത്രമാണ് ഗോള്‍ഡ്. പൃഥ്വിരാജും നയന്‍താരയും ഒന്നിക്കുന്ന ഗോള്‍ഡില്‍ വന്‍ പ്രതീക്ഷകളാണ് ആരാധകര്‍ക്ക്. ഇപ്പോള്‍ പൃഥ്വിരാജിന്റെ കരിയറിലെ തന്നെ ഏറ്റവും ഉയര്‍ന്ന പ്രീ റിലീസ് ബിസിനസ് സ്വന്തമാക്കിയിരിക്കുകയാണ് ഗോള്‍ഡ്. അമ്പത് കോടിയലധികം രൂപയാണ് ചിത്രം പ്രീ റിലീസ് ബിസിനസ് വഴി സ്വന്തമാക്കിയത്. നാളെയാണ് ചിത്രം (ഡിസംബര്‍ 1) തിയേറ്ററുകളിലെത്തുന്നത്. ലോകമെമ്പാടുമുള്ള 1300കളിലധികം സ്‌ക്രീനുകളില്‍ എത്തുന്ന ചിത്രം പൃഥ്വിരാജിന്റെ ഏറ്റവും വലിയ റിലീസാണ്. ആറായിരത്തിലധികം ഷോകളായിരിക്കും […]

പത്തനംതിട്ട: ഇളമണ്ണൂരിൽ ഓടികൊണ്ടിരുന്ന ടിപ്പർ ലോറിക്ക് തീപിടിച്ചു. ഇളമണ്ണൂർ ടാർ മിക്സിങ്ങ് പ്ലാന്‍റില്‍ നിന്ന് കരുനാഗപ്പള്ളിയിലേക്ക് സാധനങ്ങളുമായി പോയ വാഹനമാണ് കത്തിയത്. ഡീസൽ ടാങ്കിന്‍റെ ഭാഗത്ത് നിന്ന് പുക വരുന്നത് കണ്ട് ഡ്രൈവറും സഹായിയും ലോറിയിൽ നിന്നും ചാടി രക്ഷപെട്ടത് കൊണ്ട് ആളപായം ഒഴിവായി. ഓയിൽ ടാങ്ക് പൊട്ടിയതാണ് തീ പിടിക്കാൻ കാരണമെന്നാണ് നിഗമനം. അടൂരിൽ നിന്നുള്ള രണ്ട് യൂണിറ്റ് ഫയർ ഫോഴ്സ് എത്തിയാണ് തീ പൂർണമായും അണച്ചത്.

ആലപ്പുഴ: എസ്എൻഡി ഭാരവാഹിയായിരുന്ന കെകെ മഹേശന്റെ മരണവുമായി ബന്ധപ്പെട്ട് വെള്ളാപ്പള്ളി നടേശനെ പ്രതിചേർത്ത് കേസെടുക്കാൻ കോടതി പൊലീസിന് നിർദ്ദേശം നൽകി. ആലപ്പുഴ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയാണ് നിർദ്ദേശം നൽകിയത്. എസ്എൻഡിപി കണിച്ചുകുളങ്ങര യൂണിയൻ സെക്രട്ടറി ആയിരുന്ന കെ കെ മഹേശൻ്റെ മരണവുമായി ബന്ധപ്പെട്ടുള്ളതാണ് കേസ്. എസ്എൻഡിപി യോഗം ജനറൽ സെക്രട്ടറിയാണ് വെള്ളാപ്പള്ളി നടേശൻ. തുഷാർ വെള്ളാപ്പള്ളി, കെ എൽ അശോകൻ എന്നിവരും പ്രതിപട്ടികയിലുണ്ട്. മൂന്ന് പേർക്കുമെതിരെ ആത്മഹത്യാ പ്രേരണാ കുറ്റം ചുമത്തി കേസെടുക്കണമെന്നാണ് കോടതി […]

