ബഹ്റൈൻ ചേമ്പർ ഓഫ് കോമേഴ്സിലേക്കുള്ള തിരഞ്ഞെടുപ്പിന്റെ ഭാഗമായി കൺവൻഷൻ സംഘടിപ്പിച്ചു

ബഹ്റൈന്‍: തൊജാര്‍ 22 പാനലിന്‍റെ ആഭിമുഖ്യത്തില്‍ സംഘടിപ്പിച്ച ബഹ്റൈൻ ചേമ്പർ ഓഫ് കോമേഴ്സിലേക്കുള്ള തിരഞ്ഞെടുപ്പിന്റെ ഭാഗമായി നടന്ന കൺവൻഷൻ സമീർ നാസിന്റെ ജസ്റയിലെ വസതിയിലെ മജ്ലിസിൽ നടത്തി. സമീർ നാസിന്റെയും, വലീദ് കാനുവിന്റെയും നേത്വത്തിലുള്ള പാനലാണ് ബഹ്റൈൻ മലയാളി ബിസിനസ്സ്ഫോറവും, അതിന്റെ യൂത്ത് വിങ്ങും.

ചെറുകിട മലയാളി കച്ചവടകാരും, ബഹ്‌റൈനിലെ കാർഗോകമ്പനികളും നേരിടുന്ന വിഷയങ്ങൾ സർക്കാറിന്റെ ശ്രദ്ധയിൽ കൊണ്ട് വരുന്നതിന് പങ്കെടുത്ത ഭാരവാഹികൾ നിർദേശം ഉന്നയിച്ചു.

ചർച്ചയിൽ മുഹമ്മദ് മൻസൂർ, ബഷീർ അമ്പലായി, സുബൈർ കണ്ണൂർ, നൗശാദ് പൂനൂർ എന്നിവർ വിവിധ വിഷയങ്ങൾ ഉന്നയിച്ച് സംസാരിച്ചു. ഫോറം ഭാരവാഹികളായ അശറഫ് മായഞ്ചേരി, നെജീബ് കടലായി, സെമീർ ഹംസ, മുഹമ്മത് സവാദ്, നിയാസ്, മുഹമ്മദ് റഫീഖ്, സനു, അൻവർ കണ്ണൂർ, നുബിൻ, നാസർ ടെക്സിം, സൈനൽ, ഹാഷിം, ഷിബു എന്നിവര്‍ പങ്കെടുത്തു. ഫോറം ബഹ്റൈനിൽ മലയാളി കച്ചവടക്കാരുടെ വിവിധ വിഷയങ്ങൾ അവതരിപ്പിച്ചു.

പരിപാടിയിൽ പ്രമുഖ ഇന്ത്യൻ ബിസിനസ്സ് സംരംഭകരടക്കം വിവിധ മേഖലയിലുള്ളവർ പങ്കെടുത്തു.