ബഹ്റൈന്‍ കേരളീയ സമാജത്തിന്റെ മുൻ പ്രസിഡന്‍റും മുൻ ജനറൽ സെക്രട്ടറിയുമായിരുന്ന എം.പി രഘുനാഥന്‍ നിര്യാതനായി

മനാമ: ബഹ്റൈന്‍ മലയാളികൾക്കിടയില്‍ ഏറെ സുപരിചതനും കേരളീയ സമാജത്തിന്റെ മുൻ പ്രസിഡന്‍റും മുൻ ജനറൽ സെക്രട്ടറിയുമായിരുന്ന എം.പി രഘുനാഥന്‍ - 68 നിര്യാതനായി. കിംഗ് ഹമദ് ആശുപത്രിയിൽ ചികിത്സയിലിരിക്കെയാണ് അന്ത്യം സംഭവിച്ചത്.

പാലക്കാട് സ്വദേശിയായ എംപി രഘു റോളക്സ് വാച്ചുകളുടെ വിതരണക്കാരായ ബഹ്‌റൈനിലെ മോഡേൺ ആർട്സിന്റെ ഡയറക്ടർ ആയിരുന്നു.

കേരളീയ സമാജം പ്രസിഡന്റ്, ജനറൽ സെക്രട്ടറി എന്നിവ ഉൾപ്പെടെ നിരവധി സ്ഥാനങ്ങളും വഹിച്ചിട്ടുണ്ട്. ഭാര്യ: ശാന്ത രഘു. മക്കൾ: അനൂപ്, പ്രശോഭ്.

എം.പി രഘുവിന്‍റെ നിര്യാണം മലയാളി സമൂഹത്തിന് തീരാനഷ്ടമാണന്ന് ബഹ്റൈൻ കേരള സോഷ്യൽ ഫോറവും ബഹ്റൈൻ മലയാളി ബിസിനസ് ഫോറവും ഇന്ത്യൻ ഓവർസീസ് കോൺഗ്രസും ഗൾഫ് മലയാളി ഫെഡറേഷനും അനുശോചന സന്ദേശത്തിൽ അറിയിച്ചു.