പെരിന്തല്‍മണ്ണ: ശനി, ഞായർ ദിവസങ്ങളിൽ ശാന്തപുരം അൽജാമിഅ അൽ ഇസ്‌ലാമിയ കാമ്പസിൽ നടന്ന എസ്.ഐ.ഒ സംസ്ഥാന മെമ്പേഴ്സ് കോൺഫറൻസ് സമാപിച്ചു. ശനിയാഴ്ച രാവിലെ ആരംഭിച്ച കോൺഫറൻസ് ജമാഅത്തെ ഇസ്‌ലാമി കേരള ജനറൽ സെക്രട്ടറി വി.ടി അബ്ദുല്ലക്കോയ തങ്ങൾ ഉദ്ഘാടനം ചെയ്തു. എസ്.ഐ.ഒ സംസ്ഥാന പ്രസിഡന്റ് അംജദ് അലി ഇ.എം അദ്ധ്യക്ഷത വഹിച്ചു. 2021- 2022 പ്രവർത്തന കാലയളവിലെ റിപ്പോർട്ട് വായനയും ചർച്ചയും നടന്നു. തുടർന്ന് നടന്ന വിവിധ സെഷനുകളിൽ എസ്.ഐ.ഒ അഖിലേന്ത്യാ ജനറൽ സെക്രട്ടറി സയ്യിദ് അഹ്മദ് […]

ഇംഗ്ലണ്ടിലും വെയിൽസിലും ക്രിസ്ത്യാനികൾ ന്യൂനപക്ഷമായെന്ന് സെൻസസ് റിപ്പോർട്ട്. 2021ലെ സെൻസസിന്റെ അടിസ്ഥാനത്തിലാണ് ഇക്കാര്യം വ്യക്തമാക്കിയിരിക്കുന്നത്. ക്രിസ്ത്യന്‍ മതവിശ്വാസികളുടെ എണ്ണത്തില്‍ 55 ലക്ഷം (ഏകദേശം 17%) കുറവും ഇസ്ലാം മതം പിന്തുടരുന്നവരുടെ എണ്ണത്തില്‍ 12 ലക്ഷം (43%) വര്‍ദ്ധനവും ഉണ്ടായതായി സെന്‍സസില്‍ പറയുന്നു. രാജ്യത്തെ മുസ്ലീം ജനസംഖ്യ ഏകദേശം 39 ലക്ഷമായി ഉയര്‍ന്നിട്ടുണ്ട്. ശതമാനാടിസ്ഥാനത്തില്‍ കണക്കാക്കുമ്പോള്‍ ക്രിസ്ത്യാനികളുടെ എണ്ണം 13.1 ശതമാനം കുറയുകയും ഇസ്ലാം മതവിശ്വാസികളുടെ എണ്ണം 1.7 ശതമാനം വര്‍ധിക്കുകയും ചെയ്തിട്ടുണ്ട്. മുസ്ലിം ജനത 4.9 ശതമാനത്തിൽ നിന്ന് […]

തിരുവനന്തപുരം: വിഴിഞ്ഞത്തെ ഹിന്ദു ഐക്യവേദി മാര്‍ച്ചിന് അനുമതിയില്ല. സംഘര്‍ഷ മേഖലയില്‍ മാര്‍ച്ച് എത്താന്‍ അനുവദിക്കില്ലെന്ന് ഡിഐജി ആര്‍ നിശാന്തിനി പറഞ്ഞു. മാര്‍ച്ച് തടയാനുള്ള പൊലീസ് ക്രമീകരണം ഏര്‍പ്പെടുത്തി. വിഴിഞ്ഞം സംഘര്‍ഷത്തില്‍ തീവ്രസംഘടനകള്‍ ഉള്ളതായി ഇപ്പോള്‍ വിവരമില്ലെന്നും ഡിഐജി പറഞ്ഞു. പൊലീസ് സ്റ്റേഷന്‍ ആക്രമണത്തില്‍ നിയമനടപടിയുമായി മുന്നോട്ട് പോകും. പ്രതികളെ തിരിച്ചറിയാനുള്ള ശ്രമങ്ങള്‍ ആരംഭിച്ചു. വിഴിഞ്ഞം സമരവുമായി ബന്ധപ്പെട്ട് പൊലീസ് സ്റ്റേഷന് നേരെയുണ്ടായ ആക്രമണത്തിൽ എൻഐഎ വിവരം തേടിയോ എന്ന് ഇപ്പോള്‍ പറയാനാവില്ല. താന്‍ പങ്കെടുത്ത യോഗത്തില്‍ എന്‍ഐഎ […]

error: Content is protected !!