കേരളം 2014 ൽ തയ്യറാക്കിയ അന്ധവിശ്വാസ - ദുരാചാര നിർമ്മാർജ്ജന ബിൽ - എന്തുകൊണ്ട് ഈ നിയമം മാറിമാറിവന്ന സർക്കാരുകൾ നടപ്പാക്കിയില്ല ?

ഇതാണ് കേരളം 2014 ൽ തയ്യറാക്കിയ അന്ധവിശ്വാസ - ദുരാചാര നിർമ്മാർജ്ജന ബിൽ. എന്തുകൊണ്ട് ഈ നിയമം മാറിമാറിവന്ന സർക്കാരുകൾ നടപ്പാക്കിയില്ല ? പുരോഗമന - നവോത്ഥാന പ്രവാചകരെന്ന് സ്വയം വിശേഷിപ്പിക്കുന്നവരും എന്തേ മൗനം പാലിച്ചു..?

ഈ നിയമത്തിലെ രണ്ടാമത്തെ പേജ് ശ്രദ്ധിക്കുക ....,

II നിർവചനങ്ങൾ എന്ന ഖണ്ഡികയിലെ 5 പോയിന്റുകൾ വായിച്ചാൽ ആർക്കും മനസ്സിലാകും എന്തുകൊണ്ടാണ് ഇത് നടപ്പാകാതിരുന്നതെന്ന് ?

പല കണ്ണുരുട്ടലുകൾക്കും ഭീഷണികൾക്കും മുന്നിൽ വോട്ടുബാങ്ക് നഷ്ടമാകുമെന്ന ആവലാതിയിൽ ഇരു മുന്നണിയിലെയും നേതാക്കൾ അർത്ഥഗർഭമായ മൗനവ്രതം ആചരിച്ചുപോന്നു എന്നുവേണം അനുമാനിക്കാൻ.

ചില ആൾദൈവങ്ങളും ഭക്തിവ്യപാരം നടത്തി സമൂഹത്തെ ചൂഷണം ചെയ്യുന്ന കുറേ തട്ടിപ്പുകാരുമൊക്കെ നമ്മുടെ പല നേതാക്കളുടെയും അടുപ്പക്കാരാണ്. ഇത്തരം വ്യാജന്മാർക്കുമുന്നിൽ നമ്രശിരസ്ക്കരായി പലരും നിൽക്കുന്നതുകൊണ്ട് അത്ഭുതപ്പെട്ടിട്ടുണ്ട്.

ഇനി ഈ നിയമം നടപ്പാക്കാൻ ഇവർ തുനിഞ്ഞാൽത്തന്നെ അതിൽ വെള്ളം ചേർക്കുമെന്നുറപ്പാണ്. കാരണം II നിർവചനങ്ങൾ എന്ന ഖണ്ഡികയിലെ 5 പോയിന്റുകൾ ദൈവത്തിന്റെ പേര് പറഞ്ഞു തട്ടിപ്പു നടത്തുന്ന എല്ലവർക്കും പാരയാണ്.

നിയമബുക്കിന് കടപ്പാട് - കേരള യുക്തിവാദി സംഘം